Mirzə Xəzərin Səsi

Elnur Məcidli

 

emecidli@sozunduzu.com

 

Monarxiyasevərlərə ithaf olunur

Monarxiya haqqında yazı yazacağımı əvvəlki yazılarımda qeyd etmişdim. Nədir Monarxiya?

 

Mən monarxiya sözünün etimolojik mənasını burda açıqlamaq, təhlil etmək istəmirəm. Mənim vurğulamaq istədiyim nöqtə bir az fərqlidir.

Fikrimcə monarxiya sadəcə siyasi rejim deyil, eyni zamanda həyat tərzidir. Monarxik həyat tərzinin olması üçün heç də monarxiya rejiminin bərqərar olması lazım deyil. Monarxik həyat tərzi, monarxik düşüncənin məhsuludur.

 

Əgər bir insan 40 ildi eyni nəlbəkidə çay içib eyni eynəklə həyata baxırsa, bu artıq monarxik həyat tərzidir. Bu həyat tərzi isə, monarxiya rejimindən daha təhlükəlidir.

 

Bu eyni zamanda o deməkdir ki, bu insanın düşüncələri də 40 il əvvələ aiddir.

Düşüncələrdə inkişaf getmirsə, digər sahələrdə inkişaf qeyri-mümkündür. Bu düşüncə tərzi, istehsal əvəzinə istehlak edən topluluqlar yaradır. Bu cür cəmiyyətlərdə bir çox şey monoton olur - mono fikir, mono geyim tərzi, mono ədəbiyyat, mono iqtisadiyyat, mono lider və s. - çox rənglilik qəbul olunmur və fərqli tərzlər özündən qəbul edilmir.

 

Hər şey mono üzərinə köklənib - bütün sektorlar monoton hala gətirilir. Belə olan halda analoqu olmayanların sayında da artış baş verir.

 

Analoqu olmayanlar isə Mono Xiyara çevrilir. Nədir Mono Xiyar?

Mono sözünün mənası aydındı, bilməyənlər deməli Monoloq oxumuyublar - ya da ki bura yazım bir də axtarmasınlar - Tək deməkdi. Bundan başqa düşünürəm ki, Mono və Monqol sözləri arasında ciddi etimolojik əlaqə var - bunu da buraxıram Azərbaycanın görkəmli etimologiya alimlərinin öhdəliyinə ki araşdırsınlar.

Xiyara gəlincə isə bildiyimiz xiyardı. Ən xeyirli tərəvəzlərdən biridi - elə məna olaraq da xeyirli deməkdi. Ancaq xiyarı hər fəsildə yemək xeyirli deyil.

İndi Azərbaycan qış fəslini yaşayır, qışda isə xiyar yetişmir. Yetişdirilən xiyarlar isə gübrəli olduğundan yemək xeyirli deyil.

 

Prezident seçkilərindən sonra əkilən Referendum Xiyarını martın 18-də millətə yedirməyə çalışacaqlar. Burda əsas olan gübrəli məhsul yeməməkdi.

Yox, əgər aranızda Yedin də yemədin də xiyardır, çünki bura Azərbaycandır deyənləriniz varsa, mən bu xiyarı yemirəm.

 

Yemək istəyənlər buyursun…

 

 

Source: http://www.sozunduzu.com/?p=2284

"Azərbaycan paytaxtı dünyanı bürüyən gizli müharibədə döyüş meydanına çevrilir". Amerikanın "Los Anceles Tayms" qəzetindəki yazısına bu qeyri-adi və son dərəcə bədbin cümlə ilə başlayan Sebastian Rotella 2008-ci ildə Hizbullah təşkilatının iki üzvünün və onların dörd azərbaycanlı köməkçisinin Bakıda İsrail səfirliyni partlatmağa cəhd göstərdiyi anlarda həbs edildiyini qeyd edir. Müəllifin fikrincə, Livanda fəaliyyət göstərən "Hizbullah" və bu təşkilatın hamisi sayılan İran Livanda şiə təşkilatının əfsanəvi lideri İmad Mugniyənin qətlinin qisasını almaq istəyib. Onların iddiasına görə, Mugniyə İsrail tərəfindən öldürülüb. İsrailin təhlükəsizlik məsələləri üzrə bir rəsmisinin məlumatına əsasən, "Hizbullah" və İran kəşfiyyatı Bakıda lazımı şəbəkə yarada bilmişlər.

"Haaretz" adlı İsrail qəzeti də "Hizbullah və İran Bakıda İsrail səfirliyini partlatmaq istəyiblər" sərlövhəli yazısında qeyd edir ki, Azərbaycan hüquq mühafizə orqanlarının vaxtında zərərsizləşdirdiyi qrupun üzvlərinin hazırda Bakıda məhkəməsi gedir. Xatırladaq ki, İran "Hizbullah" təşkilatının əsas silah tədarükçüsü və müttəfiqidir.

("Mirzə Xəzərin Səsi" qəzeti)

 

 

 

 

 

 

 

 

“Türklərin genindən türklük çıxmadı” sərlövhəsi “Vətən” qəzetində çıxdı və demək olar Türkiyənin bir çox qəzetlərinin səhifələrində manşetdən verildi. Təəccüblü deyil. İsveçrənin Sürix şəhərindəki “iGenea” elmi-tədqiqat mərkəzinin apardığı tədqiqatın nəticəsini təkcə Türkiyə türklərini deyil, almanları da heyrətə sala bilən dərəcədə şok yaradacaq bir xəbər adlandırmamaq günahdır. “Radikal” qəzetinin “Vətən” qəzetinə istinadən yaydığı xəbərə İsveçrə DNA alimlərinin tədqiqatına soyuqqanlı və qısa bir şərhlə - “Avropada yaşayan xalqlar arasında “ən qarışıq və ən az saf qanı” olan icma Türkiyə xalqıdır” şərhi ilə başlaması diqqətədəyər dərəcədə ibrətamizdir. Məlumata əsasən, Avropanın hər yerindən DNA nümunələri toplayan və bunları təhlil edən alimlər Türkiyədə yaşayan türklərin səkkiz fərqli etnik qrupa aid genləri dağıdığını aşkar etmişlər. Alimlərin fikrincə, Avropada və Türkiyədə yaşayan türklərin genetik tərkibində türk, berber, hellenik (yunan), german, slavyan, ərəb, yəhudi və illirya (alban) geni vardır. “Vətən” qəzetinin fikrincə, “Avropa və Türkiyənin çevrəsindəki bölgədə bu qədər qarışıq bir genetik quruluşa sahib olan başqa bir millət yoxdur”.

 

“Ən təmiz” aryan irqi uğrunda ikinci dünya müharibəsini alovlandırıb 60 milyon insanın ölümünə səbəb olmuş almanların genetik tərkibi barədə alimlərin dedikləri də maraqlıdır. İsveçrə alimlərinin tədqiqatına görə, almanların genetik quruluşunda onların əcdadı sayılan German geninin miqdarı 25 faizə bərabərdir. Bu hələ harasıdır! “iGenea” elmi mərkəzinin tədqiqatına inanılsa, almanların genlərinin 10 faizi yəhudi irqindən gələn gendir. Bəs “saf qan”? Bütün insanların qanı qırmızı rəngdədir, amma tədqiqatın müəllifləri iddia edir ki, Avropada “saf qan” sayılmağa ən yaxın olan xalq ruslardır. Dünya elə həmən dünyadır, əziz oxucu! Dünya bir yerdə dayanmır, daim fırlanır!

 

 

Mirzə Xəzər

31.05.2009

Technorati Tags: almanlar, mirzə xəzər, təmiz qan, türklər