http://mirzexezerinsesi.net/articles/2007/11/08/elchin-behbudov-harda-yazilib-ki-itaetsizlik-gosterdiyine-gore-mehbusa-zor-tetbiq-edilmelidir en-us 40 <p>Qobustan həbsxanası “gestapo”dur?</p> <p>8 noyabr 2007</p> <p>Şikayət əsasında Qobustan həbsxanasına baş çəkən Ombudsman Aparatı əməkdaşlarının bəzi məhbusların bədənində qançırlar aşkar etdikləri barədə məlumat vermişdik. Həmin məhbuslar dərman almaqçün həkim çağırdıqda müəssisənin bir neçə əməkdaşının onların qollarına qandalı keçirərək, rezin dəyənəklə döyüb, sonra da cərimə təcridxanasına yerləşdirdiyini demişdilər. Müəssisənin rəisi Kazım Abdullayev isə Ombudsman əməkdaşlarına bildirmişdi ki, həmin məhkumlar itaətsizlik göstərdiklərinə görə əllərinə qandal vurulub, onlara rezin dəyənək tətbiq edilib və cərimə təcridxanasına salınıblar. Artıq Ombudsman Elmira Süleymanova məsələ ilə bağlı Ədliyyə Nazirliyinin rəhbərliyinə müraciət edərək baş vermiş döyülmə hallarının araşdırılmasını, həbsxana əməkdaşlarına Avropa Konvensiyası və digər sənədlərin öyrədilməsini, əməkdaşların peşəkarlıq səviyyəsinin artırılmasını tövsiyə edib. Məsələyə münasibət bildirən Işgəncələr Əleyhinə Azərbaycan Komitəsinin sədri Elçin Behbudov baş verənləri qanunsuzluq və konkret cinayət əməli kimi qiymətləndirib: “Heç bir yerdə yazılmayıb ki, itaətsizlik göstərdiyinə görə insana işgəncə verilməli, zorakılıq tətbiq edilməlidir. Əgər, məhbus daxili nizam-intizam qaydalarını pozursa, bunun üçün cərimə otağı &#8211; “karser” var. Məhbusu “dubinka” ilə döyməyə heç kimin ixtiyarı yoxdur. Bu, cinayət xarakterli qanun pozuntusudur. Yəni, işgəncədir. Azərbaycan 1996-cı ildən <span class="caps">BMT</span>-nin, 2002-ci ilin sonlarından isə Avropa Şurasının Işgəncələrə Qarşı Konvensiyasına qoşulub. Azərbaycan dövləti rəsmi şəkildə üzərinə götürüb ki, işgəncə faktı aşkarlanarsa, araşdırma aparılacaq və buna yol verənlər məsuliyyətə cəlb ediləcək. Bununla yanaşı, Azərbaycanın Konstitusiyası da zoru və işgəncəni qadağan edir. Ombudsman Aparatının əməkdaşları gedib işgəncənin üzərinə çıxıblarsa, yəni, məhbusların bədənində zorakılığın izlərini görüblərsə, bunu törədənlərin cinayət məsuliyyətinə cəlb edilməsini tələb etməlidirlər. Ombudsman səlahiyyətli təşkilatdır. Qoy, işgəncə verən şəxslər barədə tədbir görülməsini tələb etsin. Mən başa düşə bilmirəm ki, cəzaçəkmə müəssisəsi konslagerdir, yoxsa, gestaponun dindirmə otağıdır? Harada yazılıb ki, daxili intizamı pozan şəxsə qarşı bu cür tədbir görülməlidir? Yolverilməz bir haldır və mən bunu qətiyyətlə pisləyirəm&#8221;. Baş verən hadisə ilə bağlı hansı tədbir görülməsi məsələsinə gəlincə, E.Behbudov əvvəlcə Ombudsman Aparatına müraciət edib həmin məhbusların kimliyi barədə məlumat alacağını deyir: “Bu məhbusların adlarını öyrənəndən sonra müvafiq qurumlara müraciət edəcəm, əgər, ehtiyac yaransa, özüm də onlara baş çəkəcəm”.</p> <p>Gültəkin (&#8220;Azadlıq&#8221; qəzeti)</p> Thu, 08 Nov 2007 13:11:00 -0500 urn:uuid:85dad4f6-ef32-4038-8b52-6d600c6f0ce6 Mirzə Xəzər http://mirzexezerinsesi.net/articles/2007/11/08/elchin-behbudov-harda-yazilib-ki-itaetsizlik-gosterdiyine-gore-mehbusa-zor-tetbiq-edilmelidir İnsan hüquqları