Mirzə Xəzərin Səsi

Şərəfsizin bir adı var…

Saxta millət, saxta seçkilər, saxta namizədlər

Azırbaycanda hər şey vizual xarakter almağa başlayır. Şəhərdə gördüyümüz gözəlliklər, abadlıq, parklar – hər şey vizual xarakter daşıyır, mahiyyət etibarilə isə Azərbaycan günü-gündən batıb gedir. Hakimiyyət trilyardlarla var-dövləti özününküləşdirir, əvəzində seçkiyə bir ay qalmış park-xiyaban salmaqla gözdən pərdə asır, hələ azmış kimi hər yerə də Heydərin adını qoyurlar.

Yenə seçkilər gəlir… Yenə maskalar yırtılır, kimin kim olması üzə çıxır. Baharda çiçəklər açıdığı kimi bu payızda da şərəfsizlər üzə çıxır. Azərbaycanda həmişə şərəfsiz insanlar olub, yenə yaranır, hələ gələcəkdə də meydana gələcəklər. Seçki bu şərəfsizlərin məzun günüdür, yəni məhz seçki vaxtı şərəfsizlər imtahan verib müstəqil həyata atılırlar. Keçmiş seçkilərdəki imtahanlardan uğurla çıxmış şərəfsizlərdən İqbal Ağazadəni, Qüdrət Həsənquliyevi, Fazil Qəzənfəroğlunu misal göstərmək olar. Onlar həmişə əqidəsizliyi ilə diqqət mərkəzində olublar. Prezident Aparatının tula payı kimi verdiyi qəpik-quruşlarla partiya sədri olan bu kişilər indi seçkilərdə xalqa ağıl öyrətməyə çalışırlar.

Televizorda onların sifətlərini görəndə lap əsəbiləşirəm də. Tutaq elə, İqbal Ağazadəni. A kişi, sən hara, prezidentlik hara?! Heç jek müdiri olmağa da layiq deyilsən eee sən. Pul hesabına partiyana özün kimi əqidəsiz insanları toplamısan, arada-ortada qəzetlərdə səs-küy salırsan, parlamentdə müxalifət kimi görünməyə çalışırsan. Bir məsəl var, deyir, dəvəquşu başını soxub quma, daaa bilmir ki, camaat ona tamaşa edir. Siyasətdən az-çox başı çıxan hamı bilir ki, sən İqbal hakimiyyətin 1 nömrəli işverənisən. 2003-cü ildə biabırcasına televiziyada müstəntiqin suallarını cavablandırarkən hər şeyi İsa Qəmbərin üstünə atdın. O gündən millətin gözündə “ucaldın”.

Başqa namizədlərdən də bir-iki kəlmə danışmaq istərdim. Hafiz Hacıyev haqqında çox danışmaq istəmirəm, çünki bu adam artıq şərəfsizliyini boynuna alıb. Şəhərin bütün fahişələri Müasir Müsavat partiyasına üzv yazılıblar. Daaa bundan başqa nə arqument gətirmək olar ki. Hafiz Hacıyev hakimiyyətin əlində bir pazdır, lazım gələndə çaşan məmurlara soxur, gərək olduqda isə müxalifətə qara yaxır.

Bu Qüdrəti görəndə əsl alverçi yadıma düşür. Heç bir çəkiyə malik olmayan, amma özünü xarizmatik lider kimi göstərən bu insana yazığım gəlirç, vallah.

Elə Fazil də onun tayıdır.

Fuad Əliyev haqqında heç nə deyə bilməyəcəm, çünki bu insanı birinci dəfədir ki, görürəm.

O ki, qaldı Qulamhüseyn Əlibəyliyə…. burada dərin bir ah çəkirəm, gedib bir çay içib sonra gəlib bu misraları yazıram. Çünki, bu insana çox hörmətim var idi. Ağlına, savadına, davranışına həmişə hörmətlə yanaşmışdım. Deyirdim ziyalıdır. Amma ziyalı olmaq heç də çoxlu kitab oxumaqla bitmir, hörmətli Qulamhüseyn müəllim. Kitabda yazılan müqəddəs ideyaları, dəyərləri həyatda yaşatmaq da gərəkdir. Siz amma çox tab gətirə bilmədiniz. Nəfsinizi axıra qədər saxlaya bilmədiniz. Nəyiniz əksik idi?! 3 dəfə Milli Məclisə üzv seçilmişdiniz, 15 il deputat olmusunuz. Ev-eşik, imkan, hörmət-izzət – hər şeyiniz var idi. Amma milyonunuz yox idi ki, onu da sizə hakimiyyət verdi. Amma milyona satdınız hörməti, izzəti, sizə olan ümidləri, illərdir universitetdə tələbələrə haqqında danışdığınız müqəddəs dəyərləri, əqidənizi, bir sözlə hər şeyinizi milyona satdınız. Yenə də yazıqlar olsun sizə.

