Salam, Mirzə müəllim!

Mirzə Xəzər — Mon, 15 Jun 2009 22:08:29 -0400

Salam, Mirza muallim! Son vaxtlar Iranin Azerbaycana ve Israile gore tutdugu siyasi movqe baresinde ciddi soz-sohbetler gezir. Bununla elaqedar fikirlerimi sizinle bolushmek ve mumkun olarsa, yazinin hem de genish oxucu kutlesine chatdirilmasina komek etmeyinizi Sizden xahish edirem.

Sizin Azerbaycan uchun, azerbaycan xalqi uchun etdiklerinizi unutmuruq ve size gelecek fealiyyetinizde ugurlar arzulayiram!

______________________________________________________________

İran müsəlmanları müdafiə edirmi?

Son vaxtlar İranın Azərbaycan və İsrailə görə tutduğu siyasi mövqe barəsində çoxlu söz-söhbətlər gedir. Bəziləri İranın İsrailə düşmən kəsilməsini birincinin müsəlmanları müdafiə etməsində görür. Lakin bu firkin doğruluğu arzu olunan da olsa, çox ziddiyyətli görünür. Xüsusən, İranın xristian Ermənistana qarşı münasibətlərini analiz etdikdə.
Düzdür, İsrail bəzi tarixi və dini uydurmalara əsaslanaraq müsəlman ərəblərə çox pisliklər etmişdir. Onların çox hissəsini öz vətənlərindən didərgin salmış, uşaq, qadın, qoca demədən qırmış və deportasiya etmişdir. Ancaq bu danılmazdır ki, ona tabe olan, qanunlarına riayət edən ərəbləri işlə təmin edir, maddi durumlarını yaxşılaşdırmaq üçün tədbirlər görür, onların vətəndaş kimi dövlət strukturlarında təmsil olunmalarına şərait yaradır, və s.
Bəs bu gün İranın ən yaxın dostu olan Ermənistan müsəlmanlara qarşı nə edir? Ermənilərin indiki Ermənistan və Dağlıq Qarabağın vaxtilə əhalisinin yarısını təşkil edən müsəlman əhalisinə, xüsusən də Azərbaycan türklərinə qarşı tam etnik təmizləmə aparması, bu zaman qaçıb qurtara bilməyənləri vəhşicəsinə öldürməsi və ya fiziki cəhətdən naqis etməsi heç kimə sirr deyildir. Və bütün bunlar hansısa şübhələrə səbəb ola biləcək uzaq keçmişdə deyil, gözlərimiz önündə məlum hadisələr zamanı baş vermişdir. Ermənilər azərbaycan türklərinin tarixi yaşayış məskənləri olan ərazilərdə türklərə məxsus bütün izləri məhv etmiş, və ya mümkün olanını özününküləşdirmişlər. Bunları sübut edən kifayət qədər dünya tarix elminə böyük töhvələr vermiş görkəmli tarixçi alimlərin aşkar etdikləri faktlar, folklor nümunələri və s. mövcuddur.
Çox vaxt erməniləri alman faşistləri ilə müqayisə edirlər. Amma unudurlar ki, faşistlər ölkələri işğal edərkən öz siyasi rəqiblərindən başqa (məsələn, kommunistlərdən) heç kəsə toxunmurdular, əksinə yerli əhaliyə mümkün tibbi və s. yardımlar göstərirdilər. Amma, ermənilər bu cəhətdən də fərqlənirlər. Təkcə Xocalının işğalı zamanı bir gecədə dinc əhalidən 613 nəfər, o cümlədən 63 uşaq, 106 qadın, 70 qoca xüsusi amansızlıqla, işgəncələrlə öldürülmüş, insanların başları kəsilmiş, gözləri çıxarılmış, hamilə qadınların qarınları süngü ilə deşik-deşik edilmişdir. Budur, bütün dünyaya élan olunmuş erməni vandalizminin acı nəticələri:

Çox yaxın keçmişdə, 1992-ci ilin fevralında Dağlıq Qarabağın yalnız azərbaycan türkləri yaşayan Xocalı şəhərində törədilmiş bu vəhşilikləri İran dövləti də tanımaq və pisləmək məcburiyyətində qalmışdı. Amma, nə baş verir? – Məhz həmin vaxtlarda İran dövləti Azərbaycanla Ermənistan arasında vasitəçilik etmək məşqinə düşüb tərəfləri Tehrana dəvət etmişdi. Bu zaman prezidentlər Tehranda ikən Ermənistan Şuşa şəhərini işğal etdi. Bu, ya İran və Ermənistan arasında Azərbaycana qarşı hiyləgərcəsinə (İran tərəfdən müsəlman “qardaşlarına“ qarşı həm də xaincəsinə) hazırlanmış plan idi, ya da İran dövləti və onun Prezidenti üçün böyuk təhqir və etibarına sarsıdıcı zərbə idi.

Təəssüf ki, İran bir müsəlman dövləti olaraq bütün bunları yaddan çıxarmışdır və müsəlman Azərbaycan Respublikasının 20% torpaqlarını işğal altında saxlayan Ermənistana görünməyən lütfkarlıq edir. Bu gün, guya müsəlmanlardan ötrü, İsraillə müharibə vəziyyətində olan İranın orta əsrlərə məxsus vəhşi, antibəşəri siyasət yürüdən Ermənistanı açıq-aşkar dəstəkləməsinə, 10 illərlə çeçen xalqına divan tutan, tatar və s. kimi müsəlman xalqlarının müstəqillik ideyalarını içində boğan Rusiya dövlətinin siyasətinə heç bir mövqe bildirməməsinə nə ad vermək olar?
Buradan görünür ki, İranın məqsədi heç də müsəlmanları müdafiə etmək deyil və onun İsrailə qarşı düşmən münasibətinin əsas səbəbi mürtəce İran rejimindən fərqli olaraq, İsrailin şərqə mütərəqqi ideyalar, demokratiya gətirməsidir. Həm də bu şovinist dövlət Azərbaycanıın bir dövlət kimi möhkəmlənməsini istəmir və ona nifrət edir.
Ermənistanın təkcə türklərə qarşı deyil, ərazisində yaşayan kürdlərə, ruslara, yəhudələrə və başqa millətlərin nümayəndələrinə qarşı ciddi məhdudiyyətlər yaratmaqla monoetnik dövlət qurması da İran millətçiləri üçün xoşdur və bu cəhət də yaddan çıxarılmamalıdır.

Xandadaş Şahqubadbəyli,
Lənkəran şəhəri, həkim.
www.doctor-khan.narod.ru

Mirzə Xəzərin Səsi: Salam, Mirzə müəllim!

Salam, Mirzə müəllim!