Mirzə Xəzərin Səsi

“...Vətən öz övladlarına həmişə, hər şəraitdə sahib çıxmalıdır. Vətən öz övladları arasında ayrı-seçkilik etməməlidir. Vətənin buna haqqı yoxdur. Çünki bu Vətən onun bütün övladlarının vətənidir”.Bu ürək ağrıdan cümlələr DƏYƏRLİ Mirzə Xəzərin HÖRMƏTLİ Elbəyi Həsənliyə verdiyi müsahibədə (“Yeni Müsavat” 16.02.2008) işlədilib.

Bu gün VƏTƏN eyni ilə mənim ATA evimin günündədir. Doqquz övlad sahibi olan atamın yurdu gecələr zülmət olur. Atam vəfat edəndə ən böyük övladının iyirmi iki ,ən kiçik(mənim) övladının yeddi yaşı var idi. Anam zülm və əziyyətlə bizi böyütdü. Toxuyub satdığı xalıları bir yerə toplamaq mümkün olsa böyük bir dağ yaranar. Bir-birinə dayaq olmaq, bir-birini sevmək, mehriban olmaq bizim AİLƏnin əsas qanunu idi. Anam bizi ATAlı uşaqlardan daha məğrur, əyilməz və xoşbəxt böyütməyi bacarmışdı. Amma evimizə GƏLİNlər gələndən sonra ANAmın qurduğu BÖYÜK AİLƏ xoşbəxtliyi məhv oldu. Çünki ocağımıza gələn yad nəfəslər özləri ilə “övladlar arasında ayrı-seçkilik”qanunlarını “CEHİZ”gətirmişdilər. Mehriban bir AİLƏdə yurd-yuva,mal-mülk üstündə zıqqıltılar başladı. Övladlar ATA yurduna getmək üçün sanki GƏLİNlərdən icazə almalıydı. Doğmalar Ata yurduna uzaqdan həsrətlə baxırdılar, yadlar isə“kef” edirdilər. Yaşadığım ev ATA evindən daha geniş,daha rahat olsa da ATA yurdunu görmək üçün burnumun ucu göynəyirdi. ATA yurdundan küsüb, bezib hərə bir yana getdi. Böyük bir ev boş qaldı. Mənimlə qalan qoca,xəstə ANAM hər Novruz bayramında göynəyə-göynəyə deyir:”Get ATA yurdunda tonqal yandır,yoxsa ATAnın ruhu məndən inciyər...”.Anama sahib durduğuma görə bacı-qardaşlarım mənə “Sən qəhrəmansan! Bizdən kiçik olsan da , hər birimizdən BÖYÜK olduğunu sübut etdin...”. Yersiz deyilən “QƏHRƏMAN, BÖYÜK” sözlərindən ürəyim bulanır. Böyük bir AİLƏ bütün qayğıları ən kiçik övladın çiyninə yığıb “SƏN QƏHRƏMANSAN!” deməklə VİCDAN rahatlığı ilə necə yaşaya bilir?

31 dekabr Dünya Azərbaycanlılarının Həmrəylik Günüdür. Amma HƏMRƏYLİKdən əsər-əlamət yoxdur. QÜRBƏTdən həsrətlə VƏTƏNƏ baxan övladların VƏTƏN torpağı, havası üçün göz yaşları axırsa hansı HƏMRƏYLİK BAYRAMından danışmaq olar? VƏTƏNdə - VƏTƏN OĞULLARI haqq-ədalət,işıqlı gələcək uğrunda mübarizə aparanda güllələnirsə,hücuma məruz qalırsa, həbs olunursa,qürbətə üz tutursa ... demək VƏTƏN BAYRAMLARI yoxdur!HƏMRƏYLİK HAVASI olmayan məmləkətdə HƏMRƏYLİK GÜHÜ keçirmək saxtakarlıqdır. SAXTA BAYRAM işığına heç bir ŞƏHİD ruhu gəlməz.Ata yurdunda yandırdığım tonqal OĞULLARI olan ATAmın ruhunu incidir.VƏTƏNdə keçirilən bayramlarda qədirbilməzlər,nankorlar,yadlar meydan sulayanda VƏTƏN,AZADLIQ uğrunda şəhid olan övladların ruhu ağlayır.

