http://mirzexezerinsesi.net/articles/2008/01/30/azerbaycanli-mehbus-leyla-heyderinin-azadliga-buraxilmasi-uchun-900-den-chox-ictimai-ve-siyasi-feal-beyanat-imzalayib en-us 40 <p>2008-01-30 &#8211; 20:16:00</p> <p>«Media forum» saytı xəbər verir ki, İranın 900-dən çox ictimai və siyasi fəalı birgə bəyanat imzalayaraq hazırda Tehranın Evin həbsxanasının 209-cu korpusunda saxlanan azərbaycanlı məhbus Leyla Heydərinin dərhal azadlığa buraxılmasını tələb edib.</p> <p>Bəyanatın hazırlanmasında İrandakı azərbaycanlı fəal xanımların böyük rolu olduğu bildirilir.</p> <p>L.Heydəri 5 ay əvvəl həbsdə saxlanan həyat yoldaşı, azərbaycanlı siyasi məhbus Behruz Səfərinin görüşünə gedərkən tutulub.</p> <p>Qeyri-rəsmi informasiyalara görə, o, həbsxanada ağır psixi işgəncələr və təzyiqlər altında saxlanır, ardıcıl və yorucu dindirmələr zamanı dəfələrlə huşunu itirərək bayılıb. L.Heydərinin ciddi müalicəyə ehtiyacı olduğu bildirilir.</p> <p>«Media forum»un məlumatına görə, bəyanatda L.Heydəri ilə yanaşı başqa milli və siyasi məhbusların da azadlığa buraxılması tələbi qoyulur.</p> <p>«Media forum»</p> Wed, 30 Jan 2008 13:44:00 -0500 urn:uuid:21163c0b-ba46-4897-bdb2-83dc2d7ac5ce Mirzə Xəzər http://mirzexezerinsesi.net/articles/2008/01/30/azerbaycanli-mehbus-leyla-heyderinin-azadliga-buraxilmasi-uchun-900-den-chox-ictimai-ve-siyasi-feal-beyanat-imzalayib Xəbərlər