http://mirzexezerinsesi.net/articles/2007/09/12/acliq-aksiyasina-bashlayan-omurluk-mehbuslar-ali-mehkemenin-sedriyle-gorushmek-telebi-ireli-surubler en-us 40 <p>2007-09-12 &#8211; 19:09:00</p> <p>Qobustan həbsxanasında ömürlük cəza çəkən məhbuslar Şakir Rzaxanov, Aydın Rzayev, Çingiz Paşayev, Yalçın Rzayev və Rauf Eyvazov aclıq aksiyasına başlayaraq Ali Məhkəmənin sədri Ramiz Rzayevlə görüşmək tələbi irəli sürüblər. Ədliyyə Nazirliyi Penitensiar Xidmətin sözçüsü Mehman Sadıqov məhbusların aclıq aksiyası keçirmək xəbərini təsdiqləyib. Onun sözlərinə görə, aclığa başlayan beş məhbus bu gün Ədliyyə Nazirliyinə aksiya barədə ərizə ilə müraciət edib.</p> <p>M.Sadıqov bildirib ki, məhbusların əsas tələbi ömürlük həbs cəzalarının müddətli həbslə əvəz edilməsi, hazırda Azərbaycanda səfərdə olan Avropa Birliyi ölkələri parlamentarlarıyla görüşməkdir.</p> <p>Mətbuat xidmətinin rəhbəri deyib ki, Avropa Şurasının insan haqları üzrə komissarı Tomas Hammarberqin ötən həftə Qobustan həbsxanasında ömürlük məhbuslarla görüşüb-görüşmədiyi barədə məlumatı yoxdur: «Yalnız onu bilirəm ki, həm ombudsman Elmira Süleymanova, həm Penitensiar Xidmətin yüksək rütbəli əməkdaşları Tomas Hammarbeqlə birgə həbsxanada olublar və avropalı qonaq bir neçə məhbusla görüşüb. Həbsxana rəisinin elə bir səlahiyyəti yoxdur ki, hansısa məhbusa ekspertlərlə görüşməyə mane olsun».</p> <p>Həbsxana rəisinin ömürlük məhbusların T.Hammarberqlə görüşünə mane olması haqqında məlumatı «Trend» agentliyi məhbusların qohumlarına istinadən xəbər verib.</p> <p>Xatırladaq ki, 1998-ci ildə ölüm hökmünün ləğvi nəticəsində ömürlük məhbusa çevrilmiş dustaqlar dəfələrlə Qobustan həbsxanasında aclıq aksiyası keçiriblər. Onlar cəzalarının 15 illik azadlıqdan məhrumetmə ilə əvəzlənməsini tələb edirlər.</p> <p>«Media forum»</p> Wed, 12 Sep 2007 11:46:00 -0400 urn:uuid:406d1622-ac11-4d1e-97c4-fa21ab721262 Mirzə Xəzər http://mirzexezerinsesi.net/articles/2007/09/12/acliq-aksiyasina-bashlayan-omurluk-mehbuslar-ali-mehkemenin-sedriyle-gorushmek-telebi-ireli-surubler Xəbərlər