http://mirzexezerinsesi.net/articles/2008/08/18/mirze-xezer-azerbaycanda-musteqil-metbuatin-olduguna-inanmiram-mirze-xezer-versiya-az-saytinin-oxu%D1%81ularinin-suallarini-cavablandirir en-us 40 <p>“Polisi xalqla düşmən olmağa məcbur edənlər “parçala hökm et” düsturuna əməl edirlər”</p> <p><br /> Mirzə Xəzər Versiya.az saytının oxuсularının suallarını cavablandırır</p> <p>&nbsp;</p> <p><a onclick="window.open('http://mirzexezerinsesi.net/files/miez1.jpg','popup','width=182,height=170,scrollbars=no,resizable=no,toolbar=no,directories=no,location=no,menubar=no,status=no,left=0,top=0');return false" href="http://mirzexezerinsesi.net/files/miez1.jpg"><img height="170" alt="miez" src="http://mirzexezerinsesi.net/files/miez-tbn1.jpg" width="182" /></a></p> <p>&nbsp;</p> <p><br /> Tural: Mirzə bəy Azərbaycanda baş verən son hadisələr barədə nə deyə bilərsiz? Nə zaman bizim müxalifət normal müxalifət olub Azərbaycanı demokratiyaya qovuşduracaq? Yoxsa elə belə də davam edəcək?</p> <p> </p> <p>Cavab: Azərbaycandakı vəziyyət və ölkədə gedən proseslər təkcə müxalifətin fəaliyyəti yaxud fəaliyyətsizliyi ilə əlaqədar deyildir. Azərbaycanı bu günə salan və bütün mövcud eybəcərlikləri qidalandıran, mənəviyyatı pozan, ləyaqəti alçaldan, insan qürurunu sındıran, fərdləri dəyərsiz “dəyərlərə” möhtac gününə salan - mövcud siyasi sistem və bu sistemin təməlini təşkil edən korrupsiyadır. Müxalifəti müxalifətçilikdən məhrum edən, müxalifəti fəaliyyətsizliyə düçar edən də əvvəlcə sadaladığım fəsadlardır. Müxalifət bu fəsadlar qarşısında gücsüzlüyünü, acizliyini açıq nümayiş etdirdi. Belə müxalifət Azərbaycanı demokratiyaya qovuşdura bilməz.</p> <p> </p> <p>Hun: Bu böhrandan çıxış yolunu görürsünüzmü? Qarabağımızın, bütün yurdumuzun taleyi yanlış əllərdə deyilmi?</p> <p> </p> <p>Cavab: Böhrandan çıxış yolu oyanışdadır. Ölkəni böhrandan ancaq xalqın oyanışı, ziyalıların oyanışı, fərdlərin oyanışı çıxarda bilər ki, bu gün bu oyanışın əlamətlərinə təsadüf etmək mümkün deyildir. Qarabağın və yurdumuzun taleyi indi yox, çoxdan yanlış əllərdədir. Daha doğrusu yanlış məqsədlərə və yanlış dəyərlərə xidmət edənlərin əlindədir.</p> <p> </p> <p>Hun: Mirzə Xəzər. Bu insan əbədi olaraq mənim şurumda bir vətənsevər şəxs olaraq həkk edilmişdir. Belə insanlara Azərbaycan hakimiyyətinin önəm verməməsi və ya sıxışdıması nəticəsində xalq acınacaqlı durumdadır.</p> <p> </p> <p>Cavab: Mənə belə yüksək qiymət verdiyiniz üçün sizə minnətdaram.