http://mirzexezerinsesi.net/articles/2008/08/17/mirze-xezer-baki-gozelleshir-varlilar-varlanir-kasiblar-kasiblashir-vehdet-partiyasi-ilham-eliyevin-mudafiesine-qalxir en-us 40 <p>&nbsp;</p> <p><a onclick="window.open('http://mirzexezerinsesi.net/files/kecmis_mitinq3503.jpg','popup','width=350,height=241,scrollbars=no,resizable=no,toolbar=no,directories=no,location=no,menubar=no,status=no,left=0,top=0');return false" href="http://mirzexezerinsesi.net/files/kecmis_mitinq3503.jpg"><img height="172" alt="kecmis_mitinq350" src="http://mirzexezerinsesi.net/files/kecmis_mitinq350-tbn3.jpg" width="250" /></a> <br /></p> <p><br /> Bakı gözəlləşir. Təbrik edirik. Azərbaycanlılar nəhayət neftin xeyrini öz gözlərilə görür, öz həyatlarında hiss etməyə başlayırlar. Hamı sevinir. Son məlumata görə, “Azad Azərbaycan” telekanalında yeni meyxana yarışması başlayacaq. Bunun özü firavanlığın işarəsidir. Uğurlu olsun! Rəsmi mətbuat deyir ki, Azərbaycan xalqı həqiqətən öz neftinin xeyrini əyani surətdə hiss etməyə başlayıb. Rəsmi mətbuat yanılmır. Azərbaycanda bu gün varlılar varlanır, bəs kasıblar? Bəzi insanlar gileylənirlər ki, kasıbların güzaranında hələ hissediləcək bir irəliləyiş nəzərə çarpmır. Versiya.az saytının oxucularından biri öz gileyini belə ifadə edir: “Xəbəriniz varmı Azərbaycanda olan yaşayış səviyyəsindən? Bu dövlətin müəlliminin, həkiminin, aliminin, ziyalısının yaşayış tərzindən məlumatlısınızmı? Orduda nələr baş verdiyini bilirsinizmi? Bu qədər sərvətə sahib dövlətin vətəndaşının Rusiya skinhedlərinin ayağının altında sürünməsi faciədir! Hanı bu neftin pulu, niyə əhalinin sosial rifahinda özünü göstərmir?” Və oxucu fəryad edib fikrini belə tamamlayır: “Bu qədər maddi nemətlərə sahib bir məmləkətin sakinlərinin ətə həsrət qalmasını görmək istəmirəm!” Təsirli sözlərdir. Amma hələ ümid var. İlham Əliyev prezident seçiləndə vəd etdiyi 600 000 yeni iş yerini birinci prezidentlik müddətində aça bilməyibsə, ümid ölməyib, növbəti seçkilərdən sonra başlayacaq növbəti 5 illikdə mütləq açar. Bəs açmasa? Suala fikir verməyin, əziz oxucular, sualımız fərziyyədən irəli gəlir...Açmasa, qəm yeməyə dəyməz...</p> <p>&nbsp;</p> <p><br /> Azərbaycan neft ölkəsidir. Düzdür, neft ölkəsidir. Bəs Azərbaycanın neçə illik neft ehitiyatları vardır? Özünü “Azərsevər” kimi təqdim edən bir oxucu “Mirzə Xəzərin Səsi” saytına bu günlərdə maraqlı bir məktub göndərib. Yazır ki: “Bir məsələ bu gün diqqətimi cəlb etdi. Bir yerli agentliyin saytında oxudum ki, “bp.Azərbaycan” bu il 307 milyon barel neft hasil etməyi planlaşdırır. Eyni agentliyin başqa xəbərində oxumuşam ki, Azərbaycanın 100-200 illik neft ehtiyatı var. Üçüncü məlumatda isə yazırlar ki, Azərbaycanda 7 milyard barel neft ehtiyatı var. Əgər