Mirzə Xəzərin Səsi: Category Xəbərlər

Media Hüququ İnstitutu (MHİ) Azərbaycanda medianın hüququ vəziyyəti ilə bağlı növbəti aylıq hesabatını yayıb

Mirzə Xəzər — Mon, 13 Oct 2008 03:49:09 -0400

“Azərbaycanda media hüququ: önəmli olaylar və tendensiyalar” adlanan sənəd 2008-ci ilin sentyabr ayında ölkə mediasında baş verənlərın statistika və şərhini əhatə edir. Almaniyanın Fridrix Ebert Fondunun himazəsi ilə tərtiblənən hesabatı MHİ-nin proqramlar üzrə koordinatoru Xalid Ağaliyevin rəhbərlik etdiyi ekspertlər qrupu hazırlayıb.

Hesabatın xülasəsi:

“Mediaya qarşı təhdidlər, basqılar”

Sentyabrda mediya, peşə fəaliyyətini yerinə yetirən jurnalistlər 5 dəfə təzyiqlə üzləşib. Müxalif mövqeyi ilə seçilən “Yeni Müsavat” qəzeti toplumun diqqətlə qarşıladığı yazılara görə hüquq mühafizə orqanlarının təzyiqinə tuş gəlib. Qəzetin rəhbərlərindən Azər Ayxan və müxbir Məhəbbət Orucov “Bakıda terror şayiəsi” sərlövhəli məqaləyə görə Bakı şəhər Prokurorluğuna çağırılıb. Prokurorluq xəbərdarlıq etməklə jurnalistlərə toplumun diqqqətlə qarşıladığı mövzulardan yazmamaqı tösiyyə edib.
Hakim siyasi partiyanın Bibiheybətdə təşkil etdiyi kütləvi aksiyada müstəqil və tənqidçi mediyanı təmsil edən 4 jurnalist təzyiqə məruz qalıb. “Azadlıq” radiosunun əməkdaşı Maarif Çingizoğlu, “Trend” İnformasiya Agentliyinin fotomüxbiri Emil Məməmdov, habelə Reportyorların Azadlıq və Təhlükəsizlik İnstitutunun əməkdaşları Etimad Budaqov, Rasim Əliyevə peşə fəaliyyətini yerinə yetirərkən polisəməkdaşları tərəfindən saxlanılıb, onların çəkiliş aparması əngəllənib.
Media Hüququ İnstitutu jurnalistlərə qarşı artan təhdid hallarının araşdırılmadığını qeyd edir. Hesabata görə, 7-8 sərxoş məmurun döydüyü “Azadlıq” radiosunun bölgə müxbirləri İlqar və Məlahət Nəsibovların, Repartyorların Azadlıq və Təhlükəsizlik İnstitutunun nümayəndəsi Elman Abbasovun şikayəti araşdırılmayıb. Hüquq mühafizə orqanları “Bakı Zaman” qəzetinin bölgə müxbiri Rahib Həşimovun Lənkəran Regional Enerji Satış Şöbəsinin rəis müavini tərəfindən ölümlə hədələnməsi, Yeni Müsavat” qəzetinin əməkdaşı Əfqan Muxtarlının qanunsuz saxlanması faktlarını incələməyiblər.

Mediya məhkəmələrdə

Sentyabrda medianın tərəf olduğu 27 məhkəmə prosesi davam edib, həmin proseslər üzrə 40-dan artıq məhkəmə iclası keçirilib. Media ilə bağlı işlərin 14-ü yekunlaşıb, məhkəmə qərarlarının 4-ü medianın xeyrinə olub – Yasamal Məhkəməsi və Ali Məhkəmə Azadlıq qəzetinə, AzTV-yə qarşı iddiları rədd edib. Səbail Məhkəməsi isə “Müxalifət” qəzetinin redaktoru Yaşar Ağazadənin “Azəristiliktəchizat” Cəmiyyətinə qarşı iddiasını qismən təmin edərək cəmiyyətin üzərinə jurnalistin sorğusunu cavablandırmaq vəzifəsi qoyub.
Məhkəmələrin çıxardığı qərarların 10-u media, jurnalistlərin əleyhinə olub. Hesabata görə, Səbail Məhkəməsi ”Azadlıq” qəzetinin həbsdə olan baş redaktoru Qənimət Zahidin Ədliyyə Nazirliyinin Penitensiar Xidmətinə qarşı, Apellyasiya Məhkəməsi Repartyorların Azadlıq və Təhlükəsizliyi İnstitutunun rəhbəri Emin Hüseynovun Nəsimi polisinə qarşı, Yasamal, Nəsimi Məhkəmələri jurnalist Yaşar Ağazadənin Hasablama Palatasına, Maliyyə Nazirliyinə, “Azercell” müəsisəsinə qarşı iddialrını təmin etməyib. Nəsimi və Apellyasiya Məhkəmələri jurnalist Ramin Hacızadənin Maliyyə Nazirliyinə qarşı iddiasını rədd edən qərar qəbul edib.

