Mirzə Xəzərin Səsi

“Yaxın günlərdə Eynulla Fətullayevə qarşı narkotik saxlamaq ittihamı üzrə istintaq materialları ilə tanış olacağıq. İbtidai istintaq yekunlaşıb, indi biz işlə tanış olmalı və Eynullanın konkret nədə ittiham edildiyini öyrənməliyik. Bundan sonra istintaq hərəkətlərinə qiymət vermək olar”. Məhbus jurnalistin vəkili İsaxan Aşurov “Turan”a açıqlamasında belə deyib.

Vəkil qeyd edib ki, yaxın 2-3 gündə işin materialları baxılması üçün Qaradağ Rayon Məhkəməsinə göndəriləcək.

Jurnalistin digər vəkili Elçin Sadıqov hesab edir ki, istintaq birtərəfli aparılıb, ittiham sifarişli ekspertiza rəyləri, öyrədilmiş şahidlər və onların ifadələri əsasında qurulub.

E.Sadıqov həmçinin bildirib ki, Avropa İnsan Hüquqları Məhkəməsində E.Fətullayevin işinə martın sonlarında baxılacaq.

Jurnalistin atası Emin Fətullayev “Media forum” saytına deyib ki, istintaq yekunlaşdığına görə ona oğlu ilə görüş verilə bilər. Görüşün nə vaxt veriləcəyi bu həftə bəlli olacaq.

E.Fətullayev 2007-ci il aprelin 20-də Yasamal Rayon Məhkəməsinin qərarı ilə həbs edilib. Jurnalist 2005-ci ildə qələmə aldığı “Qarabağ gündəliyi” adlı silsilə yazılarında xocalıları təhqir etməkdə günahlandırılıb və ona 2 il 6 ay həbs cəzası verilib. Tutulandan sonra ona əlavə ittihamlar irəli sürülüb və jurnalist 2007-ci il oktyabrın 30-da 8 il 6 ay müddətinə azadlıqdan məhrum olunub. Bu işlərlə bağlı bütün yerli məhkəmə instansiyalarından keçən jurnalist Avropaya üz tutub.

2009-cu il dekabrın 29-da cəza çəkdiyi 12 saylı Cəzaçəkmə Müəssisəsində jurnalistin üzərindən narkotik vasitə tapıldığı açıqlanıb. Jurnalistə Cinayət Məcəlləsinin 234.1 maddəsi ilə (Satış məqsədi olmadan qanunsuz olaraq narkotik vasitələri və ya psixotrop maddələri şəxsi istehlak miqdarından artıq miqdarda əldə etmə və ya saxlama) yeni cinayət işi açılıb. Hazırda o, Bakı İstintaq Təcridxanasında saxlan

«Media forum» http://www.mediaforum.az/articles.php?lang=az&page=00&article_id=20100310042456836