Mirzə Xəzərin Səsi

Partiya mitinqlərə qərar verdi; Divan “Washington Post”un yazısı ilə bağlı israrla açıqlama tələb edir

Dünən Müsavat Partiyası Divanının növbəti toplantısı keçirilib. Qərarların icra vəziyyəti və görülən işlərə baxıldıqdan sonra partiyadaxili məsələlər müzakirə olunub. İclasda “Washington Post” qəzetinin 05 mart 2010-cu il tarixli sayında Dubayda ölkə başçısının ailə üzvlərinin adına 44 milyon ABŞ dolları məbləğində mülk alınması haqda getmiş yazı ciddi müzakirə olunub.

Bildirilib ki, həmin məqalə dərc olunandan dərhal sonra Müsavat Partiyası bəyanat verərək bu məsələ ilə bağlı izahat tələb etmişdi. İqtidar düşərgəsindən bu məsələ ilə bağlı yalnız Prezident Administrasiyası ictimai-siyasi şöbəsinin müdiri Əli Həsənovun açıqlaması olub ki, həmin açıqlamada “Washington Post” qəzetində haqqında yazı getmiş fakt dolayısı ilə təsdiq edilsə də, adıçəkilən mülkün alınması üçün xərclənmiş pulların mənbəyi haqda heç nə bildirilmir. Müsavat Partiyası ölkə başçısı İlham Əliyevdən bu məsələyə aydınlıq gətirməsini, əks təqdirdə, istefa verməsini tələb edir.
Müsavat deputat qrupuna həvalə edilib ki, hökumətin illik hesabatının Milli Məclisdə təqdim edilməsi ilə əlaqədar müzakirələrdə prinsipial mövqe ortaya qoyulsun və bu məsələ də qaldırılsın.

source: Yeni Musavat - http://www.musavat.com/new/Siyasət/72287-MÜSAVAT_PREZİDENTİN_İSTEFASINI_TƏLƏB_ETDİXəbər xidməti