Medianin maliyyə, texniki və yayım problemləri

Azərbaycanın çap bazarında inhisarçı mövqeyə malik olan “Azərbaycan” Nəşriyyatı heç bir izahat vermədən müəsisəyə məxsus tikililərdə yerləşmiş qəzet redaksiyalarının ofis icarə haqlarını, eləcə də şap xərclərini 25 faiz qaldırıb. Paralel olaraq 6 qəzet də satış qiymətlərini qaldırıb.
Hesabatda həmçinin ötən ay Mingəçevir şəhərində müxalifyönlü “Azadlıq” qəzetinin yayımına qeyri-rəsmi qadağa qoyulduğu, müstəqil “Paralel” qəzetinin yayımına “Azərbaycan” Nəşriyyatı rəhbərliyinin imkan vermədiyi, Ədliyyə Nazirliyinin Məhkəmə Qərarlarının İcrasına Nəzarət üzrə Baş İdarəsinin “Yeni Müsavat” qəzetinin bank hesabını dondurduğu vurğulanır.

Digər olaylar

MHİ qeyd edir ki, informasiya əldə edilməsində ciddi problemlər qalmaqdadır. Ötən ay 9 dövlət qurumu onlara göndərilən sorğuların heç birini cavablandırmayıb. Məhkəmələr yalnız bir halda sorğu verən jurnalistlrə bilgi əldə etmək hüquqlarını reallaşdırmaqda yardımçı olmayıblar.

Hesabatda Mərkəzi Seçki Komissiyasının “İnternyus Azərbaycan” təşkilatının www.mediaforum.az saytında prezidentliyə namizədlərin ödənişli əsaslarla reklamlarının yerləşdirilməsinə qadağa qoymasına da yer verilib. Sənəd müəllifləri MSK-nın qərarının əsassız olduğunu, ifadə azadlığının məhdudlaşdırılmasına xidmət etdiyini bildiriblər.

Media Hüququ İnstitutunun hesabatlarının məqsədi medianın azad və müstəqilliyinə təsir göstərən mühüm hadisələr və tendensiyalara işıq salmaq, bu halları doğuran səbəbləri və onun nəticələrini aradan qaldırmaq üçün tövsiyyələr irəli sürməkdir.

Xaricdə fəaliyyət göstərən Azərbaycan cəmiyyət və təşkilatları prezident seçkilərini boykot etməyə çağırırlar

Mirzə Xəzər — Sat, 11 Oct 2008 21:21:08 -0400

Xaricde yasayan soydaslarimizin 15 oktyabr prezident seçkileri ile bagli Azerbaycan xalqina

