http://mirzexezerinsesi.net/articles/2010/05/09/qalx-ayaga-vetendash-dushmen-elinde-shusha en-us 40 <p>Salam, əziz Mirzə bəy! Necəsiz? Səhhətiniz yaxşıdırmı?<br /> Xahiş edirəm, bu mənzum yazıya baxın!<br /> Sayğı və sevgilərlə: Sultan<br /> ****</p> <p> </p> <p><a onclick="window.open('http://mirzexezerinsesi.net/files/shusha4.jpg','popup','width=190,height=140,scrollbars=no,resizable=no,toolbar=no,directories=no,location=no,menubar=no,status=no,left=0,top=0');return false" href="http://mirzexezerinsesi.net/files/shusha4.jpg"><img alt="shusha" src="http://mirzexezerinsesi.net/files/shusha-tbn3.jpg" width="190" height="140" /></a></p> <p> </p> <p> </p> <p> </p> <p> </p> <p> </p> <p>Sultan Laçın</p> <p> </p> <p> </p> <p>....16-cı ildir ki, guya ki yaşayırıq biz Şuşasız, Laçınsız....<br /> Hə... Şuşada doğulmuş erməni dığaları, erməni axçiləri çatdı 16 yaşa....<br /> Sən bir külli-vətəndə - Bakıda, Naxçıvanda, Gəncədə, Beyləqanda, Bərdədə, Lənkəranda alqışa bax, alqışa!..<br /> Əgər bu gün erməni əlindədirsə Şuşa, gərək varmı bu qədər təntənəyə, alqışa?..<br /> Biz arxayınıq hələ AŞ-a, Buşa, ABŞ-a,<br /> Ayıl, vətəndaş, ayıl, düşmən əlində Şuşa!..<br /> ...Heç kəs eşitmir, nədir?!.<br /> Hər kəs öz işindədir, arvadlar alver edir,<br /> Ərlər biş-düşündədir,<br /> Bir qızıl kəl boynunda,<br /> beş qızıl dişindədir...<br /> Hər kəs öz işindədir,<br /> Zaman bizi gözləmir, dövran gərdişindədir...<br /> Hanı qorxmaz igidlər? İndi bığıburmalar Qarabağı unudub...<br /> Mersedeslər, sələmlər, mayalar peşindədir,<br /> o namussuz, simasız aygünlər peşindədir, röyalar peşindədir...<br /> Yox, yox... Var qorxmazımız, var Qorxmaz Lotoçumuz!<br /> Avtomatı satıbdır, torbaya daş atıbdır...<br /> Bilir – yaddaş yatıbdır, o vətəndaş yatıbdır, bu vətəndaş yatıbdır,<br /> O da daşları atıb yaxşıca baş qatıbdır tele-loto uduşa. <br /> Alqışa bax! Alqışa! Uddu!.. Bax, oğuldu o! “Mersedes”i də uddu, “BMV”-ni də uddu, hələ evi də uddu, Məmiyevi də uddu, Əbiyevi də uddu, Babayevi də uddu! Uda-uda gedir o, çıxdı super uduşa!<br /> Onun nə vecinədir düşmən əlində Şuşa?!.<br /> Onun fikri cəmlənib o torbadakı daşa! Alqış, alqış, min alqış, bax belə vətəndaşa!.. <br /> Daşı yaddan çıxarmır, aşı yaddan çıxarmır, xaşı yaddan çıxarmır!<br /> Yubileylər keçirir, ad günləri keçirir, toy-düyünlər keçirir... <br /> Onun üçün nə fərqi, düşmən əlində Şuşa?!.<br /> Aşot Cıdır düzündə dua edir Corc Buşa,<br /> Sonra bir dönüb baxır bizim Bərdəyə tərəf, bizim Yevlağa tərəf, Ağcabədiyə tərəf...<br /> Görür hər yanda konsert, hər yanda toy-büsatdır! Hər yerdə alver gedir, hər küncdə sathasatdır...<br /> “Belə bir məmləkəti məğlub etmək asandır – deyir Aşot, Qrişa,-16 il əlindən aldığın Qarabağı istəyirsən şumla ək, istəyirsən də yandır!<br /> Kimin nə vecinədir mənim əlimdə Şuşa!<br /> Hardasan ay biznesmen, cibləri dolu oğlan?!<br /> Hardasan ay uduşlu, telelotolu oğlan?!<br /> Maşını, evi udan, ay Məmiyevi udan, ay Əbiyevi udan! Gəl bir məni ud görüm! Köçəryanı ud görüm! Sarkisyanı ud görüm! Qarşındakı ev deyil, qarşındakı ov deyil,<br /> Bala, qarşında yandır, qarşında Balayandır, qarşında Ohanyandır!