</p> <p> </p> <p>Aqil Mahmudov: Salam Mirzə müəllim. Necəsiniz.Yoldaşınız ovladlarınız necədir. Sizə minnətdaram ki, məni mətbuatın tanınmış simalarından biri etmisiniz. Sizi hər zaman bir müəllimim kimi dəyərləndirirəm. Mirzə müəllim mən hal-hazırda “Həftəlik Azərbaycan” adlı qəzetin rəhbəriyəm və imkanlarımdan istifadə edib sizə bir sualım olacaq. Mirzə müəllim, Siz Azərbaycanda müstəqil mətbuatın olmasına inanırsınızmı? İkinci sualım isə, Sizin Azərbaycanın indiki hakimiyyətinə qarşə münasibətinizi öyrənmək istərdim. Bütün göyçaylıların salamını sizə çatdırıram. Hörmətlə aqilm@rambler.ru</p> <p> </p> <p>Cavab: Aqil salam! Çoxdandi səndən xəbərim yox idi. Yüksəlməyin məni sevindirir. Suallarına cavab verim: 1) Yox, mən Azərbaycanda müstəqil mətbuatın olduğuna inanmıram, 2) Mənim Azərbaycanın indiki hakimiyyətinə qarşı münasibətim yoxdur. Bütün göyçaylılara məndən salam söylə!</p> <p> </p> <p>Eldəniz: Salam Mirzə müəllim, siz xaricdə niyə bir TV yaratmırsınız? Buna pulunuz çatmır? Əgər pul probleminiz varsa, bunun həlli yolları barədə düşünmüsünüzmü? Ümumiyyətlə, bir hesablama aparmısınızmı Azərbaycanın hüdudlarından kənarda bir TV yaratmaq və o TV-ni işlətmək üçün nə qədər pul lazımdır?</p> <p> </p> <p>Cavab: Salam Eldəniz! Mən xaricdə TV yaratmağı heç düşünməmişəm. Mən realist adamam, xəyalpərəstlikdən uzağam. TV açmaq və işlətmək üçün külli miqdarda vəsait lazımdır. Mənim belə vəsaitim yoxdur. “Həlli yollarını axtarmaq” - başqalarından vəsait, pul istəmək deməkdir. Bunu da bacarmıram. Kimdənsə və ya kimlərdənsə pul istəmək xasiyyətimə ziddir. Mən həyatımda atamdan başqa heç kimdən pul istəməmişəm. Xaricdə TV-ni işlətmək üçün nə qədər pul lazım olduğunu mən bilmirəm. Cənubluların Çikaqoda GünAz telekanalı fəaliyyət göstərir və onların yardım üçün yaydıqları müraciətdə dediklərinə görə bu telekanalın ayda 40 000 ABŞ dolları qədər xərci var.</p> <p> </p> <p>Murad: Hörmətli Mirzə Xəzər. Məni çox düşündürən sual budur ki, siz dünya görmüş bir şəxsiyyətsiniz. Azərbaycanda rüşvət almaq, vermək dəbdir. Bugün Azərbaycanda rüşvət alanlar sizə elə gəlmirmi ki, şərəfsizdir.</p> <p> </p> <p>Cavab: Salam Murad! Rüşvət almaq ümumiyyətlə şərəfli iş, şərəfli əməl deyildir.</p> <p> </p> <p>Murad: Mirzə Xəzər. Mənim sizə bir sualim var. Azərbaycanın gələcəyini necə görürsünüz? Azərbaycanı idarə etmək qabilliyətinə məxsus olan müxalifət lideri tanıyırsınızmı?</p> <p> </p> <p>Cavab: Arzu edirəm Azərbaycanın gələcəyi parlaq olsun. Azərbaycanı idarə etmək qabiliyyətinə malik şəxslər təkcə müxalifətdə deyil, müxalifət xaricində də çoxdur.</p> <p> </p> <p>Elvin, “Müsavat” Gənclər Təşkilatı: Salam, necəsiniz? Xaricdə yaşayan vaxtı Vətən üçün heç darıxırdınız? Xahiş edirəm bu barədə xəbər vərərdiniz. Sag olun.</p> <p> </p> <p>Cavab: Salam Elvin. Çox sağ ol, yaxşıyam. Xaricdə yaşadığım hər zaman, hər an Vətən üçün darıxmışam və darıxıram.</p> <p> </p> <p>Mehdi: Salam hörmətli Mirzə müəllim. Sizi çox sevirik. Siz həmişə bu xalqın düşmənlərinə qarşı öz səsinizlə mübarizə aparmısınız. İndi Azərbaycanda rüşvətxorluq, qohumbazlıq baş alıb gedir. Təkcə daxili işlər naziri Ramil Usubovun tayfasından 50 nəfər DİN sistemində çalışır, polis öz xalqına düşmən kimi baxır. Xalq da polisini “it” deyə çağırır. Sizcə bu, bütün polislərin günahıdır? Axı onlar da azərbaycanlıdır. Polisi xalqla düşmən olmağa kimlər və nə üçün məcbur edirlər.