O ki qaldı əsas namizədə, onun haqqında heç söz demək istəmirəm. İlham Əliyevi nəzərdə tuturam. Nə deyə bilərəm ki?! Hər şey göz qabağındadır. Desəm, çox yaxşı prezidentdir, uğurlu daxili-xarici siyasəti var, onda mən də olaram İqbal Ağazadə və ya Qulamhüseyn Əlibəyli, desəm ki, xalqına qənim kəsilmiş bir diktatordur, azad sözün düşmənidir, onda da polislərimiz yolda-kəsəkdə cibimə nəşə-zad atıb, şərləyib atarlar türməyə. Odur ki, İlham Əliyev haqqında heç nə deyə bilmirəm, qorxuram. Qorxuram ki, əqidəmi, ləyaqətimi itirərəm, ya da ki, günahsız yerə zindanda çürüyərəm. Məncə millətin böyük hissəsi də elə mənim günümdədir…qorxurlar…nə belə etməyə…nə də ki, elə etməyə…

Əhməd Şahidov

http://www.gundem.az/archives/470

18:52 23-09-2008

Bu gün Səbayel Rayon Məhkəməsində Milli Elmlər Akademiyasının şöbə müdiri, “Tolişe Sedo” qəzetinin baş redaktoru Novruzəli Məmmədovun oğlu Emil Məmmədovun cinayət işi üzrə məhkəmə prosesi keçirilib.

Novruzəli Məmmədovun hüquqlarının müdafisəi cəmiyyətinin sədri Hilal Məmmədovun Lent.az-a verdiyi məlumata görə, məhkəmədə E.Məmmədov dövlət tərəfindən ona təyin edilmiş vəkildən imtina edib: “Mən bilirəm ki, atam Novruzəli Məmmədova görə, sifarişlə həbs olunmuşam. Mənim heç bir müdafiəyə ehtiyacım yoxdur”.

Məhkəmə prosesi oktyabrın 7-də davam etdiriləcək.

Qeyd edək ki, E. Məmmədov iyulun 16-da üzərində az miqdarda narkotik vasitə ilə saxlanılıb. O, Cinayət Məcəlləsinin 234.1-ci maddəsi ilə ittiham edilir.

Xatırladaq ki, “Tolişe Sedo” qəzetinin baş redaktoru, Milli Elmlər Akademiyasının sabiq şöbə müdiri Novruzəli Məmmədov milli ayrı-seçkilik salma və dövlətə xəyanət kimi maddələrlə ittiham edilərək, 10 il müddətinə azadlıqdan məhrum edilib.

Şəhriyar ƏLİZADƏ

LENT.AZ

Məhkəmə Hüquq şurasına Ədliyyə Naziri Fikrət Məmmədov cənablarına Azərbaycan Respublikasındakı Kütləvi İnformasiya vasitələrinə Şirvan şəhəri Xanlar küçəsi 41-də yaşayan Əliyev Firuddin tərəfindən

Açıq məktub

Hörmətli Nazir!. Hörmətli Media mənsubları! Bu ölkədə yaşayıb onun bütün qanunlarına əməl etmək, vətənə xidmət göstərmək, düşmənlə üz-üzə təmas xəttində durub keşik çəkmək biz kasıbların boynuna düşür. Amma ölkə qanunlarına əməl etməməmk, onun təbii sərvətlərini mənimsəmək, qanını sovurmaq, ədalətsiz məhkəmələrdə bizə divan tutmaq dövlətin bəzi məmurlarına, müstəntiqlərinə və nəhayət varlanmaq eşqi ilə daim alışıb yanan hakimlərinə aiddir. Ay millət, ay hökumət, Hörmətli Prezident, ürəyim partladı axı, mən bu dövlətdən bircə ədalətli məhkəmə istəyirəm. Vəssalam. Dərdimi sizə bildirmək istəyirəm. Yazmadığım instansiya qalmadı. Bilirəm ki, prezidentə 100 minlərlə məktub yazılır, bunları oxumaq da mümkün deyil. Əslində məhkəmələr ədalətli olsaydılar heç prezidentə məktub da yazılmazdı. Məktubları oxuyan məmurlar isə robot kimi ancaq eyni funksiyanı yerinə yetirir. Şablon cavablar verirlər. Mənə bir qulağ asın. Axı belə olmaz. Bu nə ölkədir. Nə deyirlər onu edirik. Barı ədaləti əldən qoymayın. İşıqpulu, qazpulu, supulu, müstəntiqpulu, hakimpulu, yetər qardaşlar. Pulum yoxdursa ədalət olmayacaq?. Mənim oğlumu qaytarın özümə, ailəsinə. Yoxsa biz bu ölkənin vətəndaşlığından imtina edirik. Bizə vətəndaş kimi yox, vətənin daşı kimi, yəni əşya kimi yanaşırlar.