Muracieti

"Eziz soydaslarimiz,

Artiq on ilden coxdur ki, olke ehalisi avtoritar, polis rejimi vasitesi ile idare olunur.1994-cu ilden baslayaraq olke erazisinde kecirilen butun seckiler,ister parlament, ister prezident, isterse de belediyye orqanlarina kecirilen seckiler total sekilde hakimiyyet terefinden oz xeyrine saxtalasdirilib. Azerbaycan Respublikasinin konustitusiyasinda, bir cox beynelxalq ve olke qanunlarinda eksini tapan vetendaslarin hakimiyyeti secki yolu ile deyismek huququ kobud sekilde pozulub. Butun hallarda vetendaslarin secimi nezere alinmayib. Azerbaycanda hokm suren rusvetxorluq, korrupsiya, ishsizlik, insan haqlarinin addimbasi pozulmasi,siyasi eqidesine gore insanlarin teqib ve teyziqlere meruz qalmasi ucbatindan 2,5 milyondan cox olke vetendasi olkeni terk ederek dunyanin muxtelif olkelerine muhaciret edibler. Butun bu iller erzinde 1 milyondan cox qacqinin o cumleden vetendaslarin sosial -iqtisadi problemlerinin hell edilmemesi, tehsil, sehiyye sistemlerinde bas veren qanunsuzluqlar, olkede azad metbuatun olmamasi, mehkeme islahatlarinin aparilmamasi, siyasi mehbuslar meselesinin hellini tapmamasi, siyasi partiya ve qeyri hokumet teskilatlarinin fealiyyetine suni manelerin yaradilmasi bu ve bir cox diger amiller mehz bu gune qeder kecirilen seckilerin saxtalasdirilmasinin neticesidir. Azad ve edaletli seckilerin kecirilmesini temin etmek ucun Avropa Surasinin, Venesiya komisiyasinin bir cox teklif ve tovsiyelerinin nezere alinmamasi olkede seçkiqabağı mühitin anti-demokratikliyini və bərabər imkanların olmamasını, seçki məcəlləsinin daha da mürtəceləşdirilməsini, cəmiyyətdə seçkilərə və dinc demokratik yolla hakimiyyət dəyişikliyinin mümkünlüyünə inamın ciddi şəkildə sarsılmasını, demokratik qüvvələrin resurs və imkanlarının, eyni zamanda fəaliyyət azadlığının hakim rejim tərəfindən əhəmiyyətli dərəcədə məhdudlaşdırılmasını nezere alaraq olkenin aparici muxalifet quvveleri bu seckileri baykot etmek qerarini veribler."

Müraciətdə sonra deyilir:

"Beynelxalq tecrubelere esasen hesab edirik ki, butun bu problemlerin helli olkede azad,edaletli seckilerden kecir. Xalqin iradesi ile formalasmis hakimiyyetin qeyd etdiyimiz problemlerin qisa bir zamanda hell ede bileceyine de qetiyyetle eminik.

Hormetli hemvetenlilerimiz, biz Sizlere muraciet ederek, Ilham Eliyev hokumetinin yalanci vedlerine ve beyanatlarina inanmamaga,taleyinize, ovladlarinizin geleceyine bigane qalmamaga,hamiliqla bu seckileri baykot etmeye cagiririq.

Eminik ki, tutdugunuz prinsipial movqe neticesinde olkede azad -edaletli, demokratik seckilerin kecirilmesine nail olacagiq ve Sizlerin seyleri neticesinde Azerbaycanda azad, huquqi, dunyevi dovletin qurulacagina nail olacagiq.

Biz ise oz novbemizde yasadigimiz olkelerin ve digger Avropa olkelerinin rehberlerine, AS,ATET,AB ve digger beynelxalq qrumlara da bu seckinin neticelerinin taninmamasi ucun muracietler edecek bununla bagli muxtelif tedbir ve gorusler kecireceyik."

Eldeniz Yusibov, Azerbaycanli Siyasi Muhacirlerin Dunya Ittifaqi; Hollandiya
Eli Hacili “ Azeriunited” teskilati; Hollandiya
Serdar Agayev “Oguz yurdu” cemiyyeti; Isvec
Eli Agayev “Prometey” teskilati; Isvec

Teymur Eminbeyli Butov Azerbayacan Teshkilati; Isvec
Isa Sadiqov “Odlar Yurdu” teskilati (ehtiyatda olan polkovnik) Norvec
Ilham Hesen Frankfurt Azerbaycan cemiyyeti; Almaniya
Intiqam Memmedov Hamburq Azerbaycan cemiyyeti; Almaniya
Yusif Abulov Maynz Azerbaycan cemiyyeti; Almaniya

Bakı Şəhər Prokurorluğu həbsdə olan baş redaktorun oğlunun azadlığa buraxılması barədə məlumatı təkzib edib

Mirzə Xəzər — Thu, 09 Oct 2008 01:36:05 -0400

[ 09 Oktyabr 2008 16:23 ]

Azərbaycan Milli Elmlər Akademiyasının sabiq şöbə müdiri, “Tolişi Sədo” qəzetinin həbsdə olan baş redaktoru Novruzəli Məmmədovun oğlu Emil Məmmədov Səbayel Rayon Məhkəməsinin (RM) qərarı ilə 1 il müddətinə azadlıqdan məhrum edilib.

