http://mirzexezerinsesi.net/articles/2008/03/16/azerbaycanin-ishgal-edilmish-erazilerinde-veziyyet-barede-qetname-qebul-olundu en-us 40 <p><br /> 2008-03-14 - 21:04:00</p> <p><br /> Martın 14-də BMT-nin Baş Məclisi geniş iclasında 62-ci sessiyanın gündəliyində 20-ci bənd kimi duran «Azərbaycanın işğal edilmiş ərazilərində vəziyyət» məsələsini müzakirə edib. Müzakirələrdə Azərbaycanın BMT-dəki daimi nümayəndəsi Aqşin Mehdiyev çıxış edərək BMT-nin üzvü olan dövlətlərin nümayəndələrinə Ermənistanın Azərbaycana qarşı işğalçı siyasəti barədə danışıb, nümayəndə heyətlərini məsələ ilə bağlı Azərbaycanın müəllifi olduğu qətnamə layihəsini dəstəkləməyə çağırıb. </p> <p><br /> 9 bənddən ibarət qətnamə layihəsi BMT Baş Məclisinin Ermənistan-Azərbaycan, Dağlıq Qarabağ münaqişəsinə dair mövqeyini ifadə edir. O cümlədən Azərbaycan Respublikasının beynəlxalq səviyyədə tanınan sərhədləri çərçivəsində ərazi bütövlüyünə dəstək verir, işğal olunmuş bütün ərazilərdən Ermənistan qüvvələrinin tam və qeyd-şərtsiz çıxarılmasını tələb edir və məcburi köçkün düşən azərbaycanlıların öz yurdlarına qayıtması üçün müvafiq şəraitin yaradılmasını əks etdirir. </p> <p><br /> Müzakirələrdə ABŞ-ın BMT-dəki daimi nümayəndəsinin müavini Alexandro Vulf ATƏT-in Minsk qrupunun həmsədr ölkələri adından çıxış edərək bildirib ki, Minsk qrupu ölkələri qətnamə layihəsinin əleyhinə səs verəcək. İslam Konfransı Təşkilatının mövqeyini ifadə edən Pakistan nümayəndəsi, GUAM dövlətləri adından danışan Ukrayna nümayəndəsi, habelə Türkiyə və Uqanda təmsilçiləri Azərbaycanın ərazi bütövlüyünü tanıyaraq layihəni dəstəkləməyə çağırıblar. </p> <p>AzərTAc xəbər verir ki, müzakirələrin sonunda keçirilən səsvermə 39 lehinə, 7 əleyhinə, 100 bitərəf səslə nəticələnib. Beləliklə, BMT-nin Baş Məclisi «Azərbaycanın işğal edilmiş ərazilərində vəziyyət» barədə qətnaməni qəbul edib. </p> <p><br /> ("Media Forum")</p> Sun, 16 Mar 2008 08:58:25 -0400 urn:uuid:0d383c86-7029-41de-943b-6a2c46d65729 Mirzə Xəzər http://mirzexezerinsesi.net/articles/2008/03/16/azerbaycanin-ishgal-edilmish-erazilerinde-veziyyet-barede-qetname-qebul-olundu Qarabağımız http://mirzexezerinsesi.net/articles/trackback/3255