Mirzə Xəzərin Səsi

Mirzə Xəzərdən məktub
[2005-04-21 01:55]

21.04.2005

Azad Yazarlar Ocağı Internet poçtuna görkəmli jurnalist və ictimai xadim Mirzə Xəzərdən

məktub daxil olub: alatoran.org sаytı ilə yenicə tanış olmuş M.Xəzər sаytdа əsərləri

yerləşdirilmiş olan müəlliflərdən yalnız bircə nəfərin - Əli Əkbərin əsərlərini bəyənib, öz

şəxsi saytında (http://mirzexezerinsesi.net) bu müəllifin «Yeni nəslin manifesti» əsərini

ana səhifədə yerləşdirib. Azərbaycan ədəbi mühitində çox az sayda adamın qiymətləndirdiyi bu

şair, çox qəribədir ki, yurd dışında yaşayan həssas bir soydaşımızın marağına səbəb olan

yeganə müəllif olub. Məncə bunun səbəbləri haqqında düşünməyə dəyər.

«Alatoran» jurnalının CD əlavəsi. «Alatoran» 4-ün pulsuz CD əlavəsi dövrəyə buraxılıb.

Bəstəkar Elmir Mirzəyevin və tərcüman Əli Əkbərin birgə əməyinin məhsulu olan bu

audio-kompozisiya günlərdir dinləyənləri şoka salmaqda davam edir. Təsəvvür edin, Müslüm

Moqomayevin «Ey, əziz anam, Azərbaycan» mahnısının fonunda Əli Əkbərin bariton səsiylə «Mən

əclafam» şeri səslənir. «Alatoran»ın audio əlavəsi ədəbiyyat tariximizdə bənzərinə

rastlanmamış qeyri-adi performans olmasıyla diqqətə layiqdir. «Əclaf» adlı bu CD məhdud

sayda buraxılıb, AYO entuziastları tərəfindən çoxaldılmaqda və ilgili insanlara pulsuz

olaraq çatdırılmaqdadır. CD-ni «Azadlıq» Qəzеtinin girişindəki köşkdən əldə etmək olar.

Mirzə Xəzərdən məktub. Azad Yazarlar Ocağı Internet poçtuna görkəmli jurnalist və ictimai

xadim Mirzə Xəzərdən məktub daxil olub: alatoran.org sаytı ilə yenicə tanış olmuş M.Xəzər

sаytdа əsərləri yerləşdirilmiş olan müəlliflərdən yalnız bircə nəfərin - Əli Əkbərin

əsərlərini bəyənib, öz şəxsi saytında (http://mirzexezerinsesi.net) bu müəllifin «Yeni

nəslin manifesti» əsərini ana səhifədə yerləşdirib. Azərbaycan ədəbi mühitində çox az sayda

adamın qiymətləndirdiyi bu şair, çox qəribədir ki, yurd dışında yaşayan həssas bir

soydaşımızın marağına səbəb olan yeganə müəllif olub. Məncə bunun səbəbləri haqqında

düşünməyə dəyər. Qeyri-adi kart-vizit Əli Əkbər özünün qəribəliklərinə bu günlərdə daha bir

yenilik qazandırıb: özü üçün hazırlatdığı kart-vizitdə məşğuliyyət növünün yazılmalı olduğu

yerdə sadəcə «Əclaf» kəlməsini yazıb. Bununlа dа kifаyətlənməyib, kartın arxasında isə «Mən

əclafam» şerini yеrləşdirib. Təsəvvür edin, Əli Əkbərin rast gəldiyi sözün əsl mənasında

əclaflar, hansılar ki bunu etiraf etməkdə acizdirlər, bir an çaşqınlıq içərisində nə

deyəcəklərini bilmir, yalnız gözlərinin dərinliyində sayrışan şeytani qığılcımlarla öz

həmrəyliklərini ifadə edə bilirlər. Biri-birinin ardınca qazanmış olduğu yaradıcılıq

uğurlarının üstünə üstlük, Əli Əkbər növbəti parlament seçkilərində Parlamentar olmaqdan

ötrü öz namizədliyini irəli sürəcəyini də orda-burda danışmağa başlayıb. Guya bu addımı

atarkən ölkədəki əclafların dəstəyinə ümid bağlayıb və s. MÜSАHİBƏ -Özünə əclaf demək

ehtiyacını nə vaxt hissettin? Bu necə oldu? -Bütün günah Həmid Herisçinindir. Onu görüm

bloknotu itsin. Günlərin bir günü idi, gündüzü gecə əvəz eləmişdi, ömrümün bir günü mənasız

yerə keçib getmək istəyirdi, gecə saat 02-də Həmid zəng vurdu. Vurdu nə vurdu. Əclaf olmaq

və əclaflığın anatomiyası haqqında bir xeyli danışdıq, bu söhbətin təsiriylə əclaflıq

haqqında bir şey yazmağı qərara aldım. Təkcə qalırdı onu hansı formada yazmaq, yenə sağ

olsun Həmid, onun tövsiyyəsi ilə mən bunu şer formasında yazmağı qərara aldım. Beləliklə,