Qürbətdən Vətənə dönəndə,həyət qapısından içəri girən kimi əyilib TORPAQdan öpəndə, içimə dolan dünyanın ən gözəl torpaq ətri ölüncə məni tərk etməz .QÜRBƏT gözəl bir at kimidir,hara çapıb gedə bilsən də Vətən sərhədini keçmək mümkün olmur.QÜRBƏT-başqasından alıb əyninə geydiyin kürk kimidir,nə qədər qalın olsa da içində üşüyürsən. QÜRBƏT- bütün fəsillərdə QIŞ nəfəsli bir məkandır.QÜRBƏT-səni qonaq kimi qarşılayan ,evinə getməyini gözləyən EV sahibi kimidir... Can verməkdə olan VƏTƏNİ xilas etmək üçün küsüb,inciyib,bezib gedən VƏTƏN OĞULLARI geri dönməlidir.Yoxsa dünyanın harasında yaşamağımızdan aslı olmayaraq ölən VƏTƏNin RUHu heç kəsə nəfəs almağa imkan verməyəcək.

Qarabağda bitən Xarı bülbül gülü heç bir torpaqda bitmir. Qürbətdə yaşayanlar Xarı bülbül gülünə bənzəyirlər...

Xarı bülbül ömrünü yaşayan yazar Elbəyi Həsənli qürbətdə olan dəyərli VƏTƏN oğulları ilə müsahibələr hazırlayırdı. İki maraqlı müsahibədən sonra Elbəyi Həsənli niyə susdu? Bəlkə hörmətli Mirzə Xəzərin, Kamil Tağısoyun sirli “QARA QUTU”lardan dedikləri həqiqətlər kimlərinsə xoşuna gəlməyib? Bəzən QEYRƏTLə yazılan bir köşə yazısı və ya kiçik müsahibə qul beyinlərdə BÖYÜK inqilablar edir. BEYİN inqilabının qarşısını almaq üçün dekabrın 30 – da Tarkan Bakıda konsert verəcək. 60 manatdan 400 manata qədər (bəlkə lap çox) dəyəri olan bileti qara qullar almaq üçün bir-birinin belinə minir. Maykl Cekson da “əlçatmaz”idi, amma indi can verir. Nə qəbul etdiyi islam dini, nə də milyonları onu xilas edə bilmir.

VƏTƏN – oğlu-qızı, nəvə-nəticəsi olan ATAmın yurdu kimi boşalır. Evimizin yanından keçəndə quruyan ağaclardan, solan çiçəklərdən utanıram. Həmişə səs-küy,gülüş səsləri ilə bol həyət-bacada sakitlik hökm sürür. Anam özünü pis hiss edən kimi deyir:”Məni evimə aparın, yad yerdə can verə bilmərəm...”.

28.12.2008, 05:19

Zərdüşt Əlizadə: «Aşağıdan yuxarıya qədər saxtakarlıq, fırıldaq üzərində qurulmuş rejim proporsional seçki sistemi olsa belə, istəmədiyi partiya liderlərini kənarda qoya biləcək»

«Azərbaycanı idarə edən cinayətkar bir dəstədir, bu dəstənin işi gücü isə yalnız dövləti və xalqı qarət etməkdir»

Parlamentdə konstitusiyaya dəyişikliklərin edilməsi ilə bağlı təkliflər səslənəndə hakim partiyadan olan deputatların böyük bir qismi proporsional seçki sisteminin bərpasının da arzuolunan olduğunu dilə gətirirdilər. Lakin sonda qəbul olunmuş layihədə bu təklif öz əksini tapmadı. Proporsional seçkinin bərpası ilə bağlı təkliflərin qəbul olunmasından sonra bunun baş tutmamasının səbəbi ilə bağlı bir neçə versiya səsləndi. Bu versiyalara politoloq Zərdüşt Əlizadənin münasibətini öyrəndik.