</p> <p> </p> <p>Cavab: “Parçala hökm et” kəlamı romalılardan qalıb və bu gün də dünyanın bir çox yerlərində, o cümlədən Azərbaycanda tətbiq olunur. Bu düsturu həyatda tətbiq edib ölkəni asanlıqla idarə etmək üçün cəmiyyətin bütün silk və təbəqələrini bir-birinə düşmən etmək lazım gəlir. Polisi xalqla düşmən olmağa məcbur edənlər də “parçala hökm et” düsturuna əməl edirlər.</p> <p> </p> <p>Soviet: Mirzə müəllim niyə SSRİ-ni dağıtmağa kömək etdiz, biz indi yaşamırıq, heç olmasa o ölkədə yasayırdıq axı, Siz orda tox Avropada kef edirsiz, biz isə burada zülm çəkirik.</p> <p> </p> <p>Cavab: Soviet salam! Çox təəssüf edirəm. Əgər nəticəsini qabaqcadan bilsəydim, orada işləməzdim. SSRİ-ni isə mən yox, Qorbaçov dağıtdı.</p> <p> </p> <p>Tofik bəy, Almaniya: Hörmətli Mirzə müəlim!!! Sizə bütün dünyada yaşayan azərbaycanlılar inanır və sizin fikrinizi həvəslə dinləyir. Mənim sualım bundan ibarətdir. Sizcə prezident seçkiləri ilə bağlı Azərbaycanda gedən bu oyunlar nə vaxt öz həqiqi demokratik adına layiq olacaq və ümumiyyətlə, Siz Azərbaycanın gələcəyini necə görürsüz?</p> <p> </p> <p>Cavab: Hörmətli Tofik bəy salam. Neft ölkəsi olan Azərbaycanda mövcud olan avtoritar rejimin əsasını kobud güc və misilsiz maliyyə imkanları təşkil edir. Neftdən asılı olan Qərbin demokratik ölkələrini sabitliyi qoruya bilən hakimiyyət təmin edir. Azərbaycanda bu gün hər şey idarə olunur. Ölkədə ictimai rəy də, ictimai güc də artıq mövcud deyildir. Bu səbəbdən, Azərbaycanda gedən bu seçki oyunları, digər oyunlar kimi, çox təəssüf ki, hələ davam edəcək.</p> <p> </p> <p>Renat: Dünyanı 4 güc idarə edir. Siz hansı gücün ədalətli idarəetməsini qəbul edirsiniz? Səmimi olmayıb cavab verməyə də bilərsiz.</p> <p> </p> <p>Cavab: Salam Renat. Mən səmimi adamam. Mən dünyanın heç bir gücünün bütün dünyanı ədalətli idarə etməsinə inanmıram.</p> <p> </p> <p>Adil: Nəçənci ildən MKİ ilə əməkdaşlıq edirsiniz?</p> <p> </p> <p>Cavab: Adil salam. Məzəli sual vermisən. İki tarix verəcəm, ürəyinə yatanı qəbul et: 29.10.1947 və 20.01.1990.</p> <p> </p> <p>İlham: Niyə Amerika mətbuatında Cənubi Azərbaycan hadisələrindən həç nə yazmırlar?</p> <p> </p> <p>Cavab: İlham, Amerikada minlərlə cənublu yaşayır və onların əksəriyyəti savadlı, ziyalılardır. Amerika mətbuatını hərəkətə gətirmək lazımdır. Onlar Amerika mətbuatı ilə işləməyi öyrənməlidirlər.</p> <p> </p> <p>Eldar: Salam Mirzə müəllim. Prezident seçkisi haqda nə deyə bilərsiniz?</p> <p> </p> <p>Cavab: Salam Eldar. Prezident seçkisinin nəticəsi indidən bəllidir. Azərbaycanda bu gün bu gülünc vəziyyəti dəyişməyə qadir olan qüvvə yoxdur. Başqa söz deməyə dəyərmi?