Mirzə Xəzərin Səsi

Aleksandr Bastrıkin - vesti.ru

"Bu "ilan yuvası"nı bağlamaq lazımdır. Moskvanın mərkəzində yerləşmiş bu iyrənc yeri birdəfəlik yox etmək lazımdır və biz bu işi sona çatdıracağıq." Bu sözlər Rusiya Federasiyası prokurorluğunun istintaq komitəsinin sədri Aleksandr Bastrıkinə aiddir. Çerkizov bazarını "dövlət içində dövlət" adlandıran Bastrıkin bazarın bağlanması üçün bütün hüquq mühafizə orqanlarının müstəntiqlərindən ibarət xüsusi qərargahın yaradıldığını bildirib. Lenta.ru portalının məlumatına görə, Bastrıkin Telman İsmayılovun "AST" şirkətlər qrupuna aid olan Çerkizovo bazarındakı 2 min ədəd anbar-konteynerlərdə dəyəri 2 milyard dollar olan qaçaq malların sahiblərinin hələ də tapılmadığını qeyd edərək, bununla əlaqədar cinayət işinin açəldığını sözünə əlavə etmişdir.

Telman İsmayılov Türkiyənin "Vatan" qəzetinin müxbiri ilə müsahibəsində Rusiyada qazandığı pulla Antalyada otel tikdirdiyi üçün ona qarşı Rusiya mətbuatında irəli sürülən tənqidlərə cavab verərək demişdir: "Pulu mən qazanmışam və hara xərcləyəcəyimə də mən özüm qərar verirəm. Kimə verəcəyimi özüm bilirəm. Burada sərmayə qoymağım Rusiyada bir-iki nəfərin xoşuna gəlmədi." Telman İsmaylov Çerkizovdakı malların ona aid olmadığını bildirib.

("Mirzə Xəzərin Səsi" qəzeti)