http://mirzexezerinsesi.net/articles/2009/03/16/mirze-xezer-18-mart-referendumu-%E2%80%93-demokratiyanin-meglubiyyeti-avtoritarizmin-qelebesi-gunu en-us 40 <p><a onclick="window.open('http://mirzexezerinsesi.net/files/MIRZA3.jpg','popup','width=240,height=180,scrollbars=no,resizable=no,toolbar=no,directories=no,location=no,menubar=no,status=no,left=0,top=0');return false" href="http://mirzexezerinsesi.net/files/MIRZA3.jpg"><img alt="MIRZA" src="http://mirzexezerinsesi.net/files/MIRZA-tbn3.jpg" width="205" height="154" /></a></p> <p>&nbsp;</p> <p>&nbsp;</p> <p>&nbsp;</p> <p>&nbsp;</p> <p>&nbsp;</p> <p>&nbsp;</p> <p>Nəhayət bu günü də gördük! Martın 18-i nəhayət gəlib çatdı, əziz oxucu! YAP-ın bir neçə aydan bəri təntənə ilə xalqı təngə gətirdiyi referendumun keçirilməsinə 24 saat qaldı. Əgər hakim rejimin Azərbaycanda bütün seçkilərin “rəvan” keçirilməsində nümayiş etdirdiyi, necə deyərlər, səriştə və məharəti nəzərə alınarsa, 24 saatdan sonra İlham Əliyevin 3-cü dəfə prezident seçilməsi yolunda duran maneənin aradan qalxacağını qabaqcadan söyləmək üçün münəccim olmağa ehtiyac yoxdur. Bütün bunlar - ən cüzi tənqid mənbələrini belə aradan qaldırmaq, azad sözü və azad səsləri boğmaq, 18 mart referendumunun hakim qrupun istədiyi kimi “rəvan” keçirilməsinə nail olmaq və bununla da mövcud avtoritar rejimin uzun müddət maneəsiz hökmranlığını təmin etməyə yönələn addımlardır. Mətbuatın və elektron medianın susdurulması, müxalifətin taqətdən salınması və “sındırılması”, vətəndaşların etiraz etmək iqtidarının və qabiliyyətinin əzilib yox edilməsi yalnız və yalnız bir qayəyə - Azərbaycanda indikindən daha itaətkar bir kütlənin və indikindən daha mürtəce bir siyasi rejimin yaradılmasına xidmət edir. Və xarici siyasətində artıq demokratiyaya yox, neft və qaz ehtiyatlarına üstünlük verən Qərb dünyasının bütün bu prosesləri sükutla müşahidə etməsi rejimi həvəsləndirir və təəssüf ki, dolayısı ilə onun mürtəce hərəkətlərinə təkan verir. Azərbaycandakı rejim hal-hazırda əlinə düşən bir növ tarixi fürsətdən yubanmadan istifadə etmək əzmində olduğunu açıq göstərir. Xaricdəki təşkilatların bütün yazılı və şifahi məktublarına və səslənən tənqidlərə məhəl qoymayaraq müstəqil medianı “sındırıb” ağzını bağlaması, beynəlxalq təşkilatların bütün müraciətlərinə baxmayaraq jurnalistlərin hələ də həbsdə saxlanması və o biri yandan rejimin 18 mart referendumunu keçirtmək fikrindən daşınmaq niyyətində olmadığını nümayiş etdirməsi, gələcəyinə ümid etməyən rejimin bu günkü “əlverişli” şəraitdən istifadə edərək öz hakimiyyətini “əbədiləşdirmək” məqsədilə atdığı tələsik və təlaşlı addım sayıla bilər. Məhz rejimin avtoritar təbiəti ucbatından əcnəbilərin nəzərində Azərbaycan - neft mənbəyi və sultanlığa doğru irəliləyən bir məmləkət kimi görünür. Xarici müşahidəçilər belə məmləkətlərdə sabitliyi daima qoruyub saxlamağın qeyri-mümkün olduğunu qeyd etmədən keçmirlər. Çox təəssüf! Azərbaycanda demokratiyanın zahiri görüntüləri belə gün keçdikcə yox olub gedir, iradəsi əlindən alınan xalq itaətkarlıqla barışmalı olur, avtoritarizm isə günbəgün “inkişaf” edir və güclənir. </p> <p>&nbsp;</p> Mon, 16 Mar 2009 19:54:00 -0400 urn:uuid:6a1aeff3-1528-4553-96f2-a15929c6ae0d Mirzə Xəzər http://mirzexezerinsesi.net/articles/2009/03/16/mirze-xezer-18-mart-referendumu-%E2%80%93-demokratiyanin-meglubiyyeti-avtoritarizmin-qelebesi-gunu Təhlil və şərhlər http://mirzexezerinsesi.net/articles/trackback/3903