Bakıda bir qrup jurnalistin acliq aksiyası davam edir
ACLIĞIN ÜÇÜNCÜ GÜNÜ
2008-03-29 - 11:53:00
Bir qrup jurnalistin «Gündəlik Azərbaycan» və «Realnı Azerbaydjan» qəzetlərinin baş redaktoru Eynulla Fətullayevə dəstək məqsədilə «Yeni Müsavat» qəzetinin redaksiyasında başlatdığı aclıq aksiyasının üçüncü günüdür. Hazırda «Gündəlik Azərbaycan» qəzetinin şef-redaktoru Şahvələd Çobanoğlu, «Yeni Müsavat» qəzetinin redaktoru Zahid Səfəroğlu və qəzetin əməkdaşı Elşən Balaxanlı aksiyanı davam etdirirlər.
12 saylı Cəzaçəkmə Müəssisəsində saxlanılan E.Fətullayev martın 26-dan həbsdə aclığa başlayıb. Baş redaktor işinə ədalətli və qərəzsiz baxılmasını, həbsdə olan həmkarlarının azadlığa çıxmasını tələb edir, Avropa Şurası və ATƏT-in siyasi məhbus məsələsində konkret müdafiə mexanizmləri ortaya qoymasını istəyir.
Etiraz aksiyası keçirən jurnalistlərin səhhəti haqqında «Media forum» saytına məlumat verən Ş.Çobanoğlunun sözlərinə görə, hazırda hər üçünün vəziyyəti yaxşıdır: «Adətən aclığın ikinci gün baş ağrıları olur. Dünən baş ağrıları var idi, bu gün o da keçib. Özümüzü normal hiss edirik».
("Media Forum")
Əvvəlki məqalə: Eynulla Fətullayev aclıq aksiyasına başlayır
Sonrakı məqalə: Martın 30-da Ankarada güney azərbaycanlı fəal Abbas Lisaninin müdafiəsi məqsədilə aksiya keçirilib
Geri izləmələr
Öz veb saytınızdan geri izləmək üçün aşağıdakı linkdən istifadə edin.
http://mirzexezerinsesi.net/articles/trackback/3278