</p> <p> </p> <p>Şahlar: Salam Mirzə müəllim. Öncə sizi salamlayıram. Siz Sovet dövründə çox məşhur idiniz, Sovet dövrünün bütün eybəcərliklərini göstərə bilirdiniz. Amma indi doğma ölkənizdə belə siyasətdə deyilsiniz və Azərbaycanda müxalifət yoxdur. Var amma köhnə müxalifətdir. Köhnə fikirlərlə oturub dururlar. Mən sizi siyasətdə görmək istərdim. Hətta prezident görmək istərdim. Sual 1) Daha Amerikaya gərək deyilmisiniz? Sovet dövrü bitdi və onunla Mirzə Xəzər bitdimi? 2) Niyə Azərbaycanda fəal müxalifətə qoşulmursunuz? Müxalifətin güclüsü “Müsavat” idi, o da daha heç nə edə bilmir və köhnəlib.</p> <p> </p> <p>Cavab: Salam Şahlar! Mənə böyük qiymət verdiyin üçün çox sağ ol. Suallarına cavab verim: 1) Düz deyirsən, mən daha Amerikaya gərək deyiləm. Haqlısan, Sovet dövrü bitdi, Mirzə Xəzər də bitdi. 2) Hansı müxalifətə? Özün yazırsan ki, Azərbaycanda müxalifət yoxdur. Bəs yoxdursa, mən hansı müxalifətə qoşulum?</p> <p> </p> <p>Xaqani: 1) Azadlıq radiosunun hazırkı fəaliyyətindən razısınızmı? 2) Mənim üçün maraqlıdır - 1990-ci il 20 Yanvardan sonra radioda “Azərbaycandan gələn səslər” proqramı niyə qəfildən bağlandı? Mən uşaq idim, amma yadımdadı ki, atam buna görə möhkəm əsəbləşmişdi. İndi bunun səbəbini aça bilərsinizmi? Qabaqcadan təşəkkür edirəm.</p> <p> </p> <p>Cavab: Salam Xaqani. Suallarına keçim: 1) Mən 2003-cü ildə oradan ayrılandan sonra radionun verilişlərinə qulaq asmamışam. Bu səbəbdən qiymət verə bilmərəm. 2) “Azərbaycandan gələn səslər” verilişi çox populyar veriliş idi. 1990-cı ilin Yanvar faciəsi günlərində efirə verdiyim verilişlər Radionun Vaşinqtondakı rəhbərliyini, eyni zamanda hökumət dairələrini çox narahat etmişdi. SSRİ hökuməti dəfələrlə Vaşinqton hökumətinə və radionun rəhbərliyinə etiraz notaları göndərmişdi. Bu səbəbdən, yanvar şəhidlərinin qırxı bitəndən sonra verilişlər normal məcraya qayıdanda, Vaşinqtonda yaradılmış xüsusi komissiya mənim məsələmi müzakirə etməyə başladı. Yoxlama bir neçə ay sürdü. Məni işdən çıxartmadılar, amma şiddətli töhmət verdilər və verilişlər üzərində nəzarət gücləndirildi. “Azərbaycandan gələn səslər” o zaman kəsildi…</p> <p> </p> <p>Tural: Salam Mizə bəy! Sizə sualım son dövrlər nədənsə sakit bir yerlə kifayətlənməyinizin səbəbini bilmək üçündür…</p> <p> </p> <p>Cavab: Tural salam! Mən sakit oturmamışam. Yazıram. İnternetdə qəzetim və radiom var. Ancaq yenə də imkanlarım məhduddur.</p> <p> </p> <p>Elçin: Salam Mirzə müəllim. Siz Quranı Azərbaycan dilinə tərcümə üzərində işləyirdiniz. Eşitdiyimə görə, nəcə oldu axırı? Sağlamlığınızda da problemlər var idi, indi necəsiniz? Hörmətlə, Münhendən Elçin.</p> <p> </p> <p>Cavab: Salam Elçin! Mən 1989-cu ildə Qurani Kərimi tərcümə etməyə başlamışdım. Lakin Bakıda bir qrup mütəxəssisin Müqəddəs Quranın tərcüməsi ilə məşğul olduğunu öyrənəndə, niyyətimdən vaz keçdim. Mən İsveçin paytaxtı Stokholmda yerləşən Bibliya Tərcümə İnstitutunun sifarişi ilə 1975-1984-cü illərdə Əhdi Cədidin (İncil) və Əhdi Ətiqin (Tövrat) tərcüməsi üzərində işləmişəm. Əhdi Cədid (İncil) 1982-ci ildə çap edildi və sonrakı illərdə 4-5 dəfə yenidən nəşr edilmişdir. Əhdi Ətiq (Tövrat) hazır olsa da, indiyə kimi çap edilməyib. Sağlamlığım babatdı, çox sağ ol.