http://mirzexezerinsesi.net/articles/2007/10/31/tolishi-sedo-qezetinin-bash-redaktoru-novruzeli-memmedovun-oglu-emil-memmedovun-olumcul-doyulduyu-bildirilir en-us 40 <p>2007-10-31 &#8211; 10:58:00</p> <p>Bu ilin fevralında həbs olunan, elə o zamandan Milli Təhlükəsizlik Nazirliyinin təcridxanasında saxlanılan «Tolışi sədo» qəzetinin baş redaktoru Novruzəli Məmmədovun oğlu Emil Məmmədov oktyabrın 30-da günorta saatlarında mülki geyimli şəxslərin hücumuna məruz qalıb. Bu baradə məlumatı «Media forum» saytına Novruzəli Məmmədovun Hüquqlarını Müdafiə Komitəsinin sədri Hilal Məmmədov verib.</p> <p>H.Məmmədovun sözlərinə görə, oktyabrın 30-u saat 14 radələrində E.Məmmədov <span class="caps">MTN</span> binasındakı qəbul məntəqəsindən atasına ərzaq ötürmək istəyərkən mülki geyimli üç nəfər ona yaxınlaşaraq <span class="caps">MTN</span>-in vəsiqəsini göstərib və maşına oturmağı tələb ediblər: «O, ərzağı atasına ötürəndən sonra maşına oturacağını bildirib. Əvvəl buna razılaşan üç nəfər sonra Emili zorla maşına oturdaraq naməlum istiqamətə aparıblar».</p> <p>H.Məmmədov bildirir ki, sürücüylə birgə dörd nəfər olan həmin şəxslər maşını adam olmayan bir yerdə saxlayıb Emili yarım saat müddətində döyüb və yarıölü halda bir kənara tullayıblar: «Bir müddətdən sonra az-çox özünə gələn Emil bir taksi saxladıb evinə gəlib. Emilin halı çox ağırdır &#8211; qulaqları eşitmir, çox güman ki, qulaq pərdəsi partlayıb, gözləri pis görür».</p> <p>Komitə sədri zərərçəkənin bu gün anası Məryəm Məmmədova ilə birlikdə polisə müraciət edəcəyini deyir.</p> <p>Qeyd edək ki, N.Məmmədovun digər oğlu &#8211; 36 yaşlı Kamran Məmmədov bu il sentyabrın 8-də səhər saatlarında valideynlərinin Bakıdakı mənzilində ürək tutmasından qəflətən vəfat edib.</p> <p>Komitə sədri K.Məmmədovun vəfatını da ailələrinə olan davamlı təzyiqlərlə əlaqələndirir: «Emilin verdiyi məlumata görə, bir neçə dəfə <span class="caps">MTN</span> binasına gedərkən belə hallar baş verib».</p> <p>N.Məmmədovun iki oğul övladı olub.</p> <p>Xatırladaq ki, N.Məmmədov «Tolışi sədo» qəzetinin məsul katibi Elman Quliyevlə birgə bu ilin fevralında həbs olunub. Sonradan iki dəfə &#8211; may və avqust aylarında hər iki şəxs barəsində istintaq müddəti üç ay uzadılıb.</p> <p>Rəsmən bəyan olunmamış məlumatlara görə, <span class="caps">MTN</span>-in təcridxanasında saxlanılan hər iki şəxsə qarşı Cinayət Məcəlləsinin 274-cü (dövlətə xəyanət) maddəsi ilə ittiham irəli sürülüb.</p> <p>«Media forum»</p> Wed, 31 Oct 2007 05:43:00 -0400 urn:uuid:9a99a16d-2787-4e8f-9e37-5d2f0a7a6ee5 Mirzə Xəzər http://mirzexezerinsesi.net/articles/2007/10/31/tolishi-sedo-qezetinin-bash-redaktoru-novruzeli-memmedovun-oglu-emil-memmedovun-olumcul-doyulduyu-bildirilir Xəbərlər