http://mirzexezerinsesi.net/articles/2007/09/14/qobustan-hebsxanasinda-4-mehbus-acliq-aksiyasini-davam-etdirir en-us 40 <p>2007-09-14 &#8211; 14:43:00</p> <p>Ədliyyə Nazirliyi Penitensiar Xidməti mətbuat xidmətinin rəhbəri Mehman Sadıqov «Media forum»un əməkdaşıyla söhbətində Qobustan həbsxanasında aclıq aksiyası keçirən məhbusların sayının 15-ə çatması ilə bağlı xəbərləri təkzib edib.</p> <p>M.Sadıqovun sözlərinə görə, aksiya keçirənlərin sayı dəyişməz qalıb: «Eyni adamlardır. Rauf Eyvazovun ağzının tikməsi ilə bağlı yayılan xəbərlər də şayiədən başqa bir şey deyil».</p> <p>Xatırladaq ki, sentyabrın 12-də Qobustan həbsxanasında saxlanılan 5 nəfər – Şakir Rzaxanov, Aydın Rzayev, Çingiz Paşayev, Yalçın Rzayev və Rauf Eyvazov ömürlük həbs cəzalarının müddətli cəza ilə əvəz edilməsi tələbi ilə aclıq aksiyasına başlayıb. Sentyabrın 13-də Rauf Eyvazov aksiyanı dayandırıb.</p> <p>1998-ci ildə ölüm hökmünün ləğvi nəticəsində ömürlük məhbusa çevrilmiş dustaqlar dəfələrlə Qobustan həbsxanasında aclıq aksiyası keçiriblər.</p> <p>«Media forum»</p> Fri, 14 Sep 2007 05:47:00 -0400 urn:uuid:90aa7b02-5062-45b2-9fd2-6cb42d90f95f Mirzə Xəzər http://mirzexezerinsesi.net/articles/2007/09/14/qobustan-hebsxanasinda-4-mehbus-acliq-aksiyasini-davam-etdirir Xəbərlər