Mirzə Xəzərin Səsi

Oktyabrın 29-da keçirilən mərasimdə Azərbaycanın dövlət, hökumət nümayəndələri, tanınmış mədəniyyət, incəsənət nümayəndələri iştirak ediblər. Dəfn mərasimi bitdikdən sonra dahi sənətkarın ünvanına növbəti alqış sədaları səslənib.

APA

GÖRÜŞ YARIMÇIQ QALIB
2008-10-28, 18:29:00

Bu gün vəkil İsaxan Aşurov 2 saylı Cəzaçəkmə Müəssisəsində saxlanan keçmiş iqtisadi inkişaf naziri Fərhad Əliyevlə görüşüb. Görüş barədə «Media forum»a məlumat verən vəkilin bildirdiyinə görə, keçmiş nazir söhbətə həvəs göstərməyib: «Görüş cəmi dörd-beş dəqiqə çəkdi. O, görüş otağında oturub söhbəti davam etdirə bilmədi. Sifətində şişkinlik, gözlərinin altında qaralma müşahidə etdim. Hərəkət etməyə çətinlik çəkirdi. Görüşü yarımçıq dayandırmağa məcbur oldum».

İ.Aşurov F.Əliyevin infarkt keçirməsi haqda bugünkü qəzetlərdə gedən xəbərlərə münasibət bildirərkən deyib: «Qəzetlərin bu xəbəri haradan götürdüyünü bilmirəm. Bu gün Fərhad Əliyevin üz-gözündə gördüyüm əlamətlərin infarkt əlaməti olub-olmadığını da deyə bilmərəm. Bir məsələ aydındır ki, Fərhad Əliyev xəstədir, özünün istədiyi həkim tərəfindən müayinəsi aparılmayıb. Buna icazə verilməyib, başqa həkimlər müayinə etdikdə isə bizim xahişlərimizə baxmayaraq tibbi sənədlərin surətləri təqdim olunmayıb».

Vəkil keçmiş nazirin cəzaçəkmə müəssisəsinin sanitar hissəsində olduğunu, ona dərmanlar verildiyini də vurğulayıb: «Yaxşı olardı ki, Fərhad Əliyev mülki şəfa ocağına yerləşdirilsin və onun ətraflı müayinə-müalicəsi aparılsın».

İ.Aşurov bu istiqamətdə fəaliyyət göstərəcəyini, bu vaxta qədər aparılan müayinələr zamanı hazırlanan tibbi sənədlərin surətlərini əldə etmək üçün lazımi orqanlara müraciət edəcəyini, F.Əliyevin vəziyyətinin pisləşməsinin nə ilə bağlı olması barədə sorğu ilə çıxış edəcəyini deyib: «Fərhad müəllimin özünün elə bir istəyi olmadı. O, sabah görüşməmək üçün xahiş etdi. Yəqin ki, bu, görüşə gəlməkdə çətinlik çəkməsiylə əlaqədardır. Amma oktyabrın 30-da onunla əlaqə saxlayacam və cəzaçəkmə müəssisəsinə bir daha baş çəkəcəm».

Vəkil F.Əliyevin Ədliyyə Nazirliyinin müalicə müəssisəsinə köçürülməsiylə bağlı Penitensiar Xidmətə müraciət edəcəyini də vurğulayıb.

İ.Aşurovun sözlərinə görə, F.Əliyev həbsxanada ingilis dilini təkmilləşdirməklə məşğuldur. Vəkil əlavə edib ki, mətbuatda onun ərəb dilinin öyrənmək haqqında yazdığı xəbərlərin heç bir əsası yoxdur.

F.Əliyev 2005-ci ilin oktyabrında həbs edilib. Ona Cinayət Məcəlləsinin 179.3.1-ci (mütəşəkkil dəstə tərəfindən mənimsəmə və rüşvət alma), 179.3.2-ci (külli miqdarda mənimsəmə və israfetmə), 192.2.1-ci (külli miqdarda gəlir əldə etməklə qanunsuz sahibkarlıq), 192.2.2-ci (mütəşəkkil dəstə tərəfindən qanunsuz sahibkarlıq), 206.4-cü (qaçaqmalçılıq), 213-cü (vergi ödəməkdən yayınma), 308.2-ci (vəzifə səlahiyyətlərindən sui-istifadə), 311.3.1-ci (qabaqcadan əlbir olan bir qrup şəxs və ya mütəşəkkil dəstə tərəfindən rüşvət alma), 313.3.2-ci (rüşvət alma təkrar törədildikdə), 313.3.3-ci (külli miqdarda rüşvət alma), 313-cü (vəzifə saxtakarlığı) maddələri ilə ittiham elan edilib.

2007-ci il oktyabrın 31-də Ağır Cinayətlərə Dair İşlər üzrə Məhkəmənin hökmü ilə F.Əliyev 10il müddətinə azadlıqdan məhrum edilib. Hökmə əsasən, onun əmlakı müsadirə olunub.

Bu il iyulun 16-da Bakı Apellyasiya Məhkəməsi müttəhimlər barədə birinci instansiya məhkəməsinin çıxardığı qərarı qüvvədə saxlayıb.

