http://mirzexezerinsesi.net/articles/2007/06/29/polad-bulbuloglunun-metbuat-konfransi-qalmaqalla-bashladi en-us 40 <p>2007-06-29 &#8211; 18:01:00</p> <p>Azərbaycanın Rusiyadakı səfiri Polad Bülbüloğlunun və onun 28 iyun səfərində rəhbərlik etdiyi nümayəndə heyəti üzvlərinin bu gün Bakıda, Beynəlxalq Mətbuat Mərkəzində (BMM) keçirdikləri mətbuat konfransı qalmaqalla başlayıb.</p> <p>«Media forum» əməkdaşının konfrans zalından verdiyi məlumata görə, P.Bülbüloğlu tədbiri giriş sözü ilə açmaq istərkən, elə ilk kəlmələri &#8211; «bu gün sizə Qarabağa, oradan isə Yerevana etdiyimiz səfər haqqında məlumat vermək istəyirəm» dediyi vaxt Qarabağ Azadlıq Təşkilatının (QAT) üzvü Manaf Kərimov yerdən onun sözünü kəsərək kobud ifadələrlə bu səfərin səhv addım olduğunu bəyan edib.</p> <p>P.Bülbüloğlu <span class="caps">BMM</span>-in işçilərinə M.Kərimovu zaldan çıxarmağı tapşırıb. Bakı Slavyan Universitetinin rektoru Kamal Abdulla isə özünü saxlaya bilməyərək eyni təhqiramiz sözlərlə <span class="caps">QAT</span> üzvünə cavab verib.</p> <p>Hətta M.Kərimov zaldan çıxarılandan sonra da xeyli əsəbi görünən rektor öz çıxışı zamanı emosiyalarına sahib ola bilmədiyinə görə tədbir iştirakçılarından üzr istəyib.</p> <p>Hələ mətbuat konfransı başlamazdan əvvəl <span class="caps">QAT</span> sədri Akif Nağı rəhbərlik etdiyi təşkilatın bir neçə üzvü ilə <span class="caps">BMM</span>-ə gəlibmiş. Bu nüans jurnalistlərin diqqətindən qaçmayıb. Media təmsilçiləri nümayəndə heyəti ilə <span class="caps">QAT</span>-çılar arasında nəsə münaqişənin olacağını ehtimal edirmişlər.</p> <p>Tədbirə qədər <span class="caps">BMM</span>-in yerləşdiyi binanın nə içində, nə də qapısı ağzında polis olub. İnsident baş verəndən sonra isə istər içəridə, istərsə də qapı ağzında çoxlu polis toplaşıb.</p> <p>«Media forum»</p> Fri, 29 Jun 2007 11:24:00 -0400 urn:uuid:752bed69-7200-4de1-ae70-36ed5f689f18 Mirzə Xəzər http://mirzexezerinsesi.net/articles/2007/06/29/polad-bulbuloglunun-metbuat-konfransi-qalmaqalla-bashladi Xəbərlər