<br /> Doyunca ev udursan, doyunca mal udursan, doyunca pul udursan,<br /> Hünərin var, ud görüm, nəfsini, tamahını,<br /> Ruhunu oyandır, qeyrətini oyandır,<br /> Gəl Şuşada erməni kilsəsini vur yandır!<br /> Bunu edə bilmirsən, deməli uduzmusan...<br /> Bəs sən nəyi udmusan, ay binəva, ay yazıq?!<br /> Sən beləmi tuzmusan, sən belə ulduzmusan?!<br /> Uduzmusan, ay anqut, uduzmusan, ay manqurt!<br /> Şuşanı, Kəlbəcəri, Laçını uduzmusan!<br /> Sən qeyrəti, namusu, vicdanı uduzmusan!..<br /> Bu, superloto deyil, haram pulla aldığın “Pejo”, “Tayota” deyil!<br /> Bu, dəmlənib verdiyin restoran “şotu” deyil!<br /> Papağınız qalıbsa, bir qoyub qarşınıza!<br /> Daş sizin başınıza! <br /> 16 yaşa çatmış erməni dığasına, erməni axçiyinə vətən olubdu Şuşa!<br /> Sizsə hələ baxırsız ATV-də klipə, AzTV-də tərifə, ya da lotouduşa,<br /> Gözünüzü dikmisiz o qara torbadakı o ala-bula daşa...<br /> Daş sizin başınıza, mənim əlimdə Şuşa!<br /> Aşotun, Köçaryanın, yanın əlində Şuşa!<br /> Yanın, əlimdə Şuşa!..”<br /> Eşitdin Vətən oğlu, eşitdin Vətən qızı,<br /> nələr dedi Qrişa?!<br /> O, təhqir etdi səni, o, təhqir etdi məni, təhqir etdi Vətəni!<br /> O düşməndir, haqqı var, <br /> çünki onun əlində Qafqaz gözəli Şuşa!<br /> Nə qədər dözəcəksən bu təhqirə, qarğışa?!<br /> Axı sən ki insansan, axı sən müsəlmansan?<br /> Axı sən türk övladı, igidsən, qəhrəmansan!<br /> Sən toparla gücünü, gir döyüş meydanına!<br /> Əvvəla boğ nəfsini, əyilmə bu dünyanın puluna, maşınına!<br /> Sonra isə güvənib Allaha və qanuna kəs o rüşvət istəyən, erməniyə işləyən məmurun nəfəsini!..</p> <p>Kəs o qulaqbatıran, o abırsız, həyasız manısların səsini,<br /> Sən inanma ATƏT-ə, Rusiyaya, ABŞ-a!<br /> Vallah, onlar illərdir yaxşıca baş qatırlar,<br /> AŞ-ın nə vecinədir düşmən əlində Şuşa?!<br /> Birləşib məmləkətin harını, satqınıyla<br /> səni də aldadırlar, məni də aldadırlar, onu da aldadırlar!<br /> Bil, onlar baş qatırlar, bil, bunlar baş qatırlar-<br /> Yavaş-yavaş baş qatıb Şuşanı da satırlar, Laçını da satırlar,<br /> Bakını da satırlar!..<br /> Harayla sən bu yurdun igidini, mərdini,<br /> Anlat öz soydaşına niyyətini, dərdini...<br /> Hökm eylə öz səsinə, hökm eylə öz nəfsinə,<br /> Qoyma bu qansoranlar hər tərəfə sarmaşa,<br /> Haray sal məmləkətə:”düşmən əlində Şuşa!..”<br /> ...Öz nəfsini sən boğub qəlbinə hökm etməsən,<br /> Öz milli mənliyini çıxartmasan sən başa,<br /> Öz mənini, genini ucaltmasan sən başa-<br /> Qalacaq yüz illərlə haykın əlində Şuşa!<br /> Qalacaq yüz illərlə düşmən əlində Şuşa!<br /> Ayağa qalx, vətəndaş, haykın əlində Şuşa!<br /> Ayıl, vətəndaş, ayıl, düşmən əlində Şuşa!<br /> Ayıl, vətəndaş, ayıl...</p> <p> </p> <p> </p> <p>2008, may.</p> <p> </p> <p> </p> <p><br /> Sultan Laçın, müstəqil yazar<br /> e-mail: slacin1992@front.ru</p> <p><br /> </p> Sun, 09 May 2010 01:58:23 -0400 urn:uuid:df430030-3bc2-4e7c-8bbc-7996cb573d9c Mirzə Xəzər http://mirzexezerinsesi.net/articles/2010/05/09/qalx-ayaga-vetendash-dushmen-elinde-shusha Sərbəst rubrika http://mirzexezerinsesi.net/articles/trackback/5107