«Mən əclafam» şerini cəmi 10 dəqiqə içərisində yazıb tamamladım. Bir həftə sonra da «Nar»da

dərc olundu. - Bəs «Əclaf - 2» şerini nə üçün yazdın? -Birinci cümlədə açıq-aydın

göstərilib. Çünkü «özümdən də əclaf adama» rast gəlmişdim. Ona paxıllığım tutdu, ikincisini

qələmə aldım. Allaha yalvardım ki, əclaflıqda məndən irəlidə heç kəs olmamalıdır, «İlahi

imkan vermə buna». Bu respublikada Əclaf nömrə 1 mən olmalıyam. -Əclaf şerində «siqaret

tüstüsünün havada Ə və C hərfləri əmələ gətirdiyindən» bəhs olunur. Bu hərflər kiminsə

adının baş hərfidirmi? -Ola bilər. Olmaya da bilər. Adı «Ə» ilə, soyadı isə «C» ilə başlayan

bir adam, məndən soruşdu ki, məni nəzərdə tutmusan burada? Mən də qurudum qaldım. Əslində

bunu demək istəməmişdim. Amma kim elə başa düşmək istəyirsə, buyursun başa düşsün. Etiraz

etmirəm. -Bəs «Əclaf» adlı diski buraxmaq ideyası kimə aiddir? -Alatoran jurnalının pulsuz

əlavəsi kimi bu diski buraxmaq fikri bir dostumuza aid idi. «Sonor» musiqi mərkəzinin

direktoru, Elmir Mirzəyevə. Əclaf diski nəhayət işıq özü gördü, geniş yayıldı, bəyənildi,

hətta «şok» vəziyyətinə düşənlər də oldu. Məqsədimizə çatdıq deyə bilərəm. İnşallah ikinci

diskimizi də Alatoran-5 üçün hazırlayarıq. Onu da qeyd edim ki, diskin adı «Əclaf» olsa da,

içində ancaq mənim şerlərim deyil. Musiqi nümrələri də var, Murad Köhnəqalanın şerləri də

yer alıb orada. -Seneka özü çox murdar adam idi, Neronun yaltağıydı, əclafın yekəsi idi.

Ancaq əsər yazanda ismətdən, namusdan, qeyrətdən, şərəfdən, ləyaqətdən dəm vururdu. Yəni

yazılarında başqa, həyat tərzi etibarilə isə başqa Neron var idi. Sənsə «Mən əclafam»

deyirsən… Yəqin ki, anladın nə demək istəyirəm? Bəlkə sənin «əclaflığın» sadəcə olaraq bir

protestdir və tərsinə yozulmalıdır? -Neronu tanımıram, düzü, tanımaq da istəmirəm. Necə

yazıram, eləcə də varam. Burada tərsinə işləyən heç bir kodlaşdırma yoxdur. Açıq etiraf var.

Ancaq protest özü də yaxşı şeydir. Bəyənirəm. Protest çox olarsa, basılmaz vətən. Cəmiyyətdə

müxtəliflik olmalıdır, «yox» deyənlərin sayı günü-gündən artmalıdır. -Protesti qəbul

edirsənsə, feminizmi, anarxizmi, nihilizmi və s. «izmləri» də qəbul edirsən yəqin ki? -Kim

hansı izmə xidmət etmək istəyirsə bu onun şəxsi işidir. Mən nə karəyəm ki, kiməsə ağıl

öyrədim, qəbul edim, ya da etməyim?.. Əslində çox həssas nöqtəyə toxunursan fərqində

olmadan. Bilirsən necədir, hər kəs elə bilir ki izmlərdən azaddır, amma özü fərqində оlmаdаn

hansısa bir izmin dalınca qаçır. Ola bilsin mənim də bir izmim var, ancaq mən bunun nə

olduğunu bilmirəm. Sənin sadaladığın izmlərin də yaşamaq, tərəfdar toplamaq, təbliğ olunmaq

hüququ var əlbəttə ki. Lakin mənim fikrim sənin üçün maraqlıdırsa, feminizm mənim nəzərimdə

frigid, lezbiyan, sonsuz, eybəcər qadınlara xasdır. Əslində feministlərin ortaq özəlliyi

eybəcər, kifir olmalarıdır. Mənə bir nəfər də olsun, «obyektiv» gözəl feminist göstərə

bilməzsən. Kişilər tərəfindən maraq görməyən qadın, əlbəttə ki feminist olmalıdır. Yekun