- Proporsional seçki sisteminin bərpası ilə bağlı təklifin nə səbəbdən qəbul olunmaması ilə bağlı bir neçə versiya var. Onlardan biri budur ki, proporsional seçki sisteminin bərpası partiyaların ictimai-siyasi həyatda önəmini bir qədər də artıracaq. Sizin buna münasibətiniz necədir?

- Birincisi, partiyalar daha da güclənər sözü yoxdur. Çünki bizdə güclənmə yoxdur. Əksinə, zəifləmə prosesi gedir. Parlament, məhkəmə tamamilə icra hakimiyyətinin ayağı altındadır. Müxalifət, vətəndaş cəmiyyəti nə qədər etirazını bildirsə də, bunu saya alan yoxdur. Hakim zümrə mütəşəkkil cinayətkar cəmiyyət şəklində formalaşıb, Azərbaycanı qarət etməklə məşğuldur. Aşağıdan yuxarı qarət, reket sistemi qurulub. Bu piramidanın da başında dayanıb prezident, sonra onun aparatı, nazirlər kabineti, parlament, məhkəmələr, güc strukturları. Hamısı yalnız bir məqsədə xidmət edir ki, Azərbaycanı qarət etsinlər. Müqavimət də demək olar ki, yoxdur. Belə olan şəraitdə bunlar nə üçün nəyisə dəyişməlidirlər? Avropanın, Amerikanın gözünə-qaşına onlar heyran olub demokratiya qurmayacaqlar. Demokratiyanı Azərbaycan xalqı qurmalıdır. Azərbaycan xalqı da demokratiyanın nə olduğunu bilmir. Tarixi təcrübəsində demokratiya anlayışı yoxdur. Hətta özünü demokrat adlandıranların çoxu kifayət qədər avtoritar şəxslərdi. Belə olan şəraitdə, pulun sel kimi gəldiyi bir vaxtda niyə onlar nəyisə dəyişsinlər. Əksinə, onlar mövcud sistemi daha da təkmilləşdirməyə çalışırlar. Deyirsiz hakim partiya. Bizdə hakim partiya yoxdur. Bizdə hakim cinayətkar dəstə var. Hakim cinayətkar dəstənin ideologiyası, hansısa ülvi milli və yaxud da ümumbəşəri dəyərləri yoxdur. Onlar haqqında ən gözəl sözləri bu partiyanın banilərindən olan Sirus Təbrizli və Əli Insanov deyib. Simasız quldurlar partiyasıdır. Bunlar simasız quldurlardı. Milli Məclisdə buntar əksəriyyət təşkil edirlər. Amma hamı bilir ki, onların heç biri seçkini udmayıb. Onlar yalnız prezident aparatında təsdiq edilmiş siyahı əsasında cinayətkar cəmiyyətin başqa bir qolu olan Mərkəzi Seçki Komissiyası tərəfindən ora salınıblar. Proporsional seçki sistemi həqiqi səmimi demokratiya quran ölkələrdə çoxpartiyalı sistemin oturuşmasına, güclü partiyanın formalaşmasına gətirə bilər. Amma Azərbaycanda axı təbii, normal cəmiyyət yoxdur. Bu cinayətkar bir dəstədir. Cinayətkar dəstənin işi gücü qarət etməkdir. Mojaritar seçki sistemini elə-belə salmayıblar ki. Mojaritar seçkidə istənilən məşhur siyasətçi və ya ziyalı pullu polis zabiti, hansısa işbaz, hakimiyyətin aftafa gəzdirəni qarşısında məğlub olacaq. Çünki ortada pul, inzibati resurs, zorakılıq, dövlətin zor gücü var. Bunun qarşısında heç bir mənəvi və siyasi dəyər davam gətirə bilmir. Çünki real yarışma yoxdur. Ölkədə xalqın iradəsinə cavab verən seçki keçirilmir. Konstitusiyanın birinci bəndi həmişə pozulur. Orda yazılıb ki, Azərbaycanda hakimiyyətin mənbəyi xalqdır. Xalqla isə hesablaşan yoxdur. Xalqı aldadırlar, əzirlər, qorxudurlar, terror edirlər. Referendum söhbəti hakimiyyəti məngirləmiş bir dəstə adamın öz hakimiyyətinin güclənməsinə xidmət edən tədbirlər sistemidir. Üstəlik, xaricdən hansısa sifariş veriblər. Bu xəyanətlə bağlı olan bir xətdir ki, Azərbaycanda davam edir. Nə vaxtsa, yəqin ki, bu yaxınlarda Azərbaycan xalqı bunun acı nəticələrini görəcək.

