POLİS MƏHKƏMƏ QARŞISINA TOPLAŞAN GƏNCLƏRİ SAXLADI
Bu gün Səbail Rayon Məhkəməsində AN Sosial Şəbəkəsi və OL Azərbaycan Gənclər Hərəkatı təmsilçiləri Emin Milli ilə Adnan Hacızadənin məhkəməsi başlayıb. E.Milli və A.Hacızadə iyul ayında paytaxtın “Livan” restoranında davaya görə həbs ediliblər. Onlar xuliqanlıq və qəsdən sağlamlığa az ağır zərər vurmada ittiham olunurlar.
“Media forum” saytı xəbər verir ki, məhkəmənin qarşısına toplaşan bəzi gənclər - Gənclər Klubu İctimai Birliyinin sədri Zaur Əkbər, “Yeni Baxış” İctimai Birliyinin sədri Xalid Frimən, “OL” Azərbaycan Gənclər Hərəkatından Turqut Qəmbər, Rəşadət Axundov, Orxan Cuvarlı və “Dalğa” Gənclər Hərəkatından Elşən Poladlı üzərində “Mən də xuliqanam” yazılmış köynək geyindiklərinə görə saxlanıblar.
Hazırda proses başlayıb. Məhkəmə binası qarşısına xeyli adam toplaşsa da, zala yalnız beynəlxalq təşkilatların nümayəndələri, xarici ölkə səfirliklərinin təmsilçiləri buraxılıb. Jurnalistlərin əksəriyyəti, siyasətçilər və xeyli hüquq müdafiəçisi iclas zalına daxil ola bilməyib.
http://www.mediaforum.az/articles.php?lang=az&page=00&article_id=20090916033217577
Əvvəlki məqalə: POLİS MƏHKƏMƏ QARŞISINA TOPLAŞAN GƏNCLƏRİ SAXLADI
Sonrakı məqalə: salam mirze müellim necesiniz?
Geri izləmələr
Öz veb saytınızdan geri izləmək üçün aşağıdakı linkdən istifadə edin.
http://mirzexezerinsesi.net/articles/trackback/4589