Moskvalı sahibkar Telman Ismaylov “Antalyaspor” futbol komandasını alırmı?
Türkiyənin “Haberler.com” internet xəbər portalı “Palhaber” internet saytına istinadən “Türkcell Süper Lig”in yeni komandası olan “Antalyaspor”un tanınmış moskvalı sahibkar, “AST” qrupunun prezidenti Telman İsmaylov tərəfindən alınacağı barədə iddiaların dolaşdığını yazır. Eyni mənbəyə görə, bu xəbər “Antalyaspor” komandasının azarkeşlərinin etirazına səbəb olub. Onlar futbol klubunun əcnəbilərə satılmasına qarşı olduqlarını bildiriblər. Tərəfdarlar, komanda Telman İsmaylova satıldığı halda, “Antalyaspor”un oyunlarını boykot edəcəklərini bildiriblər. Onların sözlərinə görə, “Antalyaspor” antaliyalıların komandası olaraq qalmalıdır.
“Anadolu Ajansı” moskvalı milyarder ailesinin “Antalyaspor” komandasına çoxdan sponsorluq etdiyini xəbər verir. Lakin agentlik klubun Telman İsmaylov tərəfindən alınacağı barədə söylənən iddialara toxunmur. “Antalyaspor”un prezidenti Sedat Peker bu ilin iyun ayında "Anadolu Ajansı"na verdiyi müsahibəsində, Telman İsmaylovun 2007-ci ildə “Antalyaspor”a 1,5 milyon dollar yardım verdiyini bildirmişdir.
(“Mirzə Xəzərin Səsi” saytı)
Əvvəlki məqalə: ETTELAAT-ın Təbrizdəki idarəsinin əməkdaşları Səhənd Universitetinin iki fəal tələbəsini yaşadıqları mənzillərdən tutub aparıblar
Sonrakı məqalə: Beynəlxalq Valyuta Fondu: “Azərbaycan fəlakət astanasındadır”
Geri izləmələr
Öz veb saytınızdan geri izləmək üçün aşağıdakı linkdən istifadə edin.
http://mirzexezerinsesi.net/articles/trackback/3376