olaraq söyləyim: «İstisnasız bütün feministlər eybəcərdir». Anarxistlər, nihilistlər də

nifrət etdikləri sistemin əsiridirlər, özlərinin isə xəbəri yoxdur bundan. Bütün qanunlara,

normlara, institutlara, əxlaq kodekslərinə «yox» desələr də, bunların çox böyük hissəsinə

quzu kimi riayət edirlər. Etməyə məcburdurlar. Şübhəsiz bu izmlər feminizmdən daha maraqlı

və funksionaldır. Əşşi bunları hardan yadıma saldın sən? -Əli Əkbər, eşitdiyimizə görə

deputat mandatı almaqdan ötrü növbəti parlament seçkilərində öz namizədliyini irəli

sürəcəksən. Öz seçicilərin qarşısında çıxış edərkən onlara nələri söyləyəcəksən axı? -Onlara

öz əclaflığımdan danışacam, deyəcəyəm ki bəsdirin əxlaqlı, dürüst, namuslu deputatlara səs

verdiniz, heç olmasa bircə dəfə də əsl əclafa səs verin. Bütün dərdlərinizin baisiyəm,

deyəcəm, hər şeyi indidən boynuma alıram. Ona görə səs verin, ya da verməyin. Torpaqları

satan, Hacı Məmmədovun dəstəsində qadınları, qızları qaçırdan, Elmar Hüseynovu qətlə yetirən

də mənəm. Bugünə qədər nifrət bəslədiyiniz bütün obyekt və subyektlərə məhəbbətinizi izhar

edə bilərsiniz, çünki əsl əclaf tapıldı - Əli Əkbər. Nifrətlərinizin hamısını mənə yönəldin.

Sizi bu zəlil günə mən qoymuşam ey kütlə! Mən əclafam. Harada görsəniz əzin. Yaxamdan

yapışın və itirilən torpaqlarınızın, əzilən mənliyinizin, alçaldılan qürurunuzun, günahsız

yerə həbs edilən yaxınlarınızın hesabını məndən soruşun. Mən əclafam! Xəyanət, hiylə,

satqınlıq, yalan, təkəbbür, əclaflıq mənə aid xislətlərdir. Bəli mən əclafam. Şerlərimdə

insanlar özlərini tapdıqları üçün məndən nifrət edirlər, mən də özümdən nifrət edirəm.

Qarnım sizin qeyrət, namus, ismət, paklıq, şərəf, ləyaqət kimi nağıllarınıza toxdur. Mən

can, mal və namusumun hər an təhlükədə olduğu bir dövlətin vətəndaşıyam. Mən status kvoya

ancaq qəzet səhifələrində «yox» deyə bilmə cəsarəti sərgiləyirəm. Həyatda isə öz p..unu

yeyən bişərəfin yekəsiyəm. Mən rüşvətxorları söyürəm, isteblişmentə hərb elan edirəm, amma

daxilən özüm də rüşvətxor olmaq istəyirəm, isteblişmentin bir üzvü olmağa can atıram. Mənim

də villam, maşınım, rahat kabinetim olsun istəyirəm. Yəni mən elə sizin özünüzəm. Yaltaqlıq

yarışında cəld tərpənmədiyimə görə, arxada qalmışam. Bütün yerlər artıq tutulub, növbədə isə

yüz minlər var. Mənə nə zaman növbə çatacaq? Mən kimin gündəyəməzini öpüm ki vəzifə sahibi

olum? Çoxlu, çoxlu pulum olsun. Mən də bu vətənin övladı deyiləmmi? -Sən həqiqətən də

əclafsan! Heç vaxt imkan verməyəcəklər deputat olasan, inanmıram. -Onda yaxşı düşünsünlər.

Bir baxsınlar Milli Məclisə. Ora nə qədər də darıxdırıcıdır, nə qədər yeknəsəgdir. Bütün

deputatlarımız mələk kimi pak, ismət, namus abidəsi, vətənpərvər, millətpərəst, ləyaqətli,

şərəfli… Axı bu insan hüquqlarının kobud şəkildə pozulmasıdır! Bu məclisdə bir dənə də olsa

əclaf olmalıdır ya yox? Əclafları kim təmsil edəcək? Onların sözünü kim deyəcək? Mən bütün

xalqımı Azərbaycan Respublikasının Milli Məclisinin qarşısında mitinq keçirməyə çağıracağam!

125 nəfərdən ibarət Məclisimizdə hamı yaxşı ola bilməz! Heç olmasa bir nəfər pisə, əclafa,

murdara, bişərəfə orada yer olmalıdır ya yox?! Əks təqdirdə AŞ-a şikayət məktubu

ünvanlayacağam!!! «ƏDАLƏT» qəzеti, 20 Аprеl 2005