http://mirzexezerinsesi.net/articles/2009/03/31/sizce-hansi-xalqimiz-qalib-oldu en-us 40 <p> </p> <p> </p> <p> </p> <p>Allahın adı ilə! Kasıb camaat arasında bayramsonrası bir-biriylə görüşən insanlar adətən ənənəvi sual verirlər: “Bayramı necə keçirdin?” Bu ənənəvi sualın cavabı da, ənənəvidir: “Ehh, nə bayram? Bayram bizim üçün deyil ki, varlılar üçün, bir də, məmurlar üçündür.” Burada ənənəvi cavabı səsləndirən şəxs çox cüzi bir səhvə yol verir. İqtidar referendumda konstitusiyaya “əl gəzdirdiyi” kimi, bu cavaba da, bir balaca “əl gəzdirmək” lazım gəlir. Axı, bu cavabın referendumdan nəyi əskikdir? Bilmək lazımdır ki, cavabdakı “məmurlar” burada artıqdır. Çünki bir dəfə “varlılar” kəlməsi işlədilirsə, daha “məmurlar” sözcüyünün burada yeri yoxdur. Məgər, kasıb olan m əmurlar da, var??? Bu cavaba bir balaca “əl gəzdirdikdən” sonra, mətləbə keçirəm!</p> <p> </p> <p> </p> <p>Referendum keçirildi, yekunlaşdı, səslər sayıldı, nəticələr bəyan edildi, olan oldu. İqtidar nəticələrin bəlli olmasından sonra, xalqı təbrik edib, öz “səmimi qəlbdən minnətdarlıq”ını da, bildirdi. Prezidentin səlahiyyət müddəti ilə bağlı olan qanuna “əl gəzdirib” uzumömürlü hakimiyyət üçün, gözəl şans yatardılar. Müxalifət isə, burada referendumu boykot etdi. Referendumqabağı efirdən xalqa səsləndi ki, bəs ey mənim xalqım, martın 18-də səsverməyə gəlməyin! Bu, referendum demokratiyaya ziddir, anti-demokratikdir, avtoritarizmə aparır, diktaturaya aparır, xalq kral istəmir və s. və i. a. İqtidar öz “xalq”ını referendumda fəal iştirak etməyə çağırdı, müxalifət də, öz “xalq”ını bu referendumu boykot etməyə, bayramqabağı, tətilqabağı özləri üçün bir gün də, art ıq bayram və tətil etməyə çağırdı. Referendumdan sonra da, iqtidar öz “xalq”ının fəallıq göstərib seçkiyə gəlib şad-xürrəm iştirak etməsindən, müxalifət də, öz “xalq”ının seçkiyə getməməsindən, seçkini boykot etməsindən danışdı.</p> <p> </p> <p> </p> <p>Bəs görəsən xalq nə etdi? İqtidarın “xalq”ı olub referendumda fəallıq nümayiş etdirib öz iqtidarını dəstəklədi, yoxsa müxalifətin “xalq”ı olub seçkini boykot etdi? İqtidarın guya referendumda iştirak edibmiş kimi, öz “xalq”ına təşəkkür etməsinə nə var ki? Eləcə də, müxalifətin sanki onun sözünü dinləyib seçkini boykot edibmiş kimi, öz “xalq”ını təbrik etməsi də, asan məsələdir. Tarix boyu əksər iqtidar və müxalifətlər belə ediblər. Seçkiqabağı əl-ayağa düşüb hər biri istəyir ki, “xalq” onun sözünü dinləsin! Bu dəfə də, belə oldu! İqtidar və müxalifət öz “xalq”ını özlərinin arxasında olmağa çağırdı. İqtidar öz əməlinə haqq qazandırmaqdan ötrü, referendumu öz “xalq”ının iradə və istəyi, həmçinin, azadlığı adlandırdı, müxalifət də, seçkiyə boykot qərarını verməsinə bəraət qazandırmaq üçün, öz “xalq”ının “kral” istəmədiyini təkidlə bəyanladı. Özünə sərf etdikdə xalqa müraciət etmək və bu xalqın adından danışmaq çox asandır. Əslində xalqın qeydinə qalmaq, halına yanmaq lazımdır ey iqtidar və müxalifət! İndi sizdən soruşuram: “Sizcə hansı “xalq”ımız qalib oldu???”</p> <p> </p> <p> </p> <p> </p> <p>Qasımbala Səfərov.</p> <p>30 mart, 2009.</p> Tue, 31 Mar 2009 06:28:50 -0400 urn:uuid:dee84059-3d08-4c61-8494-b86bf3014c69 Mirzə Xəzər http://mirzexezerinsesi.net/articles/2009/03/31/sizce-hansi-xalqimiz-qalib-oldu Sərbəst rubrika http://mirzexezerinsesi.net/articles/trackback/3942