http://mirzexezerinsesi.net/articles/2007/03/26/avropa-komissiyasinin-sedri-abbas-lisani-ile-bagli-isvechli-deputatin-sorgusuna-cavab-verib en-us 40 <p><br /> 2007-03-27 - 12:54:00</p> <p><br /> <br /> Benito Ferrero-Valdner<br /> </p> <p>Avropa Komissiyasının sədri Benito Ferrero-Valdner Avropa Parlamentinin İsveçdən olan üzvü Eva-Britt Svenssonun İranda həbs olunmuş azərbaycanlı fəal Abbas Lisani ilə bağlı sorğusuna cavab verib.</p> <p>Azərbaycan Gənclər Federasyonu İsveç təşkilatının rəhbəri Nərgiz Nedainin «Media forum» saytına bildirdiyinə görə, B.Ferrero-Valdner cavab məktubunda yazıb ki, Avropa Komissiyası A.Lisaninin həbsi barədə məlumatlıdır və onun İranda yaşayan azərbaycanlıların mədəni və dil hüquqları ilə bağlı keçirdiyi dinc aksiyalara görə həbs edildiyini bilir. </p> <p>Məktubda qeyd olunub ki, Avropa Birliyi İranda insan haqları, o cümlədən milli azlıqların dil və mədəni hüquqları ilə bağlı vəziyyəti yaxından izləyir, diplomatik kanallar vasitəsilə, iranlı rəsmilərlə görüşlər zamanı İranda insan haqları sahəsindəki problemləri xatırladır. </p> <p>Ferrero-Valdner məktubunda söz və sərbəst toplaşmaq azadlığının BMT-nin İnsan Haqlarına dair Konvensiyasında və İran Konstitusiyasında əksini tapdığını da vurğulaıb.</p> <p>Avropa Parlamentinin İsveçdən olan deputatı, İsveç Sol Partiyasının üzvü Eva-Britt Svensson Abbas Lisani ilə bağlı sorğusunu Avropa Komissiyasına bu il fevralın 19-da göndərmişdi. Svenssonun sorğusuna İsveçin Yaşıllar Partiyasından olan deputat Karl Şlixter və Sosial-Demokrat Partiyasından deputat İnger Segelstrom da qoşulmuşdu.</p> <p> </p> <p>Sorğuda Avropa Komissiyasına iki sual ünvanlanmışdı:</p> <p>1. Komissiya Abbas Lisaninin işinə yönəlik nəsə bir iş görməyi planlaşdırırmı? Nəzərə alsaq ki, Lisani azərbaycanlıların İran Konstitusiyasında göstərilmiş mədəni hüquqları uğrunda mübarizə aparır, o zaman onun dərhal azad edilməsi zəruridir.</p> <p>2. İrandakı azərbaycanlılara qarşı ümumi, mədəni və siyasi repressiyaları işıqlandırmaq üçün Avropa Komissiyası nə kimi işlər görmək niyyətindədir?</p> <p>Avropa Komissiyasına göndərilən sorğular iki növə bölünür: prioritet və adi sorğular. Prioritet sorğulara üç həftə ərzində cavab verilməlidir, adi sorğulara isə iki-üç ay ərzində cavab verilə bilər. İsveçli deputatların A.Lisani ilə bağlı göndərdiyi sorğu prioritet sorğu idi.</p> <p>A.Lisani ilk olaraq 2006-cı ilin mayında «İran» qəzetində Azərbaycan türklərini təhqir edən karikaturaya etirazına görə saxlanılıb. Həmin il iyunun 3-də tutulan Lisani sentyabrın 26-da 8 min ABŞ dolları məbləğində girovun müqabilində zaminə buraxılıb. Oktyabrın 3-də o, Ərdəbil mitinqçilərinə başçılıq etmək, ictimai asayişi pozmaq və dövlət əleyhinə təxribat törətmək ittihamları ilə məhkəmə tərəfindən 16 ay həbs və 50 şallaq zərbəsi cəzasına məhkum edilib. </p> <p>Oktyabrın sonunda Lisani yenidən həbs olunub. Bu dəfə o, İranda yeni dərs ilinin başladığı vaxt (23 sentyabr) Azərbaycan dilində təhsilin qadağan edilməsinə etiraz olaraq keçirilən aksiyaların təşkilatçılığında günahlandırılıb. </p> <p>Hazırda A.Lisani Ərdəbil mərkəzi həbsxanasının 7-ci bölməsində saxlanılır.</p> <p>A.Lisani bu il yanvarın 1-dən 31-dək həbsxanada aclıq aksiyası keçirib.</p> <p>«Media forum»</p> <p> </p> Mon, 26 Mar 2007 23:18:24 -0400 urn:uuid:186dac52-5601-4b88-8e39-87f1717c6e05 Mirzə Xəzər http://mirzexezerinsesi.net/articles/2007/03/26/avropa-komissiyasinin-sedri-abbas-lisani-ile-bagli-isvechli-deputatin-sorgusuna-cavab-verib Cənubdan gələn səslər http://mirzexezerinsesi.net/articles/trackback/2786