MHP lideri Dövlət Bağçalı "Bakıda Neft Akademiyasına qarşı mənfur terror basqınını" qınadığını bildirib
Dövlət Bağçalı
"İnternethaber" portalının məlumatına əsasən, Türkiyə Milliyyətçi Hərəkat Partiyasının rəhbəri Dövlət Bağçalı aprelin 30-da Bakıda Neft Akademiyasında baş verən terror hadisəsi ilə əlaqədar bəyanat yaymışdır. Bağçalı "bu dəhşətli hadisənin əminamanlıq və sülh içində yaşayan Azərbaycanın ictimai" asayişinə zərər verməməsini arzu etdiyini qeyd edir. MHP lideri "mənfur terror basqınında çox sayda insanın həyatını itirməsini və yaralandığını" öyrənəndə böyük üzüntü keçirtdiyini bildirir. Dövlət Bağçalı, xüsusilə, "bu dəhşətli hadisənin" həssas müvazinətin hökm sürdüyü Qafqazda yaşanan gərginliyin artmasına gətirib çıxartmayacağını arzu etdiyini bəyan edir. Dövlət Bağçalı terror basqınını şiddətlə lənətlədiyini, həyatını itirənlərə Allahdan rəhmət dilədiyini və azərbaycanlı soydaşlarıa mətanət arzu etdiyini dilə gətirir.
("Mirzə Xəzərin Səsi")
Əvvəlki məqalə: ABŞ Dövlət Departamenti Neft Akademiyasındakı faciə ilə əlaqədar Azərbaycan xalqına başsağlığı verib
Sonrakı məqalə: Məlahət Ağacanqızı: AZƏRBAYCAN NEFT VƏ QAN AKADEMİYASI
Geri izləmələr
Öz veb saytınızdan geri izləmək üçün aşağıdakı linkdən istifadə edin.
http://mirzexezerinsesi.net/articles/trackback/4125