Mirzə Xəzərin Səsi

/”Xudafərin”də ürək ağrıdan “Sarı Gəlinin fəryadı”nın müəllifi
İrfan Murat Yıldırıma/

Mən bir Sarı Gəlinəm!
Güvəndiyim dağlara qar yağdı,-
Üşüyürəm,donuram.
Mən bir Sarı Gəlinəm!
Məni qoruyan igidlər
Ağ Gəlini bəyəndi,-
Tək-tənhayam,yalqızam.
Mən bir Sarı Gəlinəm!
Cənnət olan yurdumda
OĞULLAR ŞƏHİD oldu,
MEYDAN namərdlə doldu,-
Ağlayiram,yanıram.
Mən bir Sarı Gəlinəm!
Saçım ucun hörüblər,
Gülümü sulu dəriblər.
Məni məzara gömürlər:
“Neynim aman,aman
Sarı Gəlin…”nəğməsini oxuyub
Dizlərinə döyürlər.

YUXUSUNA GƏL ANAMIN

/ Bacım Gülarәnin əziz xatirәsinә/

Elçilәr kәsdi qapını
Görmәdiyinә verdilәr,
Sevmәdiyinә verdilәr.
Dәliydi, namәrdiydi
bilmirdin,
Ata sözü qanun idi
Vermişdi- getmәli idin.
Sevmәdiyinә verdilәr,-
Dözә bilmәdin soyuq öpüşlәrә,
Dözә bilmәdin soyuq әllәrә.
Soyuq öpüşlәr üşütdü sәni,
Soyuq әllәr dondurdu sәni.
Od vurdun özünә, od vurdun,
Bacım!
Yandın,
kül oldun,
heç oldun,
Bacım!
Bircә gün gülmüşdülәr,
Dәrd-qәmә qәrq oldular,
Hələ də ağlayırlar...
Elçilәr kәsib qapını,-
Sevmәdiyimә verirlәr,
Duymadığıma verirlәr.
Sabahkı günümü göstәrmәk üçün
Bu gecә OD içindә ,
yana-yana
Yuxusuna gəl ANAMIN!

MƏNİM AZADLIĞIM!

/ Unudulmaz AĞAMA/

Sən məni dörd divara zəncirlədin,-
Azadlığın adını bilmək üçün
Dünyanı gəzdin,dolaşdın.
“AZADLIQ GÖZƏLDİR!”
Nəğməsini oxuya-oxuya
qollarımı bağladın,
ayaqlarımı bağladın.
Qarşımda SU icdin,
ÇÖRƏK yedin,
QADIN öpdün,
qucaqladın.
Gozlərimi də bağla -
yarımcan oldum!
Sənin əlinlə,
ağzınla,
ayağınla
etdiklərindən
yarimcan oldum!
Gəl bax fikrimin icinə,-
MƏNİM AZADLIĞMI
gör!
Sənin AZADLIĞIN
Çürüyüb gedən
”BƏDƏN və ƏL” AZADLIĞI.
Mənim AZADLIĞIM
Əbədi qalan
”FİKİR-BEYİN” AZADLIĞI.
Gəl bax fikrimin içinə-
Gordüklərindən həmən ölərsən...