- Ikinci versiyaya görə, proporsional seçki prezident seçkisinə tramplin hesab edilir. Parlament seçkisində qalib gələn partiyanın namizədi prezident seçkisində də daha çox şansa malik olur. Bununla bağlı nə deyə bilərsiniz?

- 2000-ci ildə Müsavat çox səs toplamışdı. Ancaq parlamentdə bir nəfər də deputatı keçmədi. 2003-cü ildə də Isa Qəmbərin məğlubiyyəti proqnozlaşdırılmışdı. Çünki hakim zümrə daxilində parçalanma yox idi. Hakim zümrə özünü milli demokrat adlandıran insana və onun komandasına qarşı mütəşəkkil birləşmişdi, sıralarını sıxlaşdırmışdı. Nəticədə də Isa Qəmbərin seçilməsinə imkan vermədilər. Gürcüstanda və Ukraynada isə hakim zümrə daxilində müəyyən bir parçalanma var idi. Ola bilsin ki, parçalanma əlamətləri 2005-ci ildə var idi. Onun da qarşısını aldılar. Indi hakim zümrə monolit şəkildə cinayətkar bir dəstədir. Onlar Azərbaycanı talamaqla məşğuldurlar. Əgər onlar proporsional seçki sistemini 2010-cu ildə bərpa etsələr, hansı partiya, hansı lider o seçkidə çox səs qazana biləcək? Indiki sistemdə Azərbaycan vətəndaşları öyrəniblər ki, azadlıqlarını verib əvəzində çörək, imtiyaz qazanırlar. Belə olan halda inanmıram ki, 2010-cu ildə ölkə vətəndaşları birləşib ortaya nəsə qoya bilsinlər. Düşünürəm ki, bu, mümkün deyil. Daha uzun müddətə ehtiyac var. Əsas odur ki, müftə neft pulları ən mühüm siyasi amil kimi istifadə edilir. Neft pulları tükənsə, azalsa, əsas amil rolunu oynamasa, bundan sonra nə isə canlanma baş verər, normal həyat başlayar, əməyin, elmin, zəkanın əhəmiyyəti artar. Onda nə isə baş verə bilər. Ancaq hələlik istehlak bayramıdır. Hakimiyyət özü bol-bol yeyir. Qırıntılarını da səpir xalqın qabağına. Əhalinin böyük hissəsi bundan faydalanır və heç bir yenilik istəmir.

- Digər versiya odur ki, proporsional seçki baş tutacağı halda, hakimiyyət siyahılara başçılıq edəcək müxalifət partiyalarının liderlərinin parlamentə düşəcəyinin qarşısını ala bilməyəcək. Bu fikirlə razısınız?

- Boş söhbətdir. Hakimiyyət sərrast şəkildə hansısa potensialı olan adamları parlamentdən kənarda qoyur. Müsavatdan Ikram Abdullayev var. Kim onu tanıyır? O, Azərbaycanın müasir tarixində nə edib? Heç nə etməyib. Ancaq prezident aparatından onu saldılar parlamentdə. Nəsib Nəsibli kimdir? Heç kəsdir. Hərəkatçıdı, Müsavat Partiyasında həmişə yardımçı, köməkçi, kölgə rolunu oynayıb. Onu da parlamentə saldılar. Pənah Hüseyn kimdir, onun nə potensialı var? Ancaq onu deputat təyin elədilər. Müxalifətin həqiqətən də tanınmış liderləri var. Pisdilər, ya yaxşıdılar, ancaq camaat onları tanıyır. Əminəm ki, aşağıdan yuxarıya qədər saxtakarlıq, fırıldaq üzərində qurulmuş rejim proporsional seçki sistemi olsa belə, istəmədiyi partiya liderlərini kənarda qoya biləcək.