Məhkəmələr mənim oğlum barəsində ədalətsiz qərar çıxarıblar. Oğlumu ordu sıralarına göndərdim ki, vətənə olan borcunu yerinə yetirsin. Əvəzində qəddar və mərhəmət hissini itirmiş hərbi müstəntiqlərin apardığı qərəzli istintaq nəticəsində oğlum Əliyev Ramiq Firuddin oğlu 8 il azadlıqdan məhrum edildi. Onun “günahı” təlimata uyğun hərəkət edərək gecə vaxtı mühafizə etdiyi posta düşmən istiqamətindən basqın edən, qaranlıqda kimliyini müəyyənləşdirə bilmədiyi əsgəri güllə ilə vurması olub. Təbii ki, mühafizə etdiyi posta yaxınlaşan əsgərin Azərbaycan Ordusunun əsgəri olduğunu bilməyib. (Axı bu əsgərin gecə vaxtı postda nə işi var idi ?). Güllə beton dirəyə dəyərək istiqamətini dəyişmiş və əsgəri öldürmüşdür. Qaranlıqda posta düşmənin təmas xəttindən basqın edən, “dayan” komandasına cavab verməyən, şəxsin kimliyini necə müəyyənləşdirmək olardı. Mənim oğlum həyatının gənc yaşlarında, cinayət törətmədiyi halda artıq iki ildir ki, həbsxanada yatır. Oğlumun komandirləri bildirirlər ki, Ramiq təlimata uyğun hərəkət edib. Bəs necə olur ki, hərbi müstəntiq və prokuror oğlumu səkkiz il həbsə göndərir. Oğlumun başına gələnləri araşdırsanız, hərbi prokurorluğun və tribunalın haqsız olduğunun şahidi olarsınız.

Məsləhətləşdiyimiz hərbi ekspertlər və hərbiçilər oğlumun düzgün və təlimata uyğun hərəkət etdiyini bildirirlər. Amma qəribə burasıdır ki, hərbi müstəntiq bildiyi kimi araşdırma aparıb və hətta güllənin betona dəyib istiqamətini dəyişərək əsgərə dəydiyini istintaq materiallarına daxil etməyib. Görünür hansısa istəyinə çatmadığı üçün güllənin yeri olan beton dirəyin fotoşəkillərini istintaq materillarından çıxarıb. Daha sonra hadisə yerində ikinci şəxs olub (bu şəxs erməni də ola bilərdi?!) və onun haqqında da istintaq materiallarında heç nə göstərilməyib. Müstəntiqin bu hərəkəti özü-özlüyündə şübhə doğurur və onun istintaqı qərəzli aparmasından xəbər verir. Məhkəmələrdə isə deyilənlər heç biri təfsilatı ilə araşdırılmadı. Bir-birinin ardınca bütün instansiya məhkəmələrin ədalətsizliyi bizi üzdü. Ali Məhkəmədə isə hərbi hakim Oqtay Maqsudovun iştirakı ilə məhkəmə prosesi iki dəqiqə çəkdi. Hakim vəkilə imkan vermədi ki, cinayət işində maddənin düzgün tətbiq edilməsini sübut etsin. İndi də bizə bildirirlər ki, Ali Məhkəmənin plenumuna müraciət edin. Axı nə xeyri?!. Avropa məhkəməsi daha yaxşı qərar çıxarar. Indi belə çıxır ki, bzim işimizə Avropa məhkəməsində əcnəbilər baxacaq. Bu bizə baş ucalığı gətirməyəcək. Əvvəllər Kremlə yazırdıq, indi isə Strasburqa. Kim nə deyər bizdə olan qeyrətə , qeyrətimiz bəllidir hər millətə. Allah xofu olmayan müsəlman hakimin çıxardığı qərarı xristian alman və yaxud fransız dəyişsə gör nə biabırçılıq olacaq.

Əlbəttə mənəvi biabırçılıqdan söhbət gedir. Amma yox bizimkilər üçün əsas şey puldur. Pul yerindədirsə mənəviyyat olmasa da olar. Heç bilmirəm Azərbaycanda göz yaşlarına inanan qalıbmı?. Son ümidim yalnız sizədir. Bunlar adi sölər deyil insan taleyidir. Oğlumu kriminal etmək üçün əsgər göndərməmişəm. Xahiş edirəm məktubumu çap edin. Qabqaqcadan məktubumu çap edənlərə minnətdarlığımı bildirirəm.

Hörmətlə: Əliyev Firuddin Əsgər Anası: Əliyeva Məleykə

Telefon: 050 520 40 16

P.S. Bildirim ki, məsələ Ombudsman apparatında, şəxsən Elmira Süleymanova tərəfindən araşdırılmışdır. Ali Məhkəməyə məktub da göndərilmişdir. Amma nəticəsi olmadı.