Bu barədə APA-ya Bakı Şəhər Prokurorluğunun Dövlət İttihamının Müdafiəsi Şöbəsindən məlumat verilib. Şöbədən bildirilib ki, bəzi mətbuat orqanlarında E. Məmmədovun məhkəmə zalından azadlığa buraxılması barədə yayılan məlumatlar həqiqətə uyğun deyil: “Oktyabrın 7-də Səbayel Rayon Məhkəməsində məhkəmə baxışı zamanı Emil Məmmədovun törətmiş olduğu cinayət əməli tama sübuta yetirilib və o, məhkəmənin hökmü ilə Cinayət Məcəlləsinin 234.1-ci maddəsi ilə təqsirli bilinərək 1 il müddətinə azadlıqdan məhrum etmə cəzasına məhkum edilib. E. Məmmədov Cinayət Məcəlləsinin 93.1.4-cü maddəsinə əsasən narkomaniyadan məcburi müalicəyə cəlb edilib və barəsində Cinayət Məcəlləsinin 70-ci maddəsi tətbiq edilərək 6 ay sınaq müddəti müəyyən olunmaqla təyin edilmiş əsas cəza şərti hesab olunub”.

Qeyd edək ki, E. Məmmədov bu il iyulun 16-da qanunsuz olaraq satış məqsədi olmadan şəxsi istehlak miqdarından artıq miqdarda 0,238 qram olan tiryəkdən kustar üsulu ilə hazırlanmış narkotik vasitə-heroin əldə edib saxladığı üçün Bakı Şəhəri Səbayel Rayonu Polis İdarəsinin istintaq şöbəsində istintaq edilən cinayət işi üzrə Cinayət Məcəlləsinin 234.1-ci maddəsi ilə təqsirləndirilən şəxs qismində cəlb edilərək barəsində həbs-qətimkan tədbiri seçilib.

Bakı. Hafiz Heydərov-APA

Nardaranlılar Azərbaycan prezidentliyinə namizədi Qüdrət Həsənquliyevi məhkəməyə verəcəklər

Mirzə Xəzər — Wed, 08 Oct 2008 06:10:34 -0400

[ 08 Oktyabr 2008 18:21 ]

Böyük Quruluş Partiyasının (BQP) prezidentliyə namizədi Fazil Qəzənfəroğlu və Azərbaycan liberal Demokrat Partiyasının namizədi Fuad Əliyev bu gün Nardaran qəsəbəsində sakinlərlə görüş keçiriblər. Qəsəbə sakinlərinin APA-ya verdikləri məlumata görə, görüşdə ABŞ-ın Azərbaycanda keçmiş səfiri Stenli Eskuderonun Nardaran camaatı ilə bağlı yaranmış problemi namizədlərin diqqətinə çatdırılıb. Sakinlər keçmiş səfirin 30 hektar ərazini ələ keçirməyə çalışdığını bildiriblər. Buna yol verməyəcəklərini deyən sakinlər qanunun imkan verdiyi üsullardan istifadə edəcəklərini vurğulayıblar.

Hər iki namizəd bu məsələni diqqətdə saxlayacağını, prezident seçkilərində qalib gələcəkləri halda, nardaranlıların problemlərini həll edəcəklərini deyiblər. Görüş qəsəbənin “Səfixanı” adlanan ərazidə keçirilib.

