Azərbaycanlı zəvvarlar vətənə qayıda bilmir, onlar Mədinə şəhərində etiraz aksiyası keçiriblər
“Karvan” turizm şirkətinin xəttilə Həcc ziyarətinə gedən zəvvarların vətənə qayıtmasında problem yaranıb. Azərbaycana qayıtmasında problemlə üzləşən 145 zəvvar ötən gün Mədinə şəhərində etiraz aksiyası keçirib.
Zəvvarların yanvarın 7-də Azərbaycana qayıtması nəzərdə tutulsa da, şirkətin onları nəqliyyatla təmin etməməsi geri qayıtmaqda problem yaradıb.
Qeyd edək ki, yanvarın 6-da şirkətin nümayəndəsi 48 nəfəri qrupdan ayıraraq onları Qafqaz Müsəlmanları İdarəsinin xəttilə vətənə yola salıb. Etiraz aksiyasının keçirilməsinə də məhz bu səbəb olub. Şirkətin nümayəndələri bildiriblər ki, QMİ nümayəndələri ilə görüşüb məsələni həll etməyə çalışacaqlar. Lakin zəvvarların konkret nə zaman Azərbaycana qayıdacaqları barədə dəqiq məlumat verilmir.
("Olaylar" agentliyi)
Əvvəlki məqalə: «Ehali yaxın vaxtlarda bütün sahelerde bahalaşmanın şahidi olacaq»
Sonrakı məqalə: Məmmədəmin Rəsulzadə (1884-1955)
Geri izləmələr
Öz veb saytınızdan geri izləmək üçün aşağıdakı linkdən istifadə edin.
http://mirzexezerinsesi.net/articles/trackback/2554