bir ildə 307 000 000 barel neft istehsal etmək planlaşdırılırsa və 7 000 000 000 barel neft ehtiyatı varsa, onda 7 000 000 000 : 307 000 000 = təxminən 23 il. Deməli Azərbaycanın təxminən 23 illik neft ehtiyatı var. Əgər rəqəmlər belə deyirsə, onda Azərbaycanın 100-200 illik neft ehtiyatı haradan olur??? Xahiş edirəm Siz də məsələni araşdırasınız. Ən xoş arzularımla, Azərsevər.” Oxucumuzun məlumatı olduqca maraqlıdır. Görəsən neft hasilatı və neft ehtiyatı ilə bağlı verilən statistik məlumatlarda uyğunsuzluq nədən irəli gəlir. Səbəb nədir? Növbəti yazılarda bu məsələyə qayıdarıq. Azərbaycan seçkilərə hazırlaşır. Müxalifətin seçkilərdən kənarda durmaq niyyətində olduğunu nəzərə alsaq, deyə bilərik ki, qarşıdan gələn seçkilərdə rəqabət çox gərgin olacaq. Belə ki, MSK üzvləri avqustun 16-da İlham Əliyevin və Qulamhüseyn Əlibəylinin prezidentliyə namizədliyinin qeydə alınması məsələsini müzakirə ediblər. Uzun müzakirələrdən sonra MSK üzvləri hər iki şəxsin, İlham Əliyevin və Qulamhüseyn Əlibəylinin prezidentliyə namizədliyini qeydə alıb. Elə həmən gün, avqustun 16-da Tahir Kərimlinin “Vəhdət” partiyası prezident seçkilərində İlham Əliyevin namizədliyini müdafiə etmək barədə qərar qəbul edib. Çox mühüm və ciddi bir hadisədir. </p> <p>&nbsp;</p> <p>Tahir Kərimli Ali Məclisin sessiyasında müxalifət düşərgəsinin parçalanmış və sosial bazasının aşağı səviyyədə olduğunu, bu vəziyyətdə müxalifətdən kiminsə iqtidara gəlməsinin mümkün olmadığını bildirəndən sonra İlham Əliyevin namizədliyini himayə etməyə çağırmışdır. Maraqlı məntiqdir. „Yeni Musavat“ qəzetinin yazdığına görə, T.Kərimli partiyanın siyasi mövqeyində dəyişiklik edildiyini və bundan sonra İlham Əliyevə dəstək verəcəyini söyləyib: “Ümid edirik ki, seçkilərdə uğur qazanacaq hazırkı hakimiyyət öz komandasında Vəhdət Partiyasının üzvlərinə də yer ayıracaq”. Hazırkı hakimyyət Vəhdət Partiyasının üzvlərinə öz komandasında yer ayıracaqmı bilmirik, amma “Vəhdət” partiyasının Baş Məclisinin bu qərarından sonra İlham Əliyevin prezident seçkilərində qələbəsi qaçınılmazdır. Bakı doğrudan da gözəlləşir, əziz oxucular! Azərbaycan paytaxtını bu günlərdə ziyarət edən əcnəbilər şəhərdə aparılan tikinti işlərindən, inşa edilən yeni, möhtəşəm binalardan, şəhərin küçələrində şığıyan bahalı maşınlardan ağız dolusu tərif yağdıra-yağdıra danışırlar. Təbrik edirik!</p> <p>Mirzə Xəzər</p> <p>17.08.2008</p> <p>&nbsp;</p> Sun, 17 Aug 2008 02:38:36 -0400 urn:uuid:5860f9ef-7b94-41c9-ada6-f0170ad4ab92 Mirzə Xəzər http://mirzexezerinsesi.net/articles/2008/08/17/mirze-xezer-baki-gozelleshir-varlilar-varlanir-kasiblar-kasiblashir-vehdet-partiyasi-ilham-eliyevin-mudafiesine-qalxir Təhlil və şərhlər http://mirzexezerinsesi.net/articles/trackback/3414