«Media forum»

Qulamrza Əmani "qəzaya" uğradı

Dəyərli həmvətənlər, hörmətli güney azərbaycanlılar,

Aldığımız acı xəbərə görə, cümə günü 3 aban 1387-ci il, 24 oktyabr 2008-ci il, Güney Azərbaycan milli fəalı 35 yaşlı mühəndis Qulamrza Əmani “qəzaya” uğramış, özü ilə iki qardaşı Təbrizin ətrafında Əhər caddəsində Xoca məntəqəsində həlak olmuşdur. Bu xəbər, digər həmvətənlərimiz kimi, bizi də - Güney Azərbaycan Siyasi Birlik və Əməkdaşlıq Komissiyası olaraq, dərin kədərləndirmişdir.

Qulamrza Əmani, Heris ətrafında olan Qaragüney kəndində anadan olmuş, ali təhsilini Təbriz Universitetində aqrar mühəndisliyi ixtisası ilə başa vurmuşdu. O, İran İslam Respublikasının rəsmi TV-sinin hazırladığı “Siz türklərlə qonşu olub, evlənərsinizmi?” adlı məşhur anketə etiraz aksiyasının, Bəzz Qalasına yığıntıların, Səttarxan məzarı üstü tədbirlərin fəal iştirakçılarından idi.

Mühəndis Əmani, son 10 ildə həm tələbəlik dövründə və həm də ondan sonra, Güney Azərbaycanda milli hüquqlar uğrunda İran İslam Respublikasına qarşı mübarizə aparmışdı və bir neçə dəfə rejim tərəfindən həbs olunmuşdu. O, 4 il həbs almışdı. Bununla İran İslam Respublikası, azərbaycanlıların milli hüquqlarını tapdaladığı kimi Onun da fərdi hüquqlarını ayaq altına qoymuşdu. Və bugün də Onun avariaya düşməsi, Azərbaycan ictimaiyyatında güclü bir şübhə doğurur ki, burada da Rejimin əli var. Əlbəttə bu şübhəyə əsas da mövcuddur. Bugün Amerika və Avropada gedən iqtisadi böhranları nəzərə alaraq, İran İslam Respublikası bir tərəfdən bu böhranın İranda təsirini düşünərək öz gələcəyindən nigaran olduğu üçün, milli haqların üzərində gedən müxtəlif xalqların o cümlədən Azərbaycan xalqının bu yolda uzun illərdən bəri ardıcıl apardığı və bugün yeni bir müstəviyə gəlib çatan hərəkatından qorxur və ona qarşı tədbirlər cızır. Bu planın bir hissəsi, rejimin, milli fəalları tutub həbsə almasıdır və 1367-ci ildə və sonrakı illər kimi kütləvi qırğın və yaxud zincirvari qətlləri təşkil etməsi bugün də istisna deyildir. Xüsusilə şovinisti və istibdadi rejimlər, həm bugün və həm də hələ Şah dövründə, müxaliflərini dolayı və şübhəli yollarla o cümlədən duvar altına qoymaq, avariaya salmaq, suda batırmaq, zəhərləndirmək, xəstələndirmək, ampul vurmaq, döyüb-bıçaqlamaq və qazla boğmaqdan çəkinmirlər.

Bunları nəzərə alaraq, Qulamrza Əmaninin “qəzaya” uğraması biz azərbaycanlılarda şübhə doğurmaya bilməz. Elə buna görə həmin hadisənin daxildə və xaricdə səlahiyyətli orqanlar tərəfindən araşdırılmasının tərəfdarı olduğumuzu bildiririk və bu işdə digər soydaşlarımızı birgə əməkdaşlığa dəvət edirik. Bunu, içəridə və ölkədən kənar fəaliyyət göstərən fəallarımızın bu kimi yollarla aradan aparılmasının qarşısının alınması barədə İran rejiminin planlarının qarşısını almaq üçün bir tədbir kimi hesab edirik. Bu barədə beynəlxalq təşkilatların diqqətini bu məsələyə cəlb etmək üçün müraciət də edirik.

Güney Azərbaycan Siyasi Birlik və Əməkdaşlıq Komissiyasının üzvləri, mühəndis Qulamrza Əmani və onun qardaşlarının itgisini, onun həyat-yoldaşı, valideynləri və dostlarına təsliyət deyir. Ümid edirik ki, onun dəfn mərasimi və matəm günləri azərbaycanlılarımız tərəfindən geniş və dərin hüznlə keçiriləcəkdir və orada da, Qulamrza Əmaninin, Milli Hərəkata etdiyi xidmətləri soydaşlarımız tərəfindən dəyərləndiriləcəkdir.

Güney Azərbaycan Siyasi Birlik və Əməkdaşlıq Komissiyası (GASBEK):

Abdulla Əmir Haşimi (Cavanşir)
Firidun Pərvizniya
Maşalla Rəzmi
Məhəmməd Müştaq
Dr Nurəddin Qərəvi

25.X.2008