Mirzə Xəzərin Səsi

„The Guardian“: Britaniya mühafizəkarlar partiyasını parlamentdə təmsil edən Mark Fild Kəmaləddin Heydərovun oğlu Tale Heydərovun rəhbərlik etdiyi Avropa Azərbaycan Cəmiyyətindən lobbiçilik fəaliyyəti üçün ildə 6 000 funt sterlinq pul alır. Qəzet qeyd edir ki, Britaniya xarici işlər nazirliyi və beynəlxalq Amnistiya təşkilatı siyasi islahatlar istəyən nümayişçilərə işgəncə verildiyi üçün Azərbaycan hökumətini tənqid edir. Leyberostlər partiyasının parlamentdəki deputatları Mark Fildin parlemntin təhlükəsizlik komitəsinə üzvlüyünün onun Azərbaycanın xeyrinə lobbiçilik fəaliyyəti ilə bir yerə sığmadığını bildirirlər. Mark Fild 2010-cu ildə iki dəfə Bakıda olub. Leyboristlərin fikrincə, xarici ölkə üçün fəaliyyət göstərən bir deputatın Britaniya kəşfiyyat xidmətlərinə nəzarət edən parlament komitəsində olması qəbuledilməzdir. Avropa Azərbaycan Cəmiyyəti qəzetin müxbirinə bildirib ki, Cəmiyyəti təkcə Tale heydərov maliyyələşdirmir.

„Mirzə Xəzərin Səsi“ qəzeti
05.10.2011