</p> <p> </p> <p>Mübariz S. Əzimli: Bəy, hərəmizin bir sitəsi var. Bəlkə hamımızın bir sitəsi olsa, yaxşıdır?</p> <p> </p> <p>Cavab: Mübariz bəy! Mənə elə gəlir ki, hərəmizin bir sitəsi olsa yaxşıdı.</p> <p> </p> <p>Biznez: Azərbaycanda biznesiniz olmamış olmaz. Əgər varsa hansı sahədədir?</p> <p> </p> <p>Cavab: Mənim Azərbaycanda biznesim yoxdur. Olsaydı sahəsini deyərdim.</p> <p> </p> <p>İlham: Mirza müəllim, man sizə uzun ömür, can sağlığı arzulayıram, ailənizlə birlikdə. Kaş Azərbaycanda sizin kimi kişilər çox olaydı. Ancaq çox təəssüf ki, yaltaqlar baş alıb gedir. Sizə 1 sualım var. Azərbaycan düzələcək, yoxsa kürdün ya erməninin gülü olacayıq?</p> <p> </p> <p>Cavab: İlham salam. Cox sağ ol, sənə də ailəlikcə can sağlığı və xoğbəxtlik arzu edirəm. Sualın çox ağır sualdı. Azərbaycan çoxlarının iştahasını açıb. Nəfs ən böyük bəladır. Çox şeylər nəfsə qurban verilir. Nəfs olan yerdə müqəddəs heç bir şey qalmır.</p> <p> </p> <p>Xəzər Mirzə: 2008-ci ilin Mirzə Xəzəriylə 1988/1990-ci illərin Mirzə Xəzəri arasındaki fərqlər nədir? (yaş fərqindən başqa). O zamanların Mirzə Xəzəri tamam başqa birisi kimi gəlir mənə.</p> <p> </p> <p>Cavab: Əlbəttə fərq var. İşsizdir, əlində mikrofon yoxdur. </p> <p><br /> </p> <p>Əlincə: Hər vaxtınız xeyir olsun sayın Mirzə Xəzər. Biz gözümüzü açanadan bəri, sizi həyatnızı Azərbaycan uğrunda yanmağa fəda edən bir insan kimi görmüşük! Bu qədər mübarizədən sonra nədən hamımızın bir Vətəni olan Azəbaycanımızı, düşmən Əliyevlər bandası tərəfindən tari-mar və viran olunmasına bizim kimi seyrici qalmısınız? Vətən bizim kimi siraviləri bağışlasa da, Sizin kimi böyük ziyalını, seyrici qaldıgınıza görə bağışlamayacaq! Vətən sizdən söz gözləyir!</p> <p> </p> <p>Cavab: Hörmətli Əlincə, çox sağ olun. Mən susmamışam, seyrçi də qalmamışam. İmkan daxilində sözümü deməyə çalışıram.</p> <p> </p> <p>Səda: Salam Mirzə müəllim. Siz bugün Azərbaycan xalqının düsdüyi bu vəziyyətdən çıxış yolu görürsünüzmü? Xalq nə etməlidir ki, öz vəziyyətini yaxşılığa dəyişsin? Çox sag olun.</p> <p> </p> <p>Cavab: Xalq ayılmalıdır, öz ləyaqətini qorumağı öyrənməlidir. Öz ləyaqətini, mənliyini qorumağı öyrənsə, vəziyyətini də yaxşılaşdıra biləcək.</p> <p> </p> <p>Elvin, “Müsavat” Gənclər Təşkilatı:: Özünüz barədə məlumat verin. Ali təhsilinizi harada almısınız?</p> <p> </p> <p>Cavab: Elvin salam! Həyat yolum budur:</p> <p> </p> <p>Mikayılov Mirzə Kərim Oğlu (Mirzə Xəzər) 1947-ci il noyabrın 29-da Göyçay şəhərində anadan olub. 1973-cu ilin iyun ayında Azərbaycan dovlət univərsitətinin hüquq fakultəsini bitirib. 1974-cü ilin yanvar ayınadək Sumqayıtda vəkil işləyib. 1974-cü ilin iyun ayında SSRİ-ni tərk ədib, Israilə mühacirət edib. 1976-cı ilin avqust ayında Azadlıq radiosunun Azərbaycan redaksiyasına işə götürülüb. 