Mirzə Xəzərin Səsi

Elyaz Yekanlı ETTELAAT-da saxlanılır


İranda güneyli siyasi fəallara qarşı təzyiqlər güclənir. Azərbaycan Milli Hərəkatının fəalı Elyaz Yekanlı ETTELLAT əməkdaşları tərəfindən saxlanılıb. Urmiyənin təhlükəsizlik idarəsinin təcridxanasında saxlanılan E.Yekanlı jurnalistdir. GAMOH-un Bakı bürosundan “OLAYLAR”a daxil olan məlumata görə, o, Urmiyədə nəşr olunan qəzetlərin türk səhifələrinin hazırlanmasına məsuldur. ETTELAAT qüvvələri 12 gündür ki, itkin düşən hərəkatçı barədə məlumat vermək zorunda qalıb. Evlərinə telefon açan təhlükəsizlik məmurları bildiriblər ki, Elyaz Urmiyə təcridxanasına Mərəndin Yekan kəndindən gətirilib. Qeyd edək ki, E.Yekanlı 21 Azər atəşfəşanlığında iştirak etdiyi üçün yaxalanmışdı. Hərəkatçının məhkəməsi Urmiyənin 5 saylı İnqilab Məhkəməsində olacaq. Məhkəməyədək təcridxanada saxlanılacaq hərəkatçıya işgəncə verildiyi bildirilir.

("Olaylar" agentliyi)