- Son versiya belədir ki, proporsional seçki olacağı təqdirdə hakim partiyanın siyahısı yalnız Ramiz Mehdiyevin iradəsinə uyğun tərtib ediləcək. Bu nə dərəcədə inandırıcı görsənir?
- Bunu deyən adamların, görünür, hakim zümrənin iş qaydasından xəbəri yoxdur. Gələcək deputatların siyahısını adbaad, xasiyyətnamə və fərdi zəmanətlə Ramiz Mehdiyev Ilham Əliyevə təqdim edir. Onun məruzəsi əsasında istər iqtidardan, istərsə də müxalifətdən olan gələcək deputatlar prezidentin xeyir-duasın alır, bəyənilir. Ondan sonra siyahı gedir Mərkəzi Seçki Komissiyasına da tapşırılır ki, bu adamlar seçilməlidir. Seçkiyə hətta bir gün qalmış da nə isə dəyişə bilər. O tapşırıq da prezident aparatından gəlir. Bu sərəncamı da Ramiz Mehdiyev verir. Ramiz Mehdiyev nə mojaritar, nə də proporsional seçkidən qorxur. Onun fikri cibini doldurmaqdır. Bu işlə də məşğuldur. Bir də ki, Azərbaycan xalqını əzmək və elmlə heç bir əlaqəsi olmayan mənasız kitablar çap etdirmək, özünü böyük alim kimi təqdim etmək. Əslində bu prezidentin istəyini, sərəncamlarını həyata keçirən bacarıqlı bir inzibatçıdır. Yəni, sovet, totalitar düşüncəli bir inzibatçıdır. O, heç bir proporsional seçkidən qorxmur.

Fizzə Heydərli ("Azadlıq" qəzeti, 28.12.2008)

Əmir Pəhləvanın yeni filminə ictimai baxış keçirildi

Ötən gün Kinematoqrafçılar İttifaqında "Avtoritet" sənədli filminə ictimai baxış keçirildi. Əmir Pəhləvanın öz ssenarisi əsasında ekranlaşdırdığı bu filmin qəhrəmanı "Azadlıq" radiostansiyasından yaxşı tanıdığınız Mirzə Xəzərdir.

Xatırladaq ki, sözügedən film "Azadlıq" radiostansiyası ilə bilavasitə bağlılığı olan ilk ekran əsəridir. "Azadlıq" radiostansiyasi dünyanın ən müxtəlif yerlərində yayımlansa da, onun haqqında indiyə qədər bir ekran əsəri yaranmayıb. "Avtoritet" filminin özünə gəlincə, 40 dəqiqəlik ekran əsərində maraqlı rejissor yozumu nəzərə çarpır. Mirzə Xəzərin həyat və yaradıcılıq yolunu işıqlandıran filmdə dövrün ictimai-siyasi həyatına dair də ştrixlər var. Onun radio dinləmələri fonunda sözügedən mövzunu əks etdirən kadrlar ekranda görünür. Filmin əsas hissəsi Praqada, hazırda Mirzə Xəzərin yaşadığı şəhərdə çəkilib. Bu haqda mə`lumat verən Əmir Pəhləvan bildirdi ki, filmin əsas hissəsini əhatə edən Praqa çəkilişləri zamanı bir sıra problemlərlə qarşılaşıblar. Təbii ki, ən ciddi problemsə, "Azadlıq" radiostansiyasının özündə çəkiliş aparmaq üçün icazə almaq olub. Üç gün aparılan danışıqlar nəticəsində filmi ekranlaşdırmağa şərait yaradıblar. Filmin adına gəlincə, onun səbəbkarı Opera və Balet Teatrının solisti Azər Zeynalovdur. Ramiz Rövşən, Şirməmməd Hüseynov, Flora Kərimova və başqaları ilə yanaşı Mirzə Xəzər haqqında təəssüratını bölüşən Azər Zeynalovun "Avtoriteti qəbul eləməsəm də, bu haqda söz gedəndə nədənsə, yadıma Mirzə Xəzər düşür. O, avtoritetdi", - çıxışı filmin adını müəyyənləşdirib.

http://bizimasr.media-az.com/arxiv_2001/new_av/316/musiqi.html