1979-1985-ci illərdə Azadlıq Radiosu Azərbaycan Redaksiyasının redaktor müavini vəzifəsində çalişıb. 1985-ci ilin oktyabr ayında Amerika Birləşmiş Ştatlarına köçüb və Vaşingtonda Amerikanın səsi radiosunun Azərbaycan bölməsinin müdiri vəzifəsini ifa ətməyə başlayib. 1987-ci ilin fevral ayında yenidən Almaniyaya qayıdıb, Azadlıq radiosu Azərbaycan redaksiyasının müdiri vəzifəsini ifa etməyə başlayıb. 2003-cü il sentyabrın 2-dək bu vəzifədə işləyib. Bu illər ərzində müxtəlif ölkələrdə dil və peşə üzrə təhsil ocaqlarında oxuyub: 1975-ci ildə Israildə Təl Əviv univərsitətinin SSRİ-dən gəlmiş hüquqşunaslar üçün açılan xüsusi kurslarında; 1979-cu ildə Nyu York şəhərinin Hüntər köləcində; 1981-ci ildə Böyuk Britaniyanin Folqston şəhərində xüsusi ingilis dili məktəbində, 1986-ci ildə Vaşinqtonda menecərlər üçün ixtisasi artırma kurslarında, 1989-cu ildə isə Boston univərsitətinin Münxen filialının təşkil etdiyi menecerlik kurslarında oxuyub. Mühacirət həyatı illərində tərcümələr edib, müxtəlif jurnallar, məcmuələr üçün tədqiqat məqalələri yazıb. Mirzə Xəzər Isvəçin Stoqholm şəhərindəki Bibliyanı Tərcümə Institutunun sifarişi ilə Bibliyanı (Əhdi Ətiq və Əhdi Cədidi) bütövlükdə müasir Azərbaycan dilinə 70-ci illərin sonu 80-cı illərin əvvəllərində tərcümə edib. Mirzə Xəzərin tərcümə etdiyi Əhdi-Cədid (Incil) ilk dəfə 1982-cü ildə Xorvatiyada, ümumən isə beş dəfə nəşr edilib. Mirzə Xəzərin tərcüməsində Əhdi-Ətiq (Tövrat) nəşr olunmadan qalıb. Evlidir, üç uşağı var</p> <p> </p> <p> </p> <p>Orxan: Salam Mirzə, müəllim, nəcəsiz? Nəçə vaxtdı səsinizi eşitmir, üzünüzü görmürük. Nə vaxt Azərbaycana gələcəksiz? Bəs indi harada yaşayırsız, nə işlə məşğulsuz?</p> <p> </p> <p>Cavab: Orxan salam! Çox sağ ol, yaxşıyam, sən də yaxşı olasan. Mən hazırda Almaniyada yaşayıram. İşim yoxdu, internetdə səhifəm və radiom var. Bununla məşğulam, başımı qarışdırıram. Azərbaycana gəlmək məsələsi çətin məsələdi. Mən 2004-cü ilin yanvarında Azərbaycana qayıtdım. Yerləşib, iş görmək istədim. Qəzet buraxmaq qərarına gəldim. 2004-cü il fevralın əvvəlində “Mirzə Xəzərin Səsi” adlı qəzet işıq üzü gördü. Hər yerdən müsbət rəylər gəlirdi. Ziyalılar zəng edib təbrik edirdilər. Qəzetin ikinci nömrəsi çıxanda mənə müəyyən yollarla xəbərdarlıq göndərib “məsləhət” gördülər ki, qəzeti dayandırım, özüm də Azərbaycanı tərk edim. Elə də elədim. Qəzetin nəşrini dayandırdım və ertəsi günü Bakını tərk etdim. O vaxtdan Bakıya qayıtmamışam…</p> <p> </p> <p>http://www.versiya.az/?p=2554</p> Mon, 18 Aug 2008 16:36:45 -0400 urn:uuid:0777b244-0906-48a2-9fb3-8fce608bd4ab Mirzə Xəzər http://mirzexezerinsesi.net/articles/2008/08/18/mirze-xezer-azerbaycanda-musteqil-metbuatin-olduguna-inanmiram-mirze-xezer-versiya-az-saytinin-oxu%D1%81ularinin-suallarini-cavablandirir Təhlil və şərhlər http://mirzexezerinsesi.net/articles/trackback/3442