Narazı nardaranlıların səlahiyyətli nümayəndəsi Rasim Ağayev isə APA-ya bildirib ki, qəsəbə sakinləri BAXCP-nin prezidentliyə namizədi Qüdrət Həsənquliyevlə bağlı məhkəməyə müraciət etməyə hazırlaşırlar. Onun sözlərinə görə, ötən gün İTV-dəki çıxışında Q. Həsənquliyev Nardaran camaatını təhqir edib, onları dini ekstremist adlandırıb. Gələn həftə məhkəməyə müraciət olunacağını bildirən R. Ağayev Q. Həsənquliyevin nardaranlılardan üzr istəməsini tələb edəcəklərini vurğulayıb.

Qeyd edək ki, Nardaran sakinləri prezident seçkilərində namizədliyi irəli sürülən bütün namizədlərə görüş üçün müraciət ediblər. Görüşə isə 7 namizəddən 2-si qatılıb.

Bakı. Elnur Məmmədli – APA

Nardaranlılar prezidentliyə namizədləri keçirəcəkləri etiraz aksiyasına dəvət ediblər

Mirzə Xəzər — Wed, 08 Oct 2008 00:38:56 -0400

[ 07 Oktyabr 2008 16:10 ]

Bakı. Ramil Məmmədli – APA. Nardaran qəsəbəsinin bir qrup sakini kəndin “Səfixanı” adlanan torpaq sahəsində etiraz aksiyası keçirəcək. Narazı nardaranlıların səlahiyyətli nümayəndəsi Rasim Ağayev APA-ya bildirib ki, sakinlər “Səfixanı” adlanan 30 hektar torpaq sahəsinin məhkəmə qərarı ilə ABŞ-ın Azərbaycandakı keçmiş səfiri, hazırda Bakıda yaşayan Stenli Eskuderoya verilməsinə etiraz edirlər. Bu məqsədlə oktyabrın 7-də həmin ərazidə prezidentliyə namizədlərlə görüş keçiriləcək. R. Ağayev görüşlə bağlı prezidentliyə namizədlərə müraciət etdiklərini deyib: “Görüşdə həm namizədlərin platforması ilə tanış olacağıq, həm də Stenli Eskuderonun ailəsinin uzun illərdən bəri əkib-becərdiyimiz 30 hektar torpaq sahəsini ələ keçirməsinə etiraz edəcəyik və bu ədalətsizliyin aradan qaldırılması üçün namizədlərdən dəstək istəyəcəyik”.

Böyük Quruluş Partiyasının sədri, prezidentliyə namizəd Fazil Qəzənfəroğlu görüşdə iştirak edəcəyini söyləyib: “Nardaranlılar da Azərbaycan vətəndaşlarıdır və onların problemləri ilə maraqlanmaq lazımdır. Amma hər hansı aksiyada iştirak etməyəcəyik”. Liberal Demokrat Partiyasının sədri, prezidentliyə namizəd Fuad Əliyevin vəkili Tərlan Həsənov və digər namizəd, Ümid Partiyasının sədri İqbal Ağazadə də nardaranlılarla görüşdə iştirak edəcəklərini açıqlayıblar. BAXCP sədri, prezidentliyə namizəd Qüdrət Həsənquliyevin vəkili Elçin Mirzəbəyli isə bu barədə onlara müraciət daxil olmadığını deyib. Müasir Müsavat Partiyasından prezidentliyə namizəd Hafiz Hacıyev və bitərəf namizəd Qulamhüseyn Əlibəyli də Nardarana dəvət olunmadıqlarını vurğulayıblar.

/APA/

Novruzəli Məmmədovun oğlu azadlığa buraxıldı

Mirzə Xəzər — Tue, 07 Oct 2008 00:17:34 -0400

15:12 07-10-2008

Məhkəmədə Emil Məmmədov barəsində bəraət hökmü çıxarılıb

Bu gün Yasamal rayon məhkəməsində Milli Elmlər Akademiyasının sabiq şöbə müdiri, “Tolişi Sədo” qəzetinin baş redaktoru Novruzəli Məmmədovun oğlu Emil Məmmədovun cinayət işi üzrə məhkəmə prosesi yekunlaşıb. N. Məmmədovun hüquqlarını Müdafiəsi Komitəsinin sədri Hilal Məmmədovun Lent.az-a verdiyi məlumata görə, hakim Rauf Əhmədovun sədrlik etdiyi prosesdə Emil Məmmədovun barəsində bəraət hökmü çıxarılıb və o, məhkəmə zalından azadlığa buraxılıb. H.Məmmədovun sözlərinə görə, məhkəmədə müdafiə etdiyi şəxsin günahsız olduğu sübuta yetirilib.
Qeyd edək ki, E. Məmmədov Cinayət Məcəlləsinin 234.1-ci (narkotik vasitələrin qanunsuz olaraq saxlanılması, satılması, daşınması) maddəsinə əsasən təqsirləndirilirdi.
Şəhriyar ƏLİZADƏ

LENT.AZ

NARDARAN SAKİNLƏRİ YENİ AKSİYALARA HAZIRLAŞIR

Mirzə Xəzər — Mon, 06 Oct 2008 01:19:33 -0400

Həmin tədbirə prezidentliyə namizədlər də dəvət edilib

“Mülkiyyət hüquqları pozulmuş Nardaran sakinləri oktyabrın 8-də növbəti dəfə etiraz aksiyası keçirəcək. Aksiya qəsəbədəki ”Səfixani" adlanan mübahisəli ərazidə baş tutacaq. Etiraz tədbirində prezidentliyə namizədlərin və bəzi deputatların iştirak edəcəyi istisna edilmir".
Bu barədə “Yeni Müsavat”a torpaqları zorla əlindən alınmış qəsəbə sakinlərinin səlahiyyətli nümayəndəsi Rasim Əlizadə məlumat verib. Onun sözlərinə görə, artıq bununla bağlı millət vəkili Pənah Hüseyn, prezidentliyə namizədlərdən Ümid Partiyasının sədri İqbal Ağazadə, Böyük Quruluş Partiyasının sədri Fazil Qəzənfəroğlu və Liberal-Demokrat Partiyasının rəhbəri Fuad Əliyevə görüşlər keçirilib və onlara müvafiq sənədlər təqdim edilib: “Bu gün isə məsələ ilə bağlı digər namizədlərə və Müsavat deputat qrupuna müraciət olunacaq. Yaranmış vəziyyətlə bağlı deputat Qənirə Paşayevaya və Eldar Quliyevə də müraciət edəcəyik”.
R.Əlizadənin sözlərinə görə, müraciət etdikləri namizədlərin və deputatların hamısı aksiyada iştirak edəcəkləri barədə söz verib.

Deyilənlərlə bağlı millət vəkili Pənah Hüseynlə əlaqə saxladıq. O, bildirdi ki, bu günlərdə ona Nardaranda baş verənlərlə bağlı müraciət edilib: “Hazırda həmin sənədlər məndədir, onları öyrənməklə məşğulam. Bundan sonra qanuna müvafiq hərəkət edəcəyəm”.

MƏHƏBBƏT ("Yeni Musavat" qəzeti)

JOB ADVERTISING: LIONBRIDGE SEARCH EVALUATION SPECIALIST IN AZERBAIJAN

Mirzə Xəzər — Fri, 03 Oct 2008 07:01:37 -0400

Search Evalutaion Specialist (SES) - Azerbaijan
Description

The SES will be our point of contact for search engine feedback for Azerbaijan and will actively discover, collect and report search engines issues. The specialist will be the "eyes and ears" on the ground actively communicating with the general public regarding their thoughts and views on various topics ranging from search engines to everyday issues. The role requires the tracking of other competitive products, local news, trends and the provision of feedback on feature/product suggestions ensuring to keep the search engine superior in the local market. Finally, the role requires that feedback be provided on methods of suggesting and prioritizing features together with tracking launches and product feedback that affect Azerbaijan.

Job specification:

• Generate search experience reports with details on search quality, features, user interface and competitive landscape (Average frequency- 1 per month)

• Complete weekly tasks: -

1. Perform lightweight analysis on results

2. Produce feedback on these tasks.

• Keep inventory of competitors and assist in identifying future trends
• Continuously provide feedback on issues, bugs, etc. via sparrow, buganizer, and other means into search engine teams. (Average file count -3/4 per week)
• Conduct lightweight user research (usability, focus groups, field studies, etc).
• Complete adhoc tasks at the request of international quality PM/eng/marketing teams

Qualifications required:

• Reside in Azerbaijan
• Fluent in Azerbaijani and English
• College degree or equivalent
• Strong written communication skills
• Very enthusiastic about improving technology and search engine options. Applicants do not need to be from an Engineering background but technical knowledge is an advantage.
• Knowledgeable about Azerbaijan’s online (web based) market, business dynamics, and can analyze competitive search results
• Marketing or business experience is an advantage.

Please email your CV in ENGLISH to specialist.bal@lionbridge.com

Avropa Məhkəməsi Eynulla Fətullayevin işi ilə bağlı Azərbaycana sorğu göndərib

Mirzə Xəzər — Fri, 03 Oct 2008 00:41:26 -0400

Bu gün vəkil İsaxan Aşurov “Gündəlik Azərbaycan” və “Realnıy Azərbaycan” qəzetlərinin baş redaktoru, həbsdə olan jurnalist Eynulla Fətullayevin xahişi ilə mətbuat konfransı keçirib.

Lent.az-ın məlumatına görə, İ. Aşurov sentyabrın 25-də ad günündə E. Fətullayevlə görüşdüyünü bildirib. Vəkilin sözlərinə görə, Avropa İnsan Hüquqları Məhkəməsi Ali Məhkəmənin E. Fətullayev barəsində çıxardığı qərarın faksla onlara göndərilməsini istəyib: “Qərar göndərilib və artıq sentyabrın 9-dan Avropa Məhkəməsində bu işlə bağlı kommunikasiya mərhələsi başlanılıb, dövlətə sorğu göndərilib”.

E. Fətullayevin yazılarından xarici səfirlik nümayəndələrinin narahatlıq keçirmələri ilə bağlı Xarici İşlər Nazirliyinin 2007-ci il aprelin 6-da məhkəməyə etdiyi müraciətə aydınlıq gətirən vəkil bununla bağlı xarici işlər naziri Elmar Məmmədyarova müraciət etdiyini deyib: “Əgər oktyabrın 9-dək müraciətimə cavab gəlməsə, məhkəməyə müraciət edəcəyəm”.

Şəhriyar ƏLİZADƏ

LENT.AZ

Nardaranlılar Bakıda mətbuat konfransı keçirdilər, Eskuderonu hədələdilər

Mirzə Xəzər — Fri, 03 Oct 2008 00:11:08 -0400

Nardaranlılar Eskuderonu hədələdilər

14:37 03-10-2008

“Nardarana gəlsə, onunla camaat arasında qarşıdurma yaranacaq”

Amerikanın Azərbaycandakı keçmiş səfiri Stenli Eskuderonun Nardaranda 30 hektar ərazini ələ keçirməsinə etiraz edən qəsəbə sakinləri bu gün mətbuat konfransı keçiriblər. Lent.az-ın məlumatına görə, Nardaran sakinlərinin nümayəndəsi Rasim Əlizadə dünən Birləşmiş Ştatların Azərbaycandakı səfirliyi qarşısında keçirilən etiraz aksiyasına saysız-hesabsız polis qüvvəsinin cəlb olunmasının güc strukturlarına utanc gətirdiyini vurğulayıb: “10-15 nəfərdən ibarət qəsəbə sakinin qarşısına 400-500 polis nəfərini çıxarmaq nə qədər düzgün ola bilər? Hər şeyi polisin gücü ilə etmək olmaz”. Daha sonra qəsəbə sakini Azər Əhmədov da çıxış edərək, S.Eskuderonu “cinayətkar” adlandırıb: “Bizim torpaqlarımızı əlimizdən alırlar. Biz nə işlə məşğul olmalıyıq?”

Sakinlər həmçinin bildiriblər ki, S.Eskudero Nardarana gəlsə, onunla camaat arasında qarşıdurma yaranacaq. Tədbirdə bildirilib ki, etiraz aksiyaları davamlı olacaq: “Biz prezidentliyə namizədlərin hər birinə müraciət etmişik. Müraciətimizə baxılmasa, seçkidə iştirak etməyəcəyik”.

Şəhriyar ƏLİZADƏ

LENT.AZ