http://mirzexezerinsesi.net/articles/2007/10/30/emin-fetullayev-hokm-elan-edilende-eynulla-gulurdu en-us 40 <p>EMİN FƏTULLAYEV: «HÖKM <span class="caps">ELAN ED</span>İLƏNDƏ <span class="caps">EYNULLA G</span>ÜLÜRDÜ. ƏLBƏTTƏ, <span class="caps">BEL</span>Ə ABSURD HÖKMƏ GÜLMƏKDƏN BAŞQA <span class="caps">NEC</span>Ə REAKSİYA BİLDİRMƏK <span class="caps">OLAR</span>?» 2007-10-30 &#8211; 16:26:00</p> <p>«Hakim hökmü elan edəndə Eynulla gülürdü. O nə hakimə, nə də zalda oturanlara bir söz dedi, sadəcə gülürdü. Əlbəttə, belə absurd hökmə gülməkdən başqa necə reaksiya bildirmək olar?» Bu sözləri «Media forum» saytının əməkdaşı ilə söhbətində «Gündəlik Azərbaycan» və «Realnı Azerbaydjan» qəzetlərinin baş redaktoru Eynulla Fətullayevin atası Emin Fətullayev deyib.</p> <p>Emin Fətullayev bu gün Ağır Cinayətlərə Dair İşlər üzrə Məhkəmənin çıxardığı hökmə münasibət bildirərkən qeyd edib ki, bu hökm haqsızdır: «Heç bir dəlil-sübut olmadan jurnalistə bu qədər iş verdilər. Belə bir hadisə dünyanın heç yerində baş verməyib. Əslində deməyə söz də tapmıram».</p> <p>Emin Fətullayev oğluna veriləcək cəzanın ağır olacağını gözləyirmiş: «Amma bu dərəcədə ağır cəzanın verilməsi, mənə elə gəlir, heç bir çərçivəyə sığan deyil. Düzdür, apellyasiya instansiyasına da müraciət olunacaq. Amma o instansiya da aşağı instansiyasının tayıdır. Qalır ancaq Avropa Məhkəməsi&#8230; Bir də bu məsələyə prezident əfv fərmanı ilə nöqtə qoya bilər».</p> <p>Bu ilin yayında baş redaktorun anası Gülşən Fətullayevanın prezident İlham Əliyevə müraciət etdiyini xatırladan Emin Fətullayev ailə tərəfindən yeni müraciətə ehtiyac görmür: «Bildiyimə görə, Eynullanın özü də müraciət edib. Məsələ qalır onların öz insafına&#8230;»</p> <p>Baş redaktorun atası oktyabrın 31-də ABŞ səfirliyində olacağını və oğluna qarşı çıxarlan hökmdən etirazını bu ölkənin nümayəndəliyinə çatdıracağını deyib: «Məhkəmədə ABŞ səfirliyinin nümayəndəsi iştirak edirdi və ondan belə bir görüş üçün şərait yaradılmasını xahiş etdim. Həmin nümayəndə bildirdi ki, səhər məni diplomatik korpusun rəsmi şəxslərindən biri ilə görüşdürəcək».</p> <p>«Media forum»</p> Tue, 30 Oct 2007 12:37:00 -0400 urn:uuid:0d1ed232-c711-4990-bea4-a4959c1f7cd3 Mirzə Xəzər http://mirzexezerinsesi.net/articles/2007/10/30/emin-fetullayev-hokm-elan-edilende-eynulla-gulurdu Xəbərlər