http://mirzexezerinsesi.net/articles/2008/01/17/mirze-xezer-2008-ci-il-alver-ilidir en-us 40 <p>2008-ci il təntənəli başladı. 2008-ci il təntənə ilə başladı. Ağdam rayonunun Quzanlı qəsəbəsində Olimpiya İdman Kompleksinin təntənəli açılış mərasimi oldu. Quzanlı qəsəbəsinə qonaq gələn prezident də mərasimdə iştirak etdi. İşğal altında olan Ağdam rayonunun Quzanlı qəsəbəsinin sakinlərini təbrik edirik. Prezidentin yolu Gəncəyə düşmədi. Gəncədə Olimpiya İdman Kompleksi çoxdan açılıb. Buna görədir ki, Gəncənin şaxtalı gecələrini işıqsız, soyuqdan titrəyə-titrəyə keçirən yerli və gəlmə gəncəlilər üçün 2008-ci il təntənə ilə başlamadı. Təəssüflər olsun! Gəncədə gecələr 14 dərəcə şaxta qeydə alındı. 2008-ci il Olimpiya ilidir. Olimpiya oyunları Çində keçiriləcək. Azərbaycanda isə 2008-ci il seçki ilidir. Azərbaycanda növbəti prezident seçilərində prezident seçiləcək. Özlərini gözə soxmaq üçün çarpışanlar indidən şiddətli hay-küy salıblar. Söz müharibəsi səngimir, əksinə gün keçdikcə daha da qızışır. Şiddətli mübarizədir. Şiddətli alverdir. Belə görünür ki, 2003-cü ilin dinc və həmahəng seçkisindən fərqli olaraq 2008-ci ilin prezident seçkisi hay-küylə keçib gedəcək. 2008-ci il Quzanlı qəsəbəsində təntənə ilə başladı. 2008-ci il Azərbaycanda təntənə ilə başa çatacaq.</p> Thu, 17 Jan 2008 16:40:00 -0500 urn:uuid:20fda13b-b203-419e-82ba-d12d93428a9a Mirzə Xəzər http://mirzexezerinsesi.net/articles/2008/01/17/mirze-xezer-2008-ci-il-alver-ilidir Təhlil və şərhlər