http://mirzexezerinsesi.net/articles/2007/07/04/eynulla-fetullayeve-qarshi-yeni-ittiham-ireli-suruldu en-us 40 <p>2007-07-04 &#8211; 14:15:00</p> <p>«Gündəlik Azərbaycan» və «Realnı Azerbaydjan» qəzetlərinin təsisçisi və baş redaktoru Eynulla Fətullayevə qarşı ittiham irəli sürülüb. Bu barədə «Media forum» saytına «Gündəlik Azərbaycan» qəzetinin şef-redaktoru Şahvələd Çobanoğlu məlumat verib.</p> <p>Ş.Çobanoğlunun sözlərinə görə, indiyədək E.Fətullayev <span class="caps">MTN</span>-də şahid qismində dindirilirdi, dünən isə ona rəsmən ittiham irəli sürülüb. E.Fətullayev Səbail Rayon Məhkəməsinə aparılıb və onun barəsində yeni cinayət işi ilə bağlı həbs-qətimkan tədbiri seçilib.</p> <p>Ş.Çobanoğlunun E.Fətullayevin vəkili Aydın Nəzərlidən aldığı məlumata görə, baş redaktora qarşı cinayət işi Cinayət Məcəlləsinin 214.1-ci (terrorçuluqla hədələmə) və 283.2.2-ci (qulluq mövqeyindən istifadə etməklə milli düşmənçilik yaratma) maddələri üzrə başlanıb.</p> <p>Xatırladaq ki, E.Fətullayev bu il aprelin 20-də Qaçqın və Məcburi Köçkünlərin Hüquqlarını Müdafiə Komitəsinin sədri Tatyana Çaladzenin iddiası əsasında Yasamal Rayon Məhkəməsinin qərarı ilə 2 il 6 ay müddətinə həbs cəzasına məhkum edilib.</p> <p>Mayın 16-da <span class="caps">MTN</span>-in Baş İstintaq İdarəsi tərəfindən Cinayət Məcəlləsinin 214-cü maddəsi ilə terrorla hədələmə faktı üzrə yeni cinayət işi başlanıb. Cinayət işi ilə bağlı E.Fətullayev <span class="caps">MTN</span> təcridxanasına köçürülüb. Baş redaktor bu işlə əlaqədar indiyədək <span class="caps">MTN</span>-də iki dəfə &#8211; iyunun 7-də və 12-də dindirilmişdi.</p> <p>«Media forum»</p> Wed, 04 Jul 2007 09:21:00 -0400 urn:uuid:d39b5231-5e27-48db-9ef1-336b6dec08f5 Mirzə Xəzər http://mirzexezerinsesi.net/articles/2007/07/04/eynulla-fetullayeve-qarshi-yeni-ittiham-ireli-suruldu Xəbərlər