Mirzə Xəzərin Səsi

10 iyun 2009-cu il, saat 11-00-də Azərbaycan Respublikası Ali Məhkəməsi Talış Mədəniyyət Mərkəzinin rəhbəri, “Tolişi Sədo” (“Talışın Səsi”) qəzetinin baş redaktoru, linqvist - alim Novruzəli Məmmədovun elmi əsərlərinin Milli Təhlükəsizlik Nazirliyinin işçiləri tərəfindən onun personal kompüterinin yaddaşından məhv edilməsiylə ilə bağlı kassasiya şikayətinə baxılmışdır.

Ali Məhkəmə vəkil Ramiz Məmmədovun Milli Təhlükəsizlik Nazirliyinə qarşı “Ayrı-seçkiliyə məruz qalmamaq hüququnun pozuntusu ilə bağlı əqli mülkiyyətin məhv edilməsi nəticəsində dəymiş maddi və mənəvi ziyanın ödənilməsi barədə” iddiasını qəbul etməmişdir.

Vəkil Ramiz Məmmədovun şikayətində bildirilmişdir:

“...16 fevral 2007-ci ildə MTN işçiləri tərəfindən Novruzəli Məmmədovun evində aparılan axtarış zamanı onun kompüterinin blok sistemi- prosessoru götülülmüş və 8 aylıq istintaq müddətində istintaq orqanının sərəncamında qalmış, blok-sistemin yaddaşına baxış keçirilsə də, bu barədə müvafiq protokol tərtib edilməmiş, istintaq başa çatandan sonra isə prosessorun yaddaşını yoxlamaq üçün texniki imkan yaradılmamış və o ərizəçinin (N.Məmmədovun., H.M.) ailə üzvlərinə qaytarılmışdır. Ərizəçinin ailə üzvləri kompüterin yaddaşını yoxlayarkən orada əsasən talış dilinin tədqiqinə həsr olunmuş aşağıdakı əsərlərinin məhv edildiyini aşkar etmişlər:

Rus dilində:
1. Şuvinskiy qovor Talışskoqo yazıka (perevod kandidatskoy dissertatsi)., 376 str.
2. Talışskaya dialektoloqiya( sravnitelnoe issledovanie ) çast 1., 214 str.
3. Talışskaya dialektoloqiya. çast 2, leksika., 498 str.
4.Talışskaya dialektoloqiya. Tekstı.,866 str.
5.Talışskaya dialektoloqiya çast 3. Morfoloqiya.,580 str.
6.Vzaimootnoşenie Azərbaydjanskoqo yazıka s bezpismennımı iranskimi yazıkami na territorii Azərbaydjanskoy Respubliki. 327 str.

Azərbaycan dilində:
7.Dil əlaqələri: meyllər və perspektivlər( Qafqaz ərazisində dil əlaqələri problemi 402 səh. (Doktorluq dissertasiyası)
8. Qafqaz ərazisində dil əlaqələrinin forma və xüsusiyyətləri(məqalə)., 28 səh.
9.Azərbaycan və ingilis dillərində əvəzliklərin tipoloji təhlili (monoqrafiya)., 175 səh.
10.Azərbaycan və ingilis dillərində sifətin dərəcələri( Tipoloji araşdırma),(monoqrafiya)., 110 səh.

Ramiz Məmmədovun fikrincə, “...ərizəçinin (N.Məmmədovun., H.M.) bütün elmi və ictimai fəaliyyətinin nəticələri “talışçılığın təbliği”, “talış separatçıları gələcəkdə öz fəaliyyətlərini gücləndirmələri, bu zaman onun əsaslanması üçün ideoloji və təbliğat məqsədli “elmi” əsaslar yaratmaq....” kimi qiymətləndirildiyindən, barəsində olan cinayət işi üzrə milli-etnik mənsubiyyətinə görə ayrı-seçkiliyə məruz qalaraq təqib olunduğundan, prosessorun yaddaşında olan və talış dilinin tədqiqi ilə bağlı əsərlərinin məhv edilməsi də bununla bağlı olmuşdur”.

Ali Məhkəməyə müraciətindəki iddia ərizəsində vəkil Ramiz Məmmədov -
“Bakı Apellyasiya məhkəməsinin 06 fevral 2009-ci il tarixli qətnaməsinin ləğv edilərək”, “İddiaçı Məmmədov Novruzəli Xanməmməd oğlunun cavabdeh MTN-nə qarşı “Ayrı-seçkiliyə məruz qalmamaq hüququnun pozuntusu ilə bağlı əqli mülkiyyətin məhv edilməsi nəticəsində dəymiş maddi və mənəvi ziyanın ödənilməsi barədə” olan mülki işinə iyenidən baxılması üçün onun Apellyasiya məhkəməsinə göndərilsini” və “İddiaçının məhkəmədə iştirakının təmin edilməsini” xaiş etmişdi.

Qeyd edək ki, 27 may 2009-cu ildə hakim Tapdiq Mahmudovun sədrliyi ilə keçirilen qapalı Ali Məhkəmə prosesində də Ramiz Məmmədovun Baki Apellyasiya Məhkəməsinin 26 dekabr 2008-ci il tarixli qərarından kassasiya şikayəti də qəbul edilməmişdi.

Vəkil hər iki uşlə bağlı olaraq İnsan Haqqları üzrə Avropa Məhkəməsinə şikayətlə əlaqədar müvafiq sənədləri hazırlayır.

Azərbaycan Respublikası Cinayət Məcəlləsinin 274 (“Dövlətə Xəyanət”) maddəsiylə mühakimə edilmiş “Tolıshi Sədo” (“Talışın Səsi”) qəzetinin baş redaktoru Novruzəli Məmmədovun Hüqüqlarını Müdafiyə Komitəsi

